Mphaniɔ 18:15 - Ɔngana á Kɛ̌kɛ

¹⁵ Ɓasombisigi nkumba, ɓunde ɗáɓátɔi imɔna ka sombisaga nkumba ka ntanga-nji ndɔ, ɓámamande ɗanga ka ɓánga á tambaga akɛ. Ɓágámande na ɓáɓande ka oiyɔ

Mphaniɔ 18:15 Iomraidhean Croise

Málikɔ 11:17

Mpɔ, áɔ̌phɛa ɓe: «Ɓáɗundu suɓi á Ɓuku ndea Mokonga ɓe: ‹Ɓáɔphanande endu nɛmɔ, endu ɛ́mɛmi á Mokonga ka ɓato á ka nji bui.› Cɔ, ɓenu ɓô ndiu obisa ú ɔma á dondanaga á ɓakukuɓa?»

Ekuma á ɓateki 16:19

Ɓî ɓakɔta nɛkɛ ɓáɔni gea nseɓeɔ á ɛtɔi nɛɓɔ aɓúngi, ɓáǒdunga Pɔ́lɔ na Síla, ɓáǒɓota k'ɔ́ma ángbó á madondanɔ, ɓáǒbisa ka ntua mosá á ɓateni-nyɔngɔ.

Mphaniɔ 18:12

láté, ngɔa, ɛtɛ ésombi akpɛ, ɛtɛ nde ɓáɔɔphana nsanga, bɔngɔ áphǒ-phǒ, bɔngɔ ɗanga-ɗanga ánjɛ na á ko índa, gáo á su ánjá, kema ɗanga-ɗanga á ndeka, gáo á esombi akpɛ na kema ɗanga-ɗanga ɓea ɛtɛ, ngɔa ɛ́tɛ nnde ɓásɛki.

Mphaniɔ 18:13

Mundalasíni, kema bui á ɛkɛmisa eea, nkoki, uvumba, ngaɛ́, makana, gamba, mpusu á nkɛkɛ, nganɔ, ɓangɔmbɛ, ɓamɔgɔgɔ, ɓamponda, koko émani, ɓakɔɓɛ na ɓato á mekakɔ.

Mphaniɔ 18:14

Ɓasombisigi nkumba ɓáyɔngande gea: «Kema nde měma akɔ aseɓeima a ye koɗangamanei. Ɛtɔi nɛkɔ bui andǐ k'íso akɔ, ophiphî!»

Mphaniɔ 18:19

Ɓáokpúkpua mpusu á oɗo ka mɔ̌ aɓɔ, ɓáotoɓokea ngamɔ na ianaga ɓáogea: «Ngomi ee! Ngomi á ntanga-nji ángbó ndee. Ɛtɔi bui nde ɓakpa ɓáně kaɓɛ koko ángbó k'óɓenge, atóki tɔ kau. Na ka mbenɔ moci tɔ kema bui áɔkɔndɔkana.»

Mphaniɔ 18:3

Nga, ɓato á ka mokonda bui ɗáɓánu makana akae á mambɔ nɛkɛ. Ɓaamɛ ɓɔbu á ka mokonda ɗáɓánɗege ně na ɓasombisigi nkumba á ka mokonda ɗáɓáegani ka nyɔngɔ á ɛtɔi nɛkɛ ásii.»