Mphaniɔ 16:2 - Ɔngana á Kɛ̌kɛ

² Malaéka ndea Mokonga ɓa k'ama mosá-mosá áoga oɗukia nɛkɛ cǎ ésúia ndea Mokonga ka mokonda. Mpɔ, embóɗo áǒguia ɓakpa ɓunde ɗáɓátú na mphangiɔ á nyama ndɔ na beba tɔnkɛngɛ akɛ.

Mphaniɔ 16:2 Iomraidhean Croise

Ekuma á ɓateki 12:23

Kɛ̌kɛndɔ tɔ Malaéka ndea Mɔkɔta áɔmɓɛta Ɛlɔ́dɛ na kukuwa á ɓamɔsɔ, ka nyɔngɔ á ɗokomisa akɛ ɓea Mokonga. Ɛlɔ́dɛ áokuwa.

Mphaniɔ 13:12

Ɗábɛɗaneigi kɔkɔta bui á nyama ndɔ ɓa k'ama mosá-mosá akɛ. Áǒsosea ɓakpa ɓɔbu á ka mokonda na kema bui gea te, ɓámbebɛ nyama ndɔ ɓa k'ama mosá-mosá, mmbé ɗátú n'aphɛphɔa ka mɔ̌ akɛ nnde ɗátúogea ákuwɛ ně.

Mphaniɔ 14:16

Mpɔ, Malaéka ndea Mokonga ímbe ɗáiki gǔ egugu, áɔɔpha píndí nɛkɛ gǔ á mokonda, ɗúngú áoɓá ka mokonda.

Mphaniɔ 14:9

Malaéka ndea Mokonga ɓa ko ɓasaɔ, áǒɓea ɓundɔ ɓaɓɛ á k'ama mosá-mosá, áɔyɔnga k'ɛ́sɔ akpɛ te: «Nkpa buakɛ mmbé aogbúka muanku mosá á nyama na tɔnkɛngɛ nɛkɛ n'ana mphangiɔ k'éndóndó na ka njaga akɛ,

Mphaniɔ 16:1

Mpɔ nɛ́ɔɔ́ka ɛsɔ akpɛ n'atóki k'éndu á Mokonga áǒgea ɓamalaéka ndea Mokonga ngianjaga iɓɛ (7) te: «Gǎni, ɓóɗukiɛ ka mokonda cǎ ngianjaga iɓɛ (7) ésúia ndea Mokonga.»

Mphaniɔ 16:11

Ɓáombóma Mokonga mmbé á na koba ka nyɔngɔ á tambaga nɛɓɔ na ka nyɔgɔ á embóɗo, ɓɔ ɓákákětiɛ gǎkɛ tambea nɛɓɔ.

Mphaniɔ 8:7

Malaéka ndea Mokonga ɓa k'ama mosá-mosá áosúa mbengu. Mpɔ, mbua á matanda á nsa, nnde adaɗokeani na magia, ɓáomaka ka mokonda. Phaeka moci á isaɔ á mokonda áɔɛkɛkanaga, phaeka moci á isaɔ á ɓame áɔɛkɛkanaga, na kasa bui á dɛka â phɔtɔ ɔɛkɛkanaga.