Mphaniɔ 17:8 - Ɔngana á Kɛ̌kɛ

⁸ Nyama ndɔ ɔmɔnima, ɗátú na enda mosá, nna ye gǎkɛ ɓei. Ajuanande suɓi á mininga, â gǎkɛ oga oɓúngaga. Ɓato á ka mokonda ɓunde ina á ɓɔ nna suɓi á ɓuku á enda kpanga á ɓî ɗáɓáconji mokonda, ɓáyayamande ka ɔna nyama nga, yɛ ɗátúoenda, áokuwa n'asɛnɛkande goto!

Mphaniɔ 17:8 Iomraidhean Croise

Matáyɔ 25:34

Cɔ, Mɔkɔta aengoɗeande ɓundɔ ɓáɓande ka njaga akɛ á mǔku te: ‹Bikani, ɓenu íɓundɔ Abɛ anóbisíí njaga, tɔani koɓoamɛ nde ɗáɓáɓɔngisigi ka ɓenu, kpanga á ɓî ɗáɓáconji mokonda.

Lóka 10:20

Ɓî aɓó, ɓókóɓɛmbɛ na maseye ka nyɔngɔ á ɓeaga á ɓansombo. Ɓáni ndiu na maseye ka nyɔngɔ nde ɓáɗundu ina anu na koba.»

Lóka 8:31

Ɓansombo ɓáonɗengemisaga Yéso te: Aoɓá n'osóɓǐgi, kǒsososeɛmbɛ ɓégɛ ka Mininga.

Yoáni 17:24

Abɛ, nekondi gea, ɓakpa nde omopi, ɓáikɛ ɔma nde neɓei, ka gea te, ɓáɔnɛ ɓoombia ani. Ɓoombia ndɔ aunge ɗómopi ka nyɔngɔ nde, ɗómokondi mosá á conjá á mokonda.

Ekuma á ɓateki 15:18

moangɔ nɛkɛ nnde ɗáengekisi kala.›

Ɓaɛphɛ́sɔ 1:4

Mokonga ɗásɔsɔmbu mosá á conjá á mokonda ka gea, ɓéɓɛ ɓakpa nɛkɛ ka ɔngana asu na Kiísito ka gea, ɓéɓɛ ɓato á kanga ɓojeɗe na kángá kisɛki mosá akɛ.

Títɔ 1:2

Kaɓondɔ, ɓáɓánde na nseɓeɔ á enda á mɛyɔ, nnde Mokonga, mmbé nnaɔyɔnga mbɛa, ɗásɔɔku mosá á mbenɔ bubui.

1 Pɛ́tɛɛ 1:20

Mokonga ɗánsɔmbu mosá á conjá á mokonda, kɛ̌kɛnde amúbisi kanu base, ka mbenɔ á sungiaga á mokonda.

Mphaniɔ 11:7

Cɔ, ɓá ye gǎkɛ ɔgɔɓa ɗigimisa á nyɔngɔ nɛɓɔ, nyama atáiande ka mininga, amanande na ɓɔ, aekíndande na aemowande.

Mphaniɔ 17:11

Nyama nde ɗáoenda na nna ye ɓei, yɛ sasakɛ ande moamɛ á ko ngianjaga isaɔ. Ande sɔsɔɓɛ á ɓaamɛ ngia njaga iɓɛ (7) ndɔɔ, mmbé age gǎkɛ oɓúngaga.

Mphaniɔ 17:2

Ɓaamɛ á ka mokonda ɗáɓánɗege ně na ɓato á ka mokonda, ɓáonoa makana á komusɔngɔ nɛkɛ áɔ̌bɛɗa.»

Mphaniɔ 20:10

Mpɔ, nketi mmbé ɗáedemigi, ɓáommaka k'ɛɛmbɛ á nsa kuɓî ɗáɓáemaki nyama na mɔtu-nyɔngɔ á mbɛa. Ɓátambagande kó keiphe n'esa nkongopha na nkongopha.

Mphaniɔ 20:12

nɛ́ɔ̌ɓɔna ɓasí, ɓagbɛga na ɓaniki na ɓámamege mosá á kankaanga á kɔkɔta. Ɓuku á enda áoúkukana base. Ɓáotena nyɔngɔ á ɓasí ka ɓeana na nnde ɗáɓági ɓíndɔ ɗáɓáɗundu suɓi á ɓuku á enda.

Mphaniɔ 20:15

Ɗáɓáemaki ka ɛɛmbɛ á nsa, ɓakpa ɓɔbu ɓunde ɗáɓákáɗundu ina aɓɔ suɓi á ɓuku á enda.

Mphaniɔ 3:10

Cɔ, ka nyɔngɔ nde ɗoambi ɓɔphɛi nɛmɔ á ɓá na phiphia á tambaga, eme phɔtɔ, nekoambande ka mbenɔ á tambaga nde abikaeka ka mokonda bui, ka tombaga á ɓakpa á ka mokonda.

Mphaniɔ 3:5

Mmbé akíndande, ɓámɔ́lisande bɔngɔ-ábu. Kéímɛku tanda ina akɛ ka ɓuku á enda. Neɓeekeande mosá á Abɛ na ɓamalaéka ndea Mokonga nɛkɛ gea, ande nkpa nɛmɔ.