Mphaniɔ 15:4 - Ɔngana á Kɛ̌kɛ

⁴ Mɔkɔta, ani mmbé nnaɔtɔka n'akoɓángi? Ani mmbé nnaɔtɔka n'akobebi? Nga, oɓɛ aámbé o tɔ nto á kanga ɓojeɗe, ɓato á ka mokonda bui ɓábikande ogbúka muanku aɓɔ mosá akɔ nga, ekuma nɛkɔ á koɗoni, aɔnɛkani base.»

Mphaniɔ 15:4 Iomraidhean Croise

Ɓalɔ́ma 15:9

ɓunde ɓáná Ɓayúda ɓáombeba Mokonga ka nyɔngɔ á ngomi nɛkɛ ɓíndɔ ɓáɗundu suɓi á ɓuku ndea Mokonga gea: «Kaɓondɔ unge nekobebande sɔsɔɓɛ á ɓakpa ɓɔbu na neémbande ka ɗokomisa ina akɔ.»

1 Pɛ́tɛɛ 1:16

A ɓíndɔ ɓáɗundu suɓi á Ɓuku á Mokonga: «Ɓáni ɓato á Mokonga kángá ɓojeɗe nga, eme nende nto á kanga á ɓojeɗe.»

Mphaniɔ 11:15

Mpɔ, malaéka ɓa ko ngianjaga iɓɛ (7), áosúa mbengu. Ɛsɔ ángbó áɔɔ́kɛkana n'aotóka na koba gea: «Koɓoamɛ á ka mokonda a ye tɔ ndea Mɔkɔta nɛsu Kiísito na koɓoamɛ nɛkɛ aɓande ka saga na saga!»

Mphaniɔ 14:7

Malaéka ndea Mokonga áɔyɔnga n'ɛsɔ akpɛ te: «Mɓángani Mokonga, ɓónɗokomisɛ, ka nyɔngɔ nde mbenɔ nɛkɛ ka tena á nyɔngɔ ajú. Mbebani nconji á koba, mokonda, oɓenge na ntoɔ á iɓo.»

Mphaniɔ 16:5

Nɛ́ɔmɔ́ka malaéka, mmbé ana kɔkɔta gǔ á iɓo n'aɔyɔnga gea: «Onde nto á koɗoni na nto á kanga ɓojeɗe ɓî oɓei na ɓî ɗótú, nga ɔ̌ɔnisi nteni-nyɔngɔ kángá oɓayɔ.

Mphaniɔ 16:7

Mpɔ, nɛ́ɔɔ́ka ɛsɔ n'atóki k'ɛ́tɛ-ɔ́phɛ́ɔ áɔyɔnga te: «Eya, Mɔkɔta Mokonga Mɛna-ɓukpɛkpɛ, ootena nyɔngɔ ánjá kángá oɓayɔ.»

Mphaniɔ 19:2

Aotena nyɔngɔ ka koɗoni kángá oɓayɔ. Atenima nyɔngɔ á nke á iɛɓɛ akpɛ mmbé ɗátoɓu mokonda na iɛɓɛ nɛkɛ. Áogisia nyɔngɔ á magia á ɓabɛɗanigi nɛkɛ ka nke ndɔɔ.»

Mphaniɔ 19:8

Ɓáomopha bɔngɔ ánjá phɛɛ ka ɔ́la í, n'aophenuaga.» [Bɔngɔ ndɔ, ande mphangiɔ á tambea ánjá ndea ɓato á kanga ɓojeɗe.]

Mphaniɔ 3:7

Nɗunduia malaéka á kanisa ndea ka Philadɛlphía ɓe: Mmbé ande nto á kanga ɓojeɗe na nto á ɗoni, mmbé ana múkuiyɔ ndea moamɛ Daúdi, mmbé áoúkua, nkpa katɔkɛ phatia na aophatia, nkpa katɔkɛ úkua, ayɔngi ɓe:

Mphaniɔ 4:8

Ɓamakɛlúbi gena ndɔ, moci-moci áoɓá na kepupe ngianjaga (6), nnde atúmi na iso, gǔ á kepupe na kusi í. Ