Mphaniɔ 16:13 - Ɔngana á Kɛ̌kɛ

¹³ Mpɔ, nɛ́ɔ̌ɓɔna ɓansombo ɓasaɔ ɓájeɗe ɓea ɓamɔsɔ na ɓáotóka k'aphenɔkɔ á njɔka angbóngbó, á nyama na á mɔtu-nyɔngɔ á mbɛa.

Mphaniɔ 16:13 Iomraidhean Croise

Matáyɔ 7:15

Ɛ́ngɛphani na ɓaɔtu-nyɔngɔ á mbɛa. Ɓáobika mɔtɛ-anu na ɓáɔ́ligi nkeke á ɓamɔgɔgɔ. Suɓi aɓɔ na ɓá gǎkɛ ɓamabianga ɓakae

Mphaniɔ 16:14

Ɓansombo ɓáunge ɓáɔtɔtɔkisa ketangaɔ. Ɓáoga mɔtɛ á ɓaamɛ á ka mokonda bui ka dondanisa aɓɔ ka nyɔngɔ á mana etu ángbó ndea Mokonga, Mɛna-ɓukpɛkpɛ.

Mphaniɔ 18:2

Áoúmba nkogɔ: «Abambongo-mbongo á Babɛli agú áosikia gúá. A ye tɔ ɔma á ɓoiki ndea ɓaketi ɓɔbu na ɓansombo. Ande phɔtɔ ɔma á ɓambǔ ɓɔbu á jɔɔkana na inyɛ́.

Mphaniɔ 19:20

Ɓɔ, ɓâ gǎkɛ ondunga nyama ndɔ kimoci na mɔtu-nyɔngɔ á mbɛa mmbé ɗátɔtɔkisi ketangaɔ mosá akɛ, ka dema á ɓundɔ ɗáɓátú na mphangiɔ á nyama na ɗáɓáogbúka muanku aɓo mosá á tɔnkɛngɛ akɛ. Nyama, na mɔtu-nyɔngɔ á mbɛa, ɓáǒmaka suɓi á ɛɛmbɛ á nsa na ɓáoenda.

Mphaniɔ 20:10

Mpɔ, nketi mmbé ɗáedemigi, ɓáommaka k'ɛɛmbɛ á nsa kuɓî ɗáɓáemaki nyama na mɔtu-nyɔngɔ á mbɛa. Ɓátambagande kó keiphe n'esa nkongopha na nkongopha.