Mphaniɔ 16:8 - Ɔngana á Kɛ̌kɛ

⁸ Mbusa, malaéka ɓa ko gena áoɗukia nɛkɛ cǎ ésúia ndea Mokonga ka maní. Maní áoɓá na ɓukpɛkpɛ á siɗisa á ɓakpa.

Mphaniɔ 16:8 Iomraidhean Croise

Matáyɔ 13:6

Ɓî maní aɓɛti akpɛ, áɔɔmɔkakisa ú, áosiɗisa nga, mǐgi í ɗákásɛi.

Lóka 21:25

Mphangiɔ aɓande ka maní, songe na ɓasɛɛngɔa. Cɔ, ka mokonda, ɓakpa ɓáɓande na tambaga. Ɓáyayamande ɓî oɓenge aophúia eongo n'ana kɛtɛmbɔ.

Ekuma á ɓateki 2:20

Maní agaikanande, áoínda, Songe anjɛnjɛmanande ɓea magia, mosá á esa á kiɗia á Mɔkɔta. Esa ndɔ, aɓande esa ángbó, esa á ɓoombia.

Mphaniɔ 14:18

Mpɔ, malaéka ɓaangbo mmbé ana kɔkɔta gǔ á nsa áotóka k'ɔ́ma ɔ́phɛ́ɔ áonkogea mmbɔ ɗádungi píndí á pheá gea: «Bɛɗa píndí ndeakɔ ótenɛ mbuka á mujabíbu nde agɔmbi ka mokonda nga, a ye mɔti.»

Mphaniɔ 6:12

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko ngianjaga (6), ɓaningina akpɛ phɛɛ áoɓá, maní áoinda ɓea bɔngɔ á kekusa, songe áotaneaga ɓea magia.

Mphaniɔ 7:16

Ɓɔ, ɓákákuwɛku ye na nja. Ɛnyɔta káɛbɛɗɛku ye. Maní káɛɓɛtɛku ye. Ɓákáɛyɔkɛku ye ɓojó.

Mphaniɔ 8:12

Malaéka ndea Mokonga ɓa ko gena áosúa mbengu. Phaeka moci ka isaɔ á maní, songe na ɓasɛɛngɔa, áǒjujia. Phaeka moci ka isaɔ á maní, na sɛɛngɔa áǒjujia. Phaeka moci ka isaɔ ka owanga ésa na keiphe â phɔtɔ ǒjujia.

Mphaniɔ 9:2

Sɛɛngɔa áoúkuwa n'etia á mininga, mpɔ, maki áoma k'étia ndɔ n'aɓea maki á ɛɛmbɛ á nsa ángbó. Maní na mpɛna áoinda ka nyɔngɔ á maki nde atóki k'étia ndɔɔ.