Mphaniɔ 19:10 - Ɔngana á Kɛ̌kɛ

¹⁰ Mpɔ, néogua k'écinji akɛ ka beba akɛ. Â gǎkɛ omongoɗea te: «Kógeɛmbɛ ɓondɔ nga, ne tɔ ka ɓenu ɓabɛɗanigi ande gea te, oɓɛ na ɓana-amakɔ ɓunde ɓáɗigimisi nyɔngɔ á ɗoni ndea Yéso. Mokonga aámbé oɓande ombeba nga, nyɔngɔ nde Yéso aoɗigimisa, ande cina á měma á ɔtɔa á nyɔngɔ.»

Mphaniɔ 19:10 Iomraidhean Croise

Matáyɔ 4:10

Mpɔ Yéso áongea: «Tóka wa, Sɛtáni! Ɓáɗundu suɓi á Ɓuku á Mokonga ɓe: ‹Onɗokomisande Mɔkɔta, Mokonga nɛkɔ na yɛ sasakɛ tɔndɔ aámbé ombebande.›»

Málikɔ 5:22

Nkpa moci áokiɗia ina akɛ Yaílɔ. Ɗátú ka ɓakɔta á endu á madondanɔ ndea Ɓayúda ka nyɔngɔ á Mokonga. Mbenɔ nde ɗámɔni Yéso, áogua k'écinji akɛ,

Málikɔ 7:25

Nke moci mmbé nseka nɛkɛ ɗátú na kukuwa á ɓansombo, áɔɔ́ka nyɔngɔ á Yéso, kɛ̌kɛndɔ áombikia, áogua k'écinji akɛ.

Lóka 1:19

Malaéka áonsikisia: «Eme nende Gabiliɛ́li, neomamaga mosá á Mokonga ka bɛɗaneaga akɛ. Yɛ, aámbé amoteki ka ngoɗea akɔ nyɔngɔ ánjá ndee.

Lóka 24:44

Mpɔ Yéso áǒngoɗea ɓagoigi nɛkɛ te: «Ɓɔɔni nyɔngɔ nde ɗénóngoɗi na ne phɔ́tɔ na ɓenu gea: Ambe kema bui nde ɗáɓáɗundu ka phɔani suɓi á ɓuku ndea Mósa, nnde á ɓaɔtu-nyɔngɔ ndea Mokonga na nnde á Jabúi átɔtɔkɛanɛ.»

Yoáni 5:39

Ɓɔɔcɔca Ɓuku á Mokonga nga, ɓookanisia te, suɓi í, ana nyɔngɔ á enda á mɛyɔ. Cɔ, Ɓuku ndɔ ungɔ atooɗigimisa nyɔngɔ ani.

Ekuma á ɓateki 10:43

Ɓaɔtu-nyɔngɔ ndea Mokonga ɓɔbu ɗáɓán'yɔngɛi gea, nkpa buakɛ, mmbé aomɓeekea, Mokonga áímande ɓojeɗe nɛkɛ ka ɓukpɛkpɛ á ina á Yéso.»

Ekuma á ɓateki 13:27

Cɔ, ɓato á ka Yɛusalɛ́ma na ɓakɔta nɛɓɔ, ɗáɓákámúbi Yéso. Ɗáɓákáúbi phɔtɔ nyɔngɔ ndea ɓaɔtu-nyɔngɔ ndea Mokonga, nnde ɗáɓáotanga esa á saɓáto bui. Ka tena nyɔngɔ á kukuwa á Yéso aunge ɗáɓátɔtɔkisi ɓoabi ndea ɓaɔtu-nyɔngɔ ndea Mokonga.

2 Ɓakɔlítɔ 8:7

Cɔ, ɓenu, ɓona kema bubui, kaɓɛ ɓeekea, egabɔ á yɔnga, úbapha, moíngí kángá á sungiaga. Ɓo phɔtɔ n'ekondi ásii ka ɓesu. Kaɓondɔ, ɓekondi ɓɔ́ɔnisɛ phɔtɔ gea, ɓona kema bui k'ékuma ndɔɔ.

Ɓaɛphɛ́sɔ 5:15

Cɔ, óengani ánjá ka tambea anu. Ɓókóɓɛmbɛ ɓea ɓabóbó, ɓáni ndiu ɓea ɓato á kɔɓɔɔngɛ.

Ɓaɛphɛ́sɔ 5:33

Cɔ, a gǎkɛ tɔ ɓó ka ɓenu: Ambe mǒko buakɛ ánkondɛ nkakɛ ɓíndɔ ěkondi sasakɛ na ambe nke ánɗokomisɛ munyakɛ.

