Mphaniɔ 17:3 - Ɔngana á Kɛ̌kɛ

³ Malaéka ndea Mokonga ndɔ, ɗámokumbi ka Měma á Mokonga, áomoga ně ka nkanda. Nɛ́ɔmɔna nke n'aiki gǔ á nyama ánjɛ na ɓáɗundu gǔ akɛ nyɔngɔ á bóma á Mokonga. Nyama ndɔ ɗátú na mɔ̌ ngianjaga iɓɛ (7) na ndeka nkama (10).

Mphaniɔ 17:3 Iomraidhean Croise

Matáyɔ 27:28

Ɓáomphúia ngɔ́mbɛ nɛkɛ, ɓáɔmɔ́lisa nkanjo ánjɛ.

Ekuma á ɓateki 8:39

Ɓî ɓájabi, Měma á Mɔkɔta áɔnsɔmɛa Philípɔ. Mbɛɗanigi angbóngbó ndɔ kamɔnɛ ye. Â gǎkɛ otútuisa tamba nɛkɛ n'ana maseye.

2 Ɓatɛsalɔníka 2:4

Yɛ sasakɛ aoyá kema bui nde ɓakpa ɓáobeba na ɗokomisa í ɓea ɓamokonga á mbɛa. Áɔtɔngana suɓi éndu ndea Mokonga, áǒgea sasakɛ ande Mokonga.

Mphaniɔ 1:10

Cɔ, ɗátú esa á Mɔkɔta, Měma á Mokonga ɗámɔgɔni, nɛ́ɔɔ́ka ɛsɔ mbusa ani n'akpɛ ɓea ɛsɔ á mbengu.

Mphaniɔ 12:14

Nke ndɔ â gǎkɛ kɔtɔa kepupe iɓɛ ángbóngbó á ndia nnde ayaande ně k'ɔ́ma nde ɗáɓámɓɔngisíí ka nkanda nga, kó unge ɓámophande kema á ko eea ka ɓasaga ɓasaɔ na gbútuka n'a tɔ ka mbagɔ á njɔka angbóngbó.

Mphaniɔ 12:3

Mpɔ, mphangiɔ nɛngbo áɔsɛnɛka na koba: Njɔka angbóngbó ánjɛ n'ana mɔ̌ ngianjaga iɓɛ (7) na ndeka nkama (10). Mɔ̌ ngianjaga iɓɛ (7) ndɔ bui ɗátú na kekombó moci-moci.

Mphaniɔ 12:6

Nke ndɔ áotea ka nkanda, ɔma nde Mokonga ɗámɓɔngisíígi ka isa akɛ k'ésa Ɛlɛphu moci mia iɓɛ na nkama ngianjaga (1.260).

Mphaniɔ 17:18

Na nke ndɔ ɔmɔnima, ande ntanga-nji ángbó nde ana ɓukpɛkpɛ gǔ á ɓaamɛ á ka mokonda.»

Mphaniɔ 17:4

Nke ndɔ ɗáɔ́li bɔngɔ á koɓoamɛ, n'atáni tɔ boo! N'ana esombi akpɛ. Â phɔtɔ ɔ̌tɔnda na láté, nsángá, n'ɛ́tɛ ésombi akpɛ. Ɗábɛɗi cǎ á láté, n'atúmi na ɓosoɛ á ɓɔjɔɔkiɔ á mambɔ nɛkɛ.

Mphaniɔ 18:12

láté, ngɔa, ɛtɛ ésombi akpɛ, ɛtɛ nde ɓáɔɔphana nsanga, bɔngɔ áphǒ-phǒ, bɔngɔ ɗanga-ɗanga ánjɛ na á ko índa, gáo á su ánjá, kema ɗanga-ɗanga á ndeka, gáo á esombi akpɛ na kema ɗanga-ɗanga ɓea ɛtɛ, ngɔa ɛ́tɛ nnde ɓásɛki.

Mphaniɔ 18:16

ɓágeande: «Ngomi ee! Ngomi ka ntanga-nji ángbó ndɔɔ. Ɗáɔ́lanigi ngɔ́mbɛ ánjɛ, bɔngɔ ɗanga-ɗanga ánjɛ na á ko índa ésombi akpɛ, kema nde ɓáɓɔngisigi na láté, ɓ'ɛtae ɗanga-ɗanga ésombi akpɛ na nsanga.

Mphaniɔ 21:10

Mpɔ, Měma á Mokonga áɔmɔgɔna, malaéka ndɔ áomokumba súa ntɔnga á mamba éndǎ phɛɛ. Áomophangia ntanga-nji á kanga ɓojeɗe, Yɛusalɛ́ma, n'aodida ka toka na koba mɔtɛ á Mokonga.

Mphaniɔ 4:2

Kɛ̌kɛndɔ tɔ, Měma á Mokonga áɔmɔgɔna. Nɛ́ɔɔna kankaanga á koɓoamɛ na koba, nkpa n'aiki gǔ í.