Mphaniɔ 18:14 - Ɔngana á Kɛ̌kɛ

¹⁴ Ɓasombisigi nkumba ɓáyɔngande gea: «Kema nde měma akɔ aseɓeima a ye koɗangamanei. Ɛtɔi nɛkɔ bui andǐ k'íso akɔ, ophiphî!»

Mphaniɔ 18:14 Iomraidhean Croise

Matáyɔ 11:8

Cɔ, eke nde ɓotóge kɔɛnjia? Nkpa nde aɔ́li ngɔ́mbɛ ánjá? Ɓakpa nde ɓáɔ́li ngɔ́mbɛ ánjá, ɓáiki gǎkɛ k'éndu á ɓaamɛ.

Lóka 12:20

Mpɔ, Mokonga áongea: ‹Mbóbó nde ca! Ka keiphe nde tɔ, neutande měma akɔ. Cɔ, ani mmbé ajigande na nkumba ndɔ ɓî otóbisi ka phɔakɔ?›»

Lóka 16:25

Abalaámu â ndiu ongoɗea te: «Miki amɔ, kanisia gea te, ɗɔ́tɔi kema ánjánja ka enda akɔ, Lajáɔ â gǎkɛ ɔtɔa kema ájeɗe-jeɗe. Kɛ̌kɛnde gǎkɛ, aphɔngi tɔ wani phio! Oɓɛ aámbé o ndiu ká tambaga.

1 Ɓakɔlítɔ 10:6

Nyɔngɔ ndɔ ande mphangiɔ ka ɓesu ka gea, ɓékéɓɛ mɔnɔ na mɔphɛ ájeɗe ɓea ɓɔ.

Yakɔ́ɓɔ 4:2

Ɓookonda tɔá á kema, ɓókó gǎkɛ ɔtɔa. Ɓonde ɓato á kaiso na nsengo, ɓókó gǎkɛ ɔtɔka na ɓɔtɔí ka kema. Ɓoomana na sana kángá á tɔá kema nde ɓona mɔphɛ í. Ɓókóɔtɔa kema nde ɓona siki í nga, ɓókóɔmɛma ú mɔtɛ á Mokonga.

Mphaniɔ 18:13

Mundalasíni, kema bui á ɛkɛmisa eea, nkoki, uvumba, ngaɛ́, makana, gamba, mpusu á nkɛkɛ, nganɔ, ɓangɔmbɛ, ɓamɔgɔgɔ, ɓamponda, koko émani, ɓakɔɓɛ na ɓato á mekakɔ.

Mphaniɔ 18:15

Ɓasombisigi nkumba, ɓunde ɗáɓátɔi imɔna ka sombisaga nkumba ka ntanga-nji ndɔ, ɓámamande ɗanga ka ɓánga á tambaga akɛ. Ɓágámande na ɓáɓande ka oiyɔ