Mphaniɔ 18:2 - Ɔngana á Kɛ̌kɛ

² Áoúmba nkogɔ: «Abambongo-mbongo á Babɛli agú áosikia gúá. A ye tɔ ɔma á ɓoiki ndea ɓaketi ɓɔbu na ɓansombo. Ande phɔtɔ ɔma á ɓambǔ ɓɔbu á jɔɔkana na inyɛ́.

Mphaniɔ 18:2 Iomraidhean Croise

Mphaniɔ 1:15

Ecinji akɛ áɔtɔɔka ɓea ngɔa étombe nde atóki ka nsa. Ɛsɔ akɛ áɔɔya ɓea gɔa.

Mphaniɔ 10:3

Áokoga akpɛ ɓea simba n'aɔgɔuma! Ɓî akogi, ɛsɔ á ɓaoka á mbua ngianjaga iɓɛ (7), áɔɔ́kɛkana.

Mphaniɔ 11:8

Mǒnda aɓɔ ajigagande ka ntanga á ntanga-nji ángbó nnde ɓáɔɔphana Sɔdɔ́ma na Mísii, nji nde ɗáɓánkɔkɛigi Mɔkɔta nɛɓɔ ka moyangɔ.

Mphaniɔ 14:15

Malaéka ndea Mokonga ɓaangbo áotóka k'éndu á Mokonga, áonkogea mmbɔ ɗáiki gǔ á egugu gea: «Beɗa píndí nɛkɔ, óɗunguɛ! Ka nyɔngɔ nde, mbenɔ á ɗungu ajú ye tɔ, mbó á ka mokonda, amɔti.»

Mphaniɔ 14:8

Mpɔ malaéka ɓa ko ɓaɓɛ áomɓea mbusa, áogea: «Nji ángbó nde ɓáɔɔphana Babilɔ́ni agú, áosikia gúá! Ɗáenusi ɓato á ka mokonda bui makana á káe, á mambɔ nɛkɛ.»

Mphaniɔ 16:13

Mpɔ, nɛ́ɔ̌ɓɔna ɓansombo ɓasaɔ ɓájeɗe ɓea ɓamɔsɔ na ɓáotóka k'aphenɔkɔ á njɔka angbóngbó, á nyama na á mɔtu-nyɔngɔ á mbɛa.

Mphaniɔ 16:19

Ntanga-nji ángbó áogabekana ka phaeka isaɔ na ntanga-nji bui á ka nji áɔngbɔɔkana. Mokonga ɗákanisi Babɛ́li ángbó. Áonsosea noa makana ésúia ángbó á ka cǎ nɛkɛ.

Mphaniɔ 17:18

Na nke ndɔ ɔmɔnima, ande ntanga-nji ángbó nde ana ɓukpɛkpɛ gǔ á ɓaamɛ á ka mokonda.»

Mphaniɔ 17:5

Ka keongi akɛ, ɗáɓáɗundu nyɔngɔ á ɓɔsɔmɛa ɓe: «Mokongo á Babɛ́li, ama-ɓato á mambɔ na ɓosoɛ á ka mokonda.»

Mphaniɔ 18:10

Ɓámamande ɗanga ka ɓánga tambaga akɛ. Ɓáɔyɔnga: «Ngomi ee! Ngomi á mokongo á ntanga-nji Babilɔ́ni, ntanga-nji akpɛ. Ka mbenɔ moci tɔ unge ɓáteni nyɔngɔ nɛkɔ kau.»

Mphaniɔ 18:21

Mpɔ, malaéka akpɛkpɛ ndea Mokonga áɔbɛɗa moimba n'aɓea nnde ɓáogogea, áomaka ú k'óɓenge ɗǔ! Áɔyɔnga te: «Ɓondɔ unge ɓámakande mokongo á Babilɔ́ni k'akpɛ na káɔnɛkanɛeka ye.

Mphaniɔ 5:2

Mpɔ, Nɛɔmɔna malaéka akpɛkpɛ n'aɔyɔnga n'ɛsɔ akpɛ ɓe: «Ani mmbé akeni koɗa á ngoi á mutúti nde na úkuwa á ɓuku ndee?»