Mphaniɔ 16:6 - Ɔngana á Kɛ̌kɛ

⁶ Ɓakpa ɗáɓáɗǔkisi magia á ɓakpa nɛkɔ na nnde á ɓaɔtu-nyɔngɔ nɛkɔ. Ɗóɓophi magia ka gea, ɓánoɛ ú. Ɓátɔi nnde akenani na ɓɔ.»

Mphaniɔ 16:6 Iomraidhean Croise

Matáyɔ 7:2

Nga ɓíndɔ ɓootena nyɔngɔ ndea ɓakpa ɓuangbo, a tɔ unge Mokonga atenande nyɔngɔ ínɛnu. Mokonga akogeande phɔtɔ ɓíndɔ oógea ɓakpa ɓunɛngbo.

Lóka 12:48

Mmbé nna gǎkɛ oúba mɔphɛ á mɔkɔta nɛkɛ, n'aogea ájeɗe, ɓámɓindande ábɔa, ande gea te nkpa nde ɓámophi kema ásii, ɓámɛmande phɔtɔ kema ásii. Nkpa nde ɓámophi kɔkɔta ángbó, ɓámúsiagande ka kema ásii.

Ɓaɛbulanía 10:29

Cɔ, ɓookanisia ɓo? Nkpa nde aɔmɓɛnjiaga Muna-Mokonga, kákeni ɓántambisɛgɛ akpɛ phɛɛ? Nga, yɛ nnaɔɔna kantíti á magia á ɔngana nde aími ɓojeɗe nɛkɛ, abómi phɔtɔ Měma mmbé asóúbisi ɓonjánja-ékondi ndea Mokonga.

Mphaniɔ 11:18

Ɓato á k'ékuna bui ɗáɓáɓɛí, oɓɛ ǒphangisi gǎkɛ esúia nɛkɔ. A ye tɔ mbenɔ ka tena nyɔngɔ á ɓasí, ɓakpa nde ɓaku ɓâ gǎkɛ oɓá na ɓukpɛkpɛ. Óphenda ɓakpa nɛkɔ á kanga ɓojeɗe, kimɔci na ɓaɔtu-nyɔngɔ nɛkɔ ɓunde ɗáɓákɔbɛɗaneigi phɔtɔ, óphendɛ ɓakpa ɓɔbu, ɓunde ɗáɓáɔkɔɔ́ka, nanga ɓagbɛga na ɓaniki, ande mbenɔ á kɔndɔkisa ɓunde ɓátúkatúki mokonda.

Mphaniɔ 13:10

Kaɓɛ nkpa n'akeni ngia ka mekakɔ, angiande ka mekakɔ. Kaɓɛ nkpa n'akeni kuwa na mɓɛngɛ, akuwande na mɓɛngɛ. Ɓɔndɔ unge akeni ɓato á Mokonga ɓáɓɛ na měma á phiphia á tambaga na ɓeekea.

Mphaniɔ 13:15

Mpɔ nyama angbóngbó ndɔ ɓa ko ɓaɓɛ, ɓáomopha kɔkɔta á ophia mpophɛ akɛ suɓi á tɔnkɛngɛ á nyama ndɔ ɓa k'ama mosá-mosá ka gea te, áyɔngɛ na kusisa á ɓunde ɗáɓákáombeba.

Mphaniɔ 18:20

Cɔ, koba, ɓá na maseye ka gua á ntanga-nji ndɔɔ. Ɓáni phɔtɔ na maseye, ɓato á kanga ɓojeɗe, ɓateki na ɓaɔtu-nyɔngɔ ndea Mokonga. Nga, Mokonga ɗáteni nyɔngɔ nɛkɛ ka ɓeana na ɓojeɗe nde ɗági ka phɔanu.

Mphaniɔ 18:24

Ɓáɔɔna mɔtɛ-akɔ, magia á ɓaɔtu-nyɔngɔ ndea Mokonga, ɓato á kanga ɓojeɗe na á ɓɔbu ɓunde ɗáɓáemowe ka mokonda.

Mphaniɔ 19:2

Aotena nyɔngɔ ka koɗoni kángá oɓayɔ. Atenima nyɔngɔ á nke á iɛɓɛ akpɛ mmbé ɗátoɓu mokonda na iɛɓɛ nɛkɛ. Áogisia nyɔngɔ á magia á ɓabɛɗanigi nɛkɛ ka nke ndɔɔ.»