Mphaniɔ 17:6 - Ɔngana á Kɛ̌kɛ

⁶ Nɛ́ɔɔna gea, magia á ɓato á kanga ɓojeɗe n'índɔ á ɓunde ɗáɓátú ɓaɗigimisi ndea Yéso ambɛɗi. Ɓî nɛmɔni nke ndɔ, néoyayama phɛɛ.

Mphaniɔ 17:6 Iomraidhean Croise

Yoáni 2:10

áongoɗea: «Ɓakpa ɓɔbu ɓá phɔ́ kǒɓopha ɓato á ɛkɛka makana nde aánjá phɛɛ mosá-mosá. Mbusa á noa í ásii, ɓáǒɓopha mokongo. Cɔ, oɓɛ obisi gǎkɛ tɔ makana nde aánjá phɛɛ mbusa!»

Ekuma á ɓateki 22:20

Mbenɔ nde ɗáɓámowe Sɛtɛphánɔ mmbé ɗátú nɗigimisi nɛkɔ, eme ɗétú ɓei. Ɗéɓeeki kukuwa akɛ, néoamba bɔngɔ ndea ɓundɔ ɗáɓáommowa.›

Mphaniɔ 12:11

Kaɓɛ ɓana-amasu ɓátónkíndí ande ka ɓukpɛkpɛ á magia á Muna-mɔgɔgɔ na ka nyɔngɔ índe ɗáɓáɗigimisi. Ɗáɓákáuníí enda aɓɔ, ɗáɓátú bíbí á kukuwa.

Mphaniɔ 13:15

Mpɔ nyama angbóngbó ndɔ ɓa ko ɓaɓɛ, ɓáomopha kɔkɔta á ophia mpophɛ akɛ suɓi á tɔnkɛngɛ á nyama ndɔ ɓa k'ama mosá-mosá ka gea te, áyɔngɛ na kusisa á ɓunde ɗáɓákáombeba.

Mphaniɔ 13:7

Ɗáɓánsosei nyama ndɔ gea te, áemanisɛ ɓato á Mokonga na kínda aɓɔ. Áɔtɔa ɓukpɛkpɛ gǔ ékuna bui, ɓakpa ɓɔbu, etéte á ɛyɔngi bui na nji bui á ka mokonda.

Mphaniɔ 16:6

Ɓakpa ɗáɓáɗǔkisi magia á ɓakpa nɛkɔ na nnde á ɓaɔtu-nyɔngɔ nɛkɔ. Ɗóɓophi magia ka gea, ɓánoɛ ú. Ɓátɔi nnde akenani na ɓɔ.»

Mphaniɔ 2:13

Neoúba ɔma nde oiki. Wa unge ande kankaanga á koɓoamɛ ndea Sɛtáni. Nanga a ɓó, otétemisi tɔ ɓeekea ani kángá á ngana á ɓeekea ndɔ. Oɓɛ, kóɗeketi ɓeekea ani mbenɔ nde ɗáɓámowe Antípa, nɗigimisi nɛmɔ á ɗoni mɔtɛ-anu, ɔma nde Sɛtáni aiki.