Mphaniɔ 19:12 - Ɔngana á Kɛ̌kɛ

¹² Iso akɛ ɗáɔbɛnya ɓea ɛɛmbɛ á nsa. Ɗáɔ́li kekombó á koɓoamɛ ásii ka mɔ̌ akɛ. Ɗáɓáɗundu ina gǔ akɛ. Yɛ sasakɛ tɔndɔ aámbé ɗáúbi ú.

Mphaniɔ 19:12 Iomraidhean Croise

Matáyɔ 11:27

«Abɛ ɗámopi kema bui. Nna na nkpa nde aomúba Miki, na nna tɔndɔ Abɛ. Nna na nkpa nde aomúba Abɛ, na nna tɔndɔ Miki, phɔtɔ na ɓunde Miki akondi áephangiɛ Abɛ base.»

Matáyɔ 21:5

«Óngoɗea ɓato á ka Sayúni te: Égani phɔ́! Mɔkɔta nɛnu abiki mɔtɛ-anu. Ande nto á aphɔngɔ, akǎmbi gǔ á nka-mponda na mponjo á mponda, miki á mponda.»

Matáyɔ 28:18

Mpɔ Yéso áobika ka mpɛphɛ aɓɔ, áǒngoɗea te: «Ɓámopi kɔkɔta bui á na koba na nnde á ka mokonda.

Lóka 10:22

 phɔtɔ ogea: «Abɛ amopi kɔkɔta á kema bui. Nna na nkpa nde aomúba Miki mǒko tɔndɔ Abɛ. Nna na nkpa nde aomúba Abɛ, na nna tɔndɔ Miki mǒko, na mmbé Miki mǒko akondi phangia akɛ.»

Yoáni 17:11

Ké ye ka mokonda, nege mɔtɛ-akɔ, ɓɔ ɓáunge ɓá phɔ́tɔ ka mokonda. Abɛ, nto á kanga ɓojeɗe, óamba ɓɔ ka ɓukpɛkpɛ á ina akɔ. Ina ndɔ ɗómopi ka gea, ɓakpa nɛsu ɓáɓɛ kimoci, ɓíndɔ oɓɛ n'eme ɓe kimoci.

Yoáni 17:12

Ɓî ɗétú kimoci na ɓɔ, ɗéǒamba ka ɓukpɛkpɛ á ina akɔ, ina ndɔ ɗómopi. Ɗéambi phɛɛ, ka ɓɔ kaɓúngɛgɛ, tɔndɔ mmbé ɗákeni áɓungɛgɛ, ka gea te, moangɔ á Ɓuku á Mokonga átɔtɔkɛanɛ.

Ɓaɛphɛ́sɔ 1:21

Kiísito a gǔ á koɓoamɛ bui, kɔkɔta bui, ɓukpɛkpɛ bui, na ɓakɔta ɓɔbu kaɓɛ ka mokonda nde, kaɓɛ ka mokonda nde abikaeka.

Ɓaɛbulanía 2:9

Cɔ, ɓɛɔni ndiu gea, mmbé ɗáɓándidisi ka mbenɔ ábɔa kusi á ɓamalaéka ande Yéso. Ka nyɔngɔ á tambaga na kukuwa akɛ, Mokonga amophi kɛ̌kɛnde ɓoombia na ɓokutú. Kaɓondɔ unge ka nyɔngɔ á ɓonjánja-ékondi ndea Mokonga, Yéso ɗáku ka phɔa ɓakpa ɓɔbu.

Mphaniɔ 1:14

Sekamɔ̌ akɛ ɗátú ábusǔ ɓea sáá á mɔgɔgɔ ímbɔ aábu, â phɔtɔ oɓá ábusǔ ɓea matanda. Iso akɛ ɗáɔbɛnya ɓea ɛɛmbɛ á nsa.

Mphaniɔ 12:3

Mpɔ, mphangiɔ nɛngbo áɔsɛnɛka na koba: Njɔka angbóngbó ánjɛ n'ana mɔ̌ ngianjaga iɓɛ (7) na ndeka nkama (10). Mɔ̌ ngianjaga iɓɛ (7) ndɔ bui ɗátú na kekombó moci-moci.

Mphaniɔ 13:1

Mpɔ, Nɛɔmɔna Nyama n'ajúani k'óɓenge. Ɗátú na ndeka nkama (10) na mɔ̌ ngianjaga iɓɛ (7). Kekombó ɗáɛmbi tɔ ndeka akɛ bui. Gǔ á mɔ̌ ndɔ bui, ɓáoɗunduaga ina á bóma á Mokonga.

Mphaniɔ 19:16

Ɗáɓáɗundu ka bɔngɔ nɛkɛ na ka kɛbɛ akɛ ina ndee: «Moamɛ ndea ɓaamɛ na Mɔkɔta ndea ɓakɔta.»

Mphaniɔ 3:12

Mmbé akíndande, nembisande ka ngeɔ suɓi éndu ndea Mokonga nɛmɔ na kájuanɛeka ye tanda. Neɗunduande ina á Mokonga nɛmɔ na ina á ntanga-nji ndea Mokonga nɛmɔ gǔ akɛ. Ina á ntanga-nji ndɔ ande Yɛusalɛ́ma á kɛ̌kɛ, nnde adidi ka toka na koba mɔtɛ á Mokonga nɛmɔ. Neɗunduande phɔtɔ ina ani á kɛ̌kɛ gǔ akɛ.

Mphaniɔ 6:2

Mpɔ, Nɛɔmɔna mponda á emani mmbé aábu. Mmbé ɗákǎmbi gǔ akɛ, ɗábɛɗi mange, na ɓámophi kekombó á kɔkɔta. Ɗátú ntɔki-emani na áoga goto k'aphe á tɔka á emani.