Mphaniɔ 17:1 - Ɔngana á Kɛ̌kɛ

¹ Mpɔ ka ɓamalaéka ndea Mokonga ngianjaga iɓɛ (7) ɓundɔ ɗáɓábɛɗi cǎ ngianjaga iɓɛ (7), moci áobika omongoɗea te: «Bika, nekophangiande ɓî ɓátenande nyɔngɔ á nke nde mambɔ ampháki mmbé aiki sɔsɔɓɛ á ɓaniki á iɓo.

Mphaniɔ 17:1 Iomraidhean Croise

Lóka 24:32

Mpɔ ɓáɔyɔngaga sɔsɔɓɛ aɓɔ gea: «Mpɔ měma asu áɓɛmaǒtoɓoaga ɓî atúɔsɔtɔmiaga k'aphe, kantíti á nyɔngɔ nde ɓáɗundu suɓi á Ɓuku á Mokonga!»

Lóka 9:30

Kɛ̌kɛndɔ tɔ, ɓáɔ̌ɓɔna ɓǒko ɓaɓɛ na ɓáɔyɔngaga na Yéso. Ɓǒko ndɔ ɗáɓátú Mósa na Elía.

Mphaniɔ 1:1

Ɓuku nde ana mphaniɔ nde Mokonga ɗámophi Yéso Kiísito ka gea, áúbisɛ ka ɓabɛɗanigi nɛkɛ kema nde ambe átɔtɔkɛanɛ kángá iphia. Cɔ, Kiísito ɗánteki malaéka nɛkɛ ka úbisa á mbɛɗanigi nɛkɛ Yoáni nyɔngɔ ndɔɔ.

Mphaniɔ 15:1

Mbusa, nɛ́ɔɔna mphangiɔ ángbó á ketangaɔ na koba: Ɓamalaéka ndea Mokonga ngianjaga iɓɛ (7) na tambaga ngianjaga iɓɛ (7) á sungiaga. Tambaga ndɔ ɗátú á sungiaga ka gɔɓa ésúia ndea Mokonga.

Mphaniɔ 16:19

Ntanga-nji ángbó áogabekana ka phaeka isaɔ na ntanga-nji bui á ka nji áɔngbɔɔkana. Mokonga ɗákanisi Babɛ́li ángbó. Áonsosea noa makana ésúia ángbó á ka cǎ nɛkɛ.

Mphaniɔ 18:1

Mbusa á wa, nɛ́ɔmɔna malaéka ndea Mokonga ɓaangbo n'aodida ka toka na koba. Ɗátú na kɔkɔta ángbó phɛɛ. Ɓophombia akɛ ɗátú ɔbɛnya ka mokonda bui.

Mphaniɔ 19:2

Aotena nyɔngɔ ka koɗoni kángá oɓayɔ. Atenima nyɔngɔ á nke á iɛɓɛ akpɛ mmbé ɗátoɓu mokonda na iɛɓɛ nɛkɛ. Áogisia nyɔngɔ á magia á ɓabɛɗanigi nɛkɛ ka nke ndɔɔ.»

Mphaniɔ 19:9

Mpɔ, malaéka ndea Mokonga áomongoɗea te, néɗunduɛ: «Maseye ka ɓundɔ ɓáɛɓɔphani ka jaí ɛ́kɛka ndea Muna-mɔgɔgɔ.» Â goto ɔyɔnga: «Nndɔ ande nyɔngɔ á ɗoni nnde atóki mɔtɛ á Mokonga.»

Mphaniɔ 21:15

Malaéka ndea Mokonga mmbé ɗɛ́ɓɛɔyɔnga na yɛ, ɗábɛɗi ngbángá á láté ka pima ntanga-nji, kǐo í na ɓǔkendu í.

Mphaniɔ 21:9

Ka Ɓamalaéka ndea Mokonga ngianjaga iɓɛ (7), ɓundɔ ɗáɓábɛɗi cǎ n'atúmi na tambaga á sungiaga ngianjaga iɓɛ (7) áobika omongoɗea gea: «Bika, nekophangiande nke á mbanje, nke-éyamani ndea Muna-mɔgɔgɔ.»

Mphaniɔ 4:1

Mbusa índɔ, ɗɛ́ɔni mphaniɔ nɛngbo, kǐo á na koba n'aúkukani. Ɛsɔ nde ɗɛ́ɔ́ki n'aɔyɔnga n'eme mosá, n'akengeani na ɛsɔ á mbengu, áomongoɗea: «Cɔ, ɗapha koni, neophangiande nnde akeni ákiɗianɛ mbusa.»