Mphaniɔ 19:14 - Ɔngana á Kɛ̌kɛ

¹⁴ Ekombo á ɓato émani á na koba, ɓáomɓea na ɓákǎmbi gǔ á ɓaphalási ɓábúbú na ɓáɔ́li bɔngɔ ánjá na abúbú.

Mphaniɔ 19:14 Iomraidhean Croise

Matáyɔ 21:5

«Óngoɗea ɓato á ka Sayúni te: Égani phɔ́! Mɔkɔta nɛnu abiki mɔtɛ-anu. Ande nto á aphɔngɔ, akǎmbi gǔ á nka-mponda na mponjo á mponda, miki á mponda.»

Matáyɔ 26:53

Kóoúba gea te, netókeni ɔphana á Abɛ, ámotekisiɛ mɔngɔ ímoci ekombo émani á ɓamalaéka kɔnyɛ́nya nkama moci na iɓɛ (12)?

Matáyɔ 28:3

Keongi akɛ ɗáophénuaga biɛ, biɛ, biɛ! Ngɔ́mbɛ nɛkɛ ɗátú ábu phɛɛ.

2 Ɓatɛsalɔníka 1:7

Cɔ, ɓenu íɓunde ɓootambaga, Mokonga anóphande muumbiɔ kimoci na ɓesu mbenɔ nde Mɔkɔta Yéso asɛnɛkande. Atókande na koba, kimoci na ɓamalaéka nɛkɛ ɓunde ɓána ɓukpɛkpɛ.

Yúda 1:14

Cɔ, nyɔngɔ aɓɔ unge Ɛnɔ́ka nkpa á ko ngianjaga iɓɛ kpangá ka Adámu ɗáɔtu kala gea te: «Ɔ́nani, Mɔkɔta aobika na ɓamalaéka ndeakɛ ɓásii phɛɛ

Mphaniɔ 14:1

Ɓî ɗɛ́nɛɛnji goto, Nɛ́ɔmɔna Muna-Mɔgɔgɔ n'amame gǔ á mamba á Sayúni, kimoci na ɓakpa ɛlɛphu mia moci nkama gena na gena (144.000). Ɗáɓáɗundu ina akɛ n'índe á Abakɛ k'éndóndó aɓɔ.

Mphaniɔ 14:20

Ɓáokáma mbuka ka kasangɔ ndɔ, mbamba na ntanga-nji, magia áojuana kau, áoyoka ɓ'iɓo, ɓondanda í áoɓá ɓea kilɔmɛtɛɛ mia isaɔ (300), Dǔmana í áoɓá ɓea mɛ́tɛɛ moci na gbútuka.

Mphaniɔ 17:14

Ɓɔ, ɓámanande na Muna-Mɔgɔgɔ. Muna-Mɔgɔgɔ aékíndande ka nyɔngɔ nde ande Mɔkɔta ndea ɓakɔta na Moamɛ ndea ɓaamɛ. Akíndande kimoci na ɓunde ɗáɛɓɔphani, ɗáesombi na ɓunde ɓámɓeeki.»

Mphaniɔ 19:11

Mpɔ, nɛ́ɔɔna koba n'akoɗokani. Phalási abúbú áɔsɛnɛka. Mmbé akǎmbi gǔ akɛ ɓáɔmɔphana Mɓêki na Nto á ɗoni nga, aotena nyɔngɔ na mana ka koɗoni.

Mphaniɔ 19:8

Ɓáomopha bɔngɔ ánjá phɛɛ ka ɔ́la í, n'aophenuaga.» [Bɔngɔ ndɔ, ande mphangiɔ á tambea ánjá ndea ɓato á kanga ɓojeɗe.]

Mphaniɔ 3:4

Cɔ, o gǎkɛ na ɓakpa ɓuangbo ka Sáadi, ɓunde ɓákájɔɔkisi bɔngɔ ɓó. Ɓɔ ɓáunge ɓátambande kimoci n'eme na ɓáɔ́li bɔngɔ-ábu nga, ɓákeni ně.

Mphaniɔ 4:4

Kankaanga nɛngbo á koɓoamɛ nkama iɓɛ na gena (24) ɗátimbi kankaanga á koɓoamɛ ndɔɔ. Ɓagbɛga nkama iɓɛ na gena (24) ɓáoika gǔ í, na ɓáɔ́li bɔngɔ ábu na kekombó á láté.

Mphaniɔ 7:9

Mbusa á nyɔngɔ ndɔ, nɛ́ɔɔna usɛsɛ ángbó á ɓakpa, nnde nkpa nnaɔtɔka nětangi. Ɓakpa ndɔ ɗáɓátóki ka nji bui, k'ekuna bui, k'ététe á ɓakpa ɓɔbu, na k'ététe á ɛyɔngi bui. Ɗáɓámamege mosá á kankaanga á koɓoamɛ na mosá á Muna-Mɔgɔgɔ. Ɗáɓáɔ́li bɔngɔ éndǎ ábu na ɓábɛɗigi kasa á mbia.