Mphaniɔ 19:7 - Ɔngana á Kɛ̌kɛ

⁷ Ɓéguɛni jaí na maseye. Ɓénɗokomiseni nga, mbenɔ éyamani á Muna-mɔgɔgɔ akpeengeani. Nke éyamani nɛkɛ ɛ̌ɓɔngisigi.

Mphaniɔ 19:7 Iomraidhean Croise

Matáyɔ 1:20

Mbenɔ nde Yɔsɛ́phu ɗáoianaga nyɔngɔ ndɔ, Malaéka ndea Mɔkɔta áɔnsɛnɛkɛa ka njeki, áongoɗea: «Yɔsɛ́phu mosuko á Daúdi, kɔ́ɓɛ́mbɛ na kɔɓɔɓɔkɔ ka ɓoa á nkakɔ Malía nga, akumbi éme ndɔ ka ɓukpɛkpɛ á Měma á kanga ɓojeɗe.

Matáyɔ 22:2

«Koɓoamɛ á na koba akengeani na Moamɛ moci mmbé ɗáɓɔngisigi ka anakɛ jaí á eyamani.

Lóka 12:36

Ɓáni ɓea ɓabɛɗanigi na ɓáomɓondeaga mɔkɔta nɛɓɔ, mbenɔ nde aoja k'aphe á ɛkɛka ka gea te, ɓámúkuiɛ kǐo mbenɔ nde agbondoagande ú.

Yoáni 3:29

Munya-mpakai, aámbé ande munya nke. Dakɛ na mǒko gǎkɛ a tɔ bíbí akɛ, áotúma na maseye ɓî aɔɔ́ka ɛsɔ á mǒko ndɔɔ. Kaɓondɔ, netúmi na maseye phɛɛ.

2 Ɓakɔlítɔ 11:2

Nena nsengo ka ɓenu ɓíndɔ Mokonga aně ka nyɔngɔ anu ka nyɔngɔ nde ɓenu ɓonde ɓea nseka nde nekondi ɔmanisa akɛ na mǒko moci. Mǒko kayɛ ande Kiísito.

Ɓaɛphɛ́sɔ 5:23

Nga, mǒko ana kɔkɔta gǔ á nkakɛ ɓíndɔ Kiísito ana kɔkɔta gǔ á kanisa. Kiísito sasakɛ ande Namisi á kanisa nnde ande nyama akɛ.

Ɓaɛphɛ́sɔ 5:32

Mokongo á nyɔngɔ á ɗoni ungɔ aɛsɔmɛani suɓi á yɔnga ndɔɔ. Eme nenóngoɗi gea, wani ande nyɔngɔ á Kiísito na kanisa.

Ɓaphilípi 3:3

Ɓesu ndiu ɓáunge ɓende ɓagu-ganja á ɗoni nga, ɓeonɗokomisa Mokonga ka Měma akɛ. Ɓeǒbeɓa ka nyɔngɔ á Kiísito Yéso. Nseɓeɔ nɛsu nna ka ɓesu sisasu.

Mphaniɔ 11:13

Ka mbenɔ ndɔ tɔ, ɓaningina akpɛ, áoɗengisa nji ndɔɔ. Phaeka á ko iɓɛ á ntanga-nji áɔngbɔɔkanaga, ɓakpa ɛlɛphu ngianjaga iɓɛ (7.000) ɓáosia ka nyɔngɔ á ɓaningina ndɔɔ. Ɓakpa nde ɓájigi, ɓáoɓá na kɔɓɔɓɔkɔ phɛɛ, ɓáonɗokomisa Mokonga, mmbé ana koba.

Mphaniɔ 19:9

Mpɔ, malaéka ndea Mokonga áomongoɗea te, néɗunduɛ: «Maseye ka ɓundɔ ɓáɛɓɔphani ka jaí ɛ́kɛka ndea Muna-mɔgɔgɔ.» Â goto ɔyɔnga: «Nndɔ ande nyɔngɔ á ɗoni nnde atóki mɔtɛ á Mokonga.»

Mphaniɔ 21:2

Néɔɔna ntanga-nji á kanga ɓojeɗe, Yɛusalɛ́ma á kɛ̌kɛ n'aodida ka toka na koba mɔtɛ á Mokonga n'aɛphɔni ɓea nke n'aomɓondeaga munyakɛ.

Mphaniɔ 21:9

Ka Ɓamalaéka ndea Mokonga ngianjaga iɓɛ (7), ɓundɔ ɗáɓábɛɗi cǎ n'atúmi na tambaga á sungiaga ngianjaga iɓɛ (7) áobika omongoɗea gea: «Bika, nekophangiande nke á mbanje, nke-éyamani ndea Muna-mɔgɔgɔ.»