Mphaniɔ 19:18 - Ɔngana á Kɛ̌kɛ

¹⁸ Ɓóegɛ kesuku á ɓaamɛ, ɓakɔta á ɓato émani na ɓato émani, nnde á ɓa phalási na ɓunde ɗáɓáokambeaga gǔ aɓɔ, nnde á nkpa buakɛ nkɔɓɛ, mmbé nna nkɔɓɛ, miki na ngbɛga.»

Mphaniɔ 19:18 Iomraidhean Croise

Matáyɔ 24:28

Ɔma nde mǒnda á nyama aogua, aunge ɓandia ɓáodondanaga ɓei.

Lóka 17:37

Ɓagoigi ɓâ goto omúsia: «Mɔkɔta, nyɔngɔ ndɔ ageanande wani?» Yéso áǒsikisia ɓe: «Ɔma nde mǒnda aɓande ɓei, wa unge ɓandia ɓádondanagande.»

Mphaniɔ 11:18

Ɓato á k'ékuna bui ɗáɓáɓɛí, oɓɛ ǒphangisi gǎkɛ esúia nɛkɔ. A ye tɔ mbenɔ ka tena nyɔngɔ á ɓasí, ɓakpa nde ɓaku ɓâ gǎkɛ oɓá na ɓukpɛkpɛ. Óphenda ɓakpa nɛkɔ á kanga ɓojeɗe, kimɔci na ɓaɔtu-nyɔngɔ nɛkɔ ɓunde ɗáɓákɔbɛɗaneigi phɔtɔ, óphendɛ ɓakpa ɓɔbu, ɓunde ɗáɓáɔkɔɔ́ka, nanga ɓagbɛga na ɓaniki, ande mbenɔ á kɔndɔkisa ɓunde ɓátúkatúki mokonda.

Mphaniɔ 13:16

Nyama ndɔ, áǒsosea ɓakpa ɓɔbu, ɓaniki na ɓagbɛga, ɓatɔi na ɓaúki, ɓakɔɓɛ na ɓunde ɓáná ɓakɔɓɛ gea, ɓábisɛ mphaniɔ kaɓɛ k'éndóndó kaɓɛ ka njaga á mǔku.

Mphaniɔ 17:16

Ndeka nkama (10) ndɔ ɔɔnima na nyama, ɓánkangeande nke ndɔ mambɔ ámpháki, ɓáomuta nkumba nɛkɛ bui, ɓáonɗeketa ndumbu. Ɓâ phɔtɔ oea kesuku akɛ, na makea due í ka nsa.

Mphaniɔ 19:5

Ɛsɔ áotóka ka kankaanga á koɓoamɛ, áogea: «Mbebani Mokonga nɛsu, ɓenu ɓabɛɗanigi nɛkɛ ɓɔbu, ɓenu íɓunde ɓoomɓánga, ɓato á koomba na ɓato á jǎi-jǎi.»

Mphaniɔ 6:15

Ɓaamɛ á ka mokonda, ɓakɔta, ɓakɔta á ɓato émani, ɓatɔi, ɓato á ɓukpɛkpɛ, na ɓakpa ɓɔbu, ɓakɔɓɛ, na ɓunde ɓáná ɓakɔɓɛ, ɓáɔ̌sɔmɛana suɓi á kubu á okanga na sɔsɔɓɛ á okanga á mamba-mamba.