Mphaniɔ 19:4 - Ɔngana á Kɛ̌kɛ

⁴ Ɓagbɛga nkama iɓɛ na gena (24), na econji á enda gena, ɓáogbúka muanku mosá á Mokonga ka ɗokomisa akɛ ɓî aiki ka kankaanga á koɓoamɛ. Ɓáɔyɔnga: «Mokonga áɓɛ n'obebɔ, áɓɛ ɓó!»

Mphaniɔ 19:4 Iomraidhean Croise

Matáyɔ 28:20

Ɓógoisɛgɛ ɓɔ amba á nyɔngɔ bubui nde ɗénósosi. Na úbani gea, ne kimoci na ɓenu esa bui na ka sungiaga á mokonda.»

Matáyɔ 6:13

Kosóɗeketɛmbɛ ngia ka tombaga, ósoamisa ndiu na Nketi. [Nga koɓoamɛ, ɓukpɛkpɛ na ɓoombia ande akɔ ka saga na saga. Áɓɛ ɓó.]

1 Ɓakɔlítɔ 14:16

Aoɓá n'ɔtɔ ɔmɛma Mokonga ka měma akɔ ka sega akɛ, ɓadakɔ íɓunde ɓákáoengekisa nnde ɔɔyɔnga, ɓákáɓeekeɛku «áɓɛ ɓó» ka ɛmɛmi nɛkɔ á ɓosegi nga, ɓákáoengekisa ɛyɔngi nɛkɔ.

Mphaniɔ 15:7

Ka ɓanyama gena ndɔ, moci áǒɓopha ɓamalaéka ndea Mokonga ngianjaga iɓɛ (7) cǎ ngianjaga iɓɛ (7) á láté n'atúmi n'esúia ndea Mokonga Mɛyɔ.

Mphaniɔ 19:1

Mbusa índɔ, nɛ́ɔɔ́ka ógoma ɓea ógoma á ɓakpa ɓásii na koba áogea: «Obebɔ ka Mokonga nɛsu! Yɛ ande mɛna-ɓoamia, ɓophombia na ɓukpɛkpɛ.

Mphaniɔ 19:3

Ɓâ goto ɔyɔnga: «Obebɔ ka Mokonga nɛsu! Maki á abambongo-mbongo á ntanga-nji nde asiɗima aophúphuta ka saga na saga!»

Mphaniɔ 19:6

Mbusa, nɛ́ɔɔ́ka eongo ɓea ɓakpa ɓásii, n'aɔɔya ɓea gɔa, ɓea ɓáoka á mbua. Áogea: «Obebɔ ka Mokonga nɛsu! Nga, Mɔkɔta nɛsu Mokonga, Mɛna-ɓukpɛkpɛ, amamei nji bui.

Mphaniɔ 5:14

Mpɔ, ɓamakɛlúbi gena ndɔ, ɓáogea: «Áɓɛ ɓó!» Ɓagbɛga ndɔ, ɓáogbúka muanku aɓɔ, ɓáobeba.