Mphaniɔ 17:17 - Ɔngana á Kɛ̌kɛ

¹⁷ Nga, Mokonga ɗáeɓophi měma á tɔtɔkisa á mɔphɛ nɛkɛ kimoci na bisa á kɔkɔta nɛɓɔ ka bɛɗaneaga á nyama na ka ɓî nyɔngɔ ndea Mokonga atɔtɔkɛanande.

Mphaniɔ 17:17 Iomraidhean Croise

Lóka 22:22

Muna-Nkpa akuwande ɓíndɔ Mokonga ɗáangi. Ande gǎkɛ ngomi phɛɛ ka mmbé antɔngi Muna-Nkpa!»

Lóka 22:3

Ɓî Sɛtáni angí ka měma á Yúda mmbɔ ɓáɔmɔphana Isikaliɔ́ta, mmbé ɗátú ka ɓagoigi nkama na ɓaɓɛ (12),

Lóka 22:37

Nenóngoɗi goto nndɔ nga, ambe átɔtɔkɛanɛ ka phɔani ɓíndɔ ɗáɓáɗundu: ‹Ɗáɓámbisi ka mɔɔmba á ɓato á ɓojeɗe.› Na nnde á ka phɔa ani atɔtɔkɛanande.»

Yoáni 10:35

Cɔ, nna na nkpa nde aɔtɔka n'aɓúni nyɔngɔ nde a suɓi á Ɓuku á Mokonga. Ande gea, Mokonga ɗáɛɓɔphani ɓamokonga á mbɛa ɓundɔ ɗáɓěngoɗi nyɔngɔ á Mokonga.

Yoáni 13:18

Nyɔngɔ nde nɛɔyɔnga nna ka ɓenu ɓɔbu. Néoɓúba ɓunde ɗɛ́sɔmbu. Akeni gǎkɛ nyɔngɔ nde a suɓi á Ɓuku á Mokonga átɔtɔkɛanɛ. ‹Nkpa nde ɓeoeaga na yɛ, aámbé ande mɓiɓia ani.›

Yoáni 13:2

Mbenɔ nde Yéso na ɓagoigi nɛkɛ ɗáɓátú oeaga ɔgɔgɔ, Nketi ɗábisi ka měma á Yúda, muna Simɔ́ni Isikaliɔ́ta, mɔphɛ á tɔnga á Yéso.

Yoáni 19:24

Kaɓondɔ, ɓato émani ɓáɔyɔngaga sɔsɔɓɛ aɓɔ te: «Ɓɛ́ɓɛtɛni ndiu ɓana-mɛlɔɛ ka phɔa nkanjo ndee, ka úba á nkpa sina abɛɗande.» Ka gea, nyɔngɔ nde a suɓi á Ɓuku á Mokonga átɔtɔkɛanɛ ɓe: «Ɗáɓákatisanigi bɔngɔ nɛmɔ sɔsɔɓɛ aɓɔ, ɓâ phɔtɔ ɔɓɛta ɓana-mɛlɔɛ ka phɔa bɔngɔ-éndǎ nɛmɔ.» Ɓondɔ unge ɓato émani ɗáɓági.

Yoáni 19:28

Mbusa índɔ, Yéso áoengekisa gea, moangɔ bui así. Ka gea ɓoabi nde a suɓi á Ɓuku á Mokonga átɔtɔkɛanɛ, áogea: «Neku n'ɛnyɔta.»

2 Ɓakɔlítɔ 8:16

Obebɔ ka Mokonga, mmbé amophi Títɔ moíngí ka enga anu ɓíndɔ ɓeogea.

Mphaniɔ 10:7

Cɔ, esa nde malaéka ɓa ko ngianjaga iɓɛ (7) asúande gǎkɛ mbengu, Mokonga atɔtɔkisande moangɔ nɛkɛ á ɓɔsɔmɛa, ɓíndɔ ɗɛ́tɔ̌mi ɓabɛɗanigi nɛkɛ, ɓaɔtu-nyɔngɔ.»

Mphaniɔ 15:1

Mbusa, nɛ́ɔɔna mphangiɔ ángbó á ketangaɔ na koba: Ɓamalaéka ndea Mokonga ngianjaga iɓɛ (7) na tambaga ngianjaga iɓɛ (7) á sungiaga. Tambaga ndɔ ɗátú á sungiaga ka gɔɓa ésúia ndea Mokonga.

Mphaniɔ 17:13

Ɓaamɛ nkama (10) ndɔ, ɓá tɔ na mɔphɛ mo, ande gea, bɛɗaneaga á nyama ndɔ na kɔkɔta na ɓukpɛkpɛ nɛɓɔ bui.

Mphaniɔ 19:9

Mpɔ, malaéka ndea Mokonga áomongoɗea te, néɗunduɛ: «Maseye ka ɓundɔ ɓáɛɓɔphani ka jaí ɛ́kɛka ndea Muna-mɔgɔgɔ.» Â goto ɔyɔnga: «Nndɔ ande nyɔngɔ á ɗoni nnde atóki mɔtɛ á Mokonga.»

Mphaniɔ 6:11

Ɓâ gǎkɛ ǒɓopha nkpa na nkpa bɔngɔ éndǎ ábu, ɓáǒngoɗea te, ɓáɓondeɛ phɔ́ ka mbenɔ ábɔa na ka ɓî mɔɔmba á ɓadaɓɔ ɓabɛɗanigi na ɓana-amaɓɔ íɓunde ɓásiande ɓea ɓɔ, akpeengeanande.