Mphaniɔ 16:10 - Ɔngana á Kɛ̌kɛ

¹⁰ Malaéka ndea Mokonga ɓa ko ɓɔku, áoɗukia nɛkɛ cǎ ésúia ndea Mokonga gǔ á kankaanga á kɔkɔta ndea nyama na koɓoamɛ nɛkɛ áongia suɓi á kaiphiɔ. Ɓakpa ɓáokoka eɗáka ka nyɔngɔ á kokae.

Mphaniɔ 16:10 Iomraidhean Croise

Matáyɔ 13:42

Ɓáemakande ɓakpa ndɔ ka ɛɛmbɛ á nsa. Kondɔ unge ɓakpa ɓágámande na ea á minyɔ.

Matáyɔ 13:50

Ɓáǒmakea ɓato-ájeɗe ka ɛɛmbɛ á nsa. Kó, aɓáeka ngamɔ na ea á minyɔ.»

Matáyɔ 22:13

Moamɛ áǒngoɗea ɓabɛɗanigi nɛkɛ te: «Mɓóagani nkpa nde k'écinji na ka njaga, ɓómmakɛ na nsɛngɛ ka keiphe. Kondɔ unge agámande na ea á minyɔ.»

Matáyɔ 24:51

Mɔkɔta nɛkɛ amɔnisande ka ɓɔngɔ na ɓinda akɛ ɓea ɓato á maibe na bisa akɛ k'ɔ́ma nde agámande na ea á minyɔ.

Matáyɔ 8:12

Cɔ, ɓunde ɗáɓákeni ngia ka koɓoamɛ ndɔ, ɓáemakande ka keiphe na nsɛngɛ. Kó, ɓágámaeka na ea á minyɔ.»

Lóka 13:28

Kó unge ɓogámande na ea á minyɔ ɓî ɓɔmɔnande Abalaámu, Isáka, Yakɔ́ɓɔ na ɓaɔtu-nyɔngɔ ndea Mokonga ɓɔbu ka koɓoamɛ ndea Mokonga. Cɔ, ɓenu, ɓánomakande ndiu na nsɛngɛ!

1 Pɛ́tɛɛ 2:17

Óɗokomisani ɓakpa ɓɔbu, ókondani ɓadanu ɓaɓêki, mɓángani Mokonga, nɗokomisani moamɛ.

Mphaniɔ 11:10

Ɓato á ka mokonda ɓáɓande ndiu na maseye na gúa á jaí ka nyɔngɔ á kukuwa aɓɔ. Ɓato á ka mokonda ɓátekisianagande ɛkɔmi, ka nyɔngɔ nde, ɓaɔtu-nyɔngɔ ndea Mokonga ɓaɓɛ ndɔ, ɗáɓětambisigi ɓato á ka mokonda.

Mphaniɔ 11:2

«Cɔ, kɔbɛɗɛmbɛ gǎkɛ ɓondanda á ntanga éndu ndea Mokonga, ka nyɔngɔ nde, kó, ande ɔma á ɓunde ɓáná Ɓayúda. Ɓɔ, ɓáɗɛtɛagande nji á kanga ɓojeɗe ka ɓasonge nkama gena na iɓɛ (42).

Mphaniɔ 11:8

Mǒnda aɓɔ ajigagande ka ntanga á ntanga-nji ángbó nnde ɓáɔɔphana Sɔdɔ́ma na Mísii, nji nde ɗáɓánkɔkɛigi Mɔkɔta nɛɓɔ ka moyangɔ.

Mphaniɔ 17:17

Nga, Mokonga ɗáeɓophi měma á tɔtɔkisa á mɔphɛ nɛkɛ kimoci na bisa á kɔkɔta nɛɓɔ ka bɛɗaneaga á nyama na ka ɓî nyɔngɔ ndea Mokonga atɔtɔkɛanande.

Mphaniɔ 17:9

Wani, ambe ɓá na úbapha na kɔɓɔɔngɛ. Mɔ̌ ngianjaga iɓɛ (7) ndɔ, ande mamba ngianjaga iɓɛ (7) nde nke ndɔ aiki gǔ í. Ú a phɔtɔ ɓaamɛ ngianjaga iɓɛ (7).

Mphaniɔ 18:2

Áoúmba nkogɔ: «Abambongo-mbongo á Babɛli agú áosikia gúá. A ye tɔ ɔma á ɓoiki ndea ɓaketi ɓɔbu na ɓansombo. Ande phɔtɔ ɔma á ɓambǔ ɓɔbu á jɔɔkana na inyɛ́.

Mphaniɔ 18:21

Mpɔ, malaéka akpɛkpɛ ndea Mokonga áɔbɛɗa moimba n'aɓea nnde ɓáogogea, áomaka ú k'óɓenge ɗǔ! Áɔyɔnga te: «Ɓondɔ unge ɓámakande mokongo á Babilɔ́ni k'akpɛ na káɔnɛkanɛeka ye.

Mphaniɔ 18:23

Owanga á ɔbɛa kabɛnyɛeka ye mɔtɛ-akɔ. Ɓákáɔ́kɛeka ye mɔtɛ-akɔ, ɛsɔ á mǒko éyamani na mpakai nɛkɛ nga, ɓasombisigi nɛkɔ ɗáɓáombi ka mokonda phɛɛ. Ka nyɔngɔ á ɓiji-ɓiji nɛkɔ, ɗǒdemi ɓato á ka mokonda bui.»

Mphaniɔ 8:12

Malaéka ndea Mokonga ɓa ko gena áosúa mbengu. Phaeka moci ka isaɔ á maní, songe na ɓasɛɛngɔa, áǒjujia. Phaeka moci ka isaɔ á maní, na sɛɛngɔa áǒjujia. Phaeka moci ka isaɔ ka owanga ésa na keiphe â phɔtɔ ǒjujia.

Mphaniɔ 9:2

Sɛɛngɔa áoúkuwa n'etia á mininga, mpɔ, maki áoma k'étia ndɔ n'aɓea maki á ɛɛmbɛ á nsa ángbó. Maní na mpɛna áoinda ka nyɔngɔ á maki nde atóki k'étia ndɔɔ.