Ɓaphilípi 3:3

Ɓesu ndiu ɓáunge ɓende ɓagu-ganja á ɗoni nga, ɓeonɗokomisa Mokonga ka Měma akɛ. Ɓeǒbeɓa ka nyɔngɔ á Kiísito Yéso. Nseɓeɔ nɛsu nna ka ɓesu sisasu.

1 Ɓatɛsalɔníka 5:15

Óengani phɛɛ gea, nkpa kansikisiɛ mɔnɔ dakɛ ɓojeɗe. Ɓógeanɛ ndiu ɓonjánja. Geani phɔtɔ ɓó ka ɓakpa ɓɔbu.

Ɓaɛbulanía 1:14

Cɔ, ɓamalaéka ɓánde ɓaani? Ɓɔbu ɓá tɔ ɔmbɛɗaneaga Mokonga. Yɛ aǒteka ka enga ɓakpa nde ɓátɔande ɓoamia á ka měma.

Ɓaɛbulanía 12:25

Ɛ́ngɛphani ka gea, ɓókoyɛmbɛ ɔ́ka á nyɔngɔ á nkpa nde aɔyɔnga na ɓenu nga, ɓakpa nde ɗáɓán'yé Mósa mbenɔ nde ɗáɔ̌phɛa ka mokonda, ɗáɓákátɔki tea á esúia ndea Mokonga. Ɓesu phɔtɔ ɓɛ́kɛ́ɔtɔka na ɓetí, aoɓá na ɓen'yé Mokonga mbenɔ nde aɔsɔ́phɛa n'ana koba.

1 Yoáni 5:10

Nkpa buakɛ mmbé amɓeeki Muna-Mokonga, a ye n'aɗigimisi ka yɛ sasakɛ. Mmbé kámɓeeki gǎkɛ Mokonga, agi gea Mokonga ande nto á mbɛa. Nga, káɓeeki nnde Mokonga aɗigimisi ka phɔa Miki-mǒko nɛkɛ.

1 Yoáni 5:21

Ɓaniki amɔ, óambani na ɓamokonga á mɓɛa.

Mphaniɔ 1:1

Ɓuku nde ana mphaniɔ nde Mokonga ɗámophi Yéso Kiísito ka gea, áúbisɛ ka ɓabɛɗanigi nɛkɛ kema nde ambe átɔtɔkɛanɛ kángá iphia. Cɔ, Kiísito ɗánteki malaéka nɛkɛ ka úbisa á mbɛɗanigi nɛkɛ Yoáni nyɔngɔ ndɔɔ.

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.

Mphaniɔ 12:11

Kaɓɛ ɓana-amasu ɓátónkíndí ande ka ɓukpɛkpɛ á magia á Muna-mɔgɔgɔ na ka nyɔngɔ índe ɗáɓáɗigimisi. Ɗáɓákáuníí enda aɓɔ, ɗáɓátú bíbí á kukuwa.

Mphaniɔ 12:17

Njɔka ndɔ, áɔmɓɛɛa nke ndɔ phɛɛ. Áoga ǒmanisa ɓana-nke ndɔ ɓuangbo. Ɓaniki ndɔ ɓáunge ɓáoamba ɛɔphi ndea Mokonga na ɓeá á ɓɔphɛi ndea Yéso.

Mphaniɔ 14:7

Malaéka ndea Mokonga áɔyɔnga n'ɛsɔ akpɛ te: «Mɓángani Mokonga, ɓónɗokomisɛ, ka nyɔngɔ nde mbenɔ nɛkɛ ka tena á nyɔngɔ ajú. Mbebani nconji á koba, mokonda, oɓenge na ntoɔ á iɓo.»

Mphaniɔ 15:4

Mɔkɔta, ani mmbé nnaɔtɔka n'akoɓángi? Ani mmbé nnaɔtɔka n'akobebi? Nga, oɓɛ aámbé o tɔ nto á kanga ɓojeɗe, ɓato á ka mokonda bui ɓábikande ogbúka muanku aɓɔ mosá akɔ nga, ekuma nɛkɔ á koɗoni, aɔnɛkani base.»

Mphaniɔ 19:9

Mpɔ, malaéka ndea Mokonga áomongoɗea te, néɗunduɛ: «Maseye ka ɓundɔ ɓáɛɓɔphani ka jaí ɛ́kɛka ndea Muna-mɔgɔgɔ.» Â goto ɔyɔnga: «Nndɔ ande nyɔngɔ á ɗoni nnde atóki mɔtɛ á Mokonga.»

Mphaniɔ 4:10

ɓagbɛga nkama iɓɛ na gena (24) ndɔ, ɓáogbúka muanku mosá á mmbé aiki ka kankaanga á koɓoamɛ, ɓáombeba mmbé aoenda mɛyɔ. Ɓáophúia kekombó nɛɓɔ mosá á kankaanga, ɓáɔyɔnga gea: