Mphaniɔ 16:14 - Ɔngana á Kɛ̌kɛ

¹⁴ Ɓansombo ɓáunge ɓáɔtɔtɔkisa ketangaɔ. Ɓáoga mɔtɛ á ɓaamɛ á ka mokonda bui ka dondanisa aɓɔ ka nyɔngɔ á mana etu ángbó ndea Mokonga, Mɛna-ɓukpɛkpɛ.

Mphaniɔ 16:14 Iomraidhean Croise

Matáyɔ 24:14

Ɓáphɛande Mbino-Ánjá á koɓoamɛ ka Mokonda bui ka gea, ɓakpa ɓɔbu ɓáɗigimisɛ ú. Mpɔ sungiaga áojua.

Matáyɔ 24:24

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Málikɔ 13:22

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Lóka 2:1

Ka matú ndɔ, moamɛ angbóngbó á Ɓalɔ́ma Kaisáa Ogústɔ, áososea gea, ɓétangɛ ɓakpa ɓɔbu ɓunde ɓá ka nji bui nde a kusi á kɔkɔta nɛkɛ.

Yoáni 8:44

Ɓonde ɓana-nketi, ɓo phɔtɔ okaɓa tɔtɔkisa á mɔphɛ á abanu. Ande nto á kaiso kpanga ka nkpangeɔ, nnaomama ka nyɔngɔ nde ande á ɗoni nga, ɗoni nna suɓi akɛ. Mbenɔ nde aɔyɔnga mbɛa, nndɔ a tɔ ebigɔ nɛkɛ ka nyɔngɔ nde yɛ, ande nto á mbɛa n'ande phɔtɔ Aba-mbɛa.

Ɓalɔ́ma 1:8

Mosá á kema bui, neonsega Mokonga nɛmɔ ka Yéso Kiísito ka phɔa anu ɓenu ɓɔbu ka nyɔngɔ nde, ɓáɔtɔmiaga mbino á ɓeekea nɛnu ka mokonda bui.

2 Ɓatɛsalɔníka 2:9

Bika á nto á otúkɔtúkɔ aɓande ka ɓukpɛkpɛ á Sɛtáni, atɔtɔkisande etéte bubui á ketangaɔ, mphangiɔ, na kema á ɓangisa á odemayɔ.

1 Timɔtɛ́ɔ 4:1

Cɔ, Měma á Mokonga ayɔngi base gea, ka mbenɔ á sungiaga, ɓakpa ɓunɛngbo ɓáɗeketande ɓeekea, ɓáǒɓea ɓaketi na ɓɔphɛi nɛɓɔ á mbɛa.

Yakɔ́ɓɔ 3:15

Nga, kɔɓɔɔngɛ ɓíndɔ, nnaotóka na koba. A ndiu á ka mokonda, á kokpa phɛɛ na á koketi.

1 Yoáni 5:19

Ɓeoúba gea, ɓende ɓana-Mokonga, mokonda bui a gǎkɛ kusi á kɔkɔta ndea Nto-ajeɗe.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 13:3

Ka mɔ̌ á nyama ndɔ moci ɗátú n'aphɛphɔa nde ɗátú nto á kuwa ně. Aphɛphɔa ndɔ â gǎkɛ obiɗa. Ɓakpa ɓɔbu á ka mokonda ɓáoyayama, ɓáomɓea.

Mphaniɔ 16:16

Ɓansombo ɓáǒdondanisa ɓaamɛ k'ɔ́ma nde ɓáɔɔphana ka Kiɛbulanía, Amaagɛdɔ́ni.

Mphaniɔ 16:7

Mpɔ, nɛ́ɔɔ́ka ɛsɔ n'atóki k'ɛ́tɛ-ɔ́phɛ́ɔ áɔyɔnga te: «Eya, Mɔkɔta Mokonga Mɛna-ɓukpɛkpɛ, ootena nyɔngɔ ánjá kángá oɓayɔ.»

Mphaniɔ 17:14

Ɓɔ, ɓámanande na Muna-Mɔgɔgɔ. Muna-Mɔgɔgɔ aékíndande ka nyɔngɔ nde ande Mɔkɔta ndea ɓakɔta na Moamɛ ndea ɓaamɛ. Akíndande kimoci na ɓunde ɗáɛɓɔphani, ɗáesombi na ɓunde ɓámɓeeki.»

Mphaniɔ 20:8

Yɛ, agande k'aphe á tombaga ɓakpa ɓunde ɓá nkɛkɛɔ gena á mokonda ande gea te: Gogi na Magogi. Aedondanisagande ɓakpa ndɔ ka nyɔngɔ émani na ɓáɓikande ɓea mbúme á k'óɓenge.

Mphaniɔ 3:10

Cɔ, ka nyɔngɔ nde ɗoambi ɓɔphɛi nɛmɔ á ɓá na phiphia á tambaga, eme phɔtɔ, nekoambande ka mbenɔ á tambaga nde abikaeka ka mokonda bui, ka tombaga á ɓakpa á ka mokonda.

Mphaniɔ 6:17

Ka nyɔngɔ nde, esa á esúia ángbó nɛɓɔ, abiki. Ani mmbé aphiphiande?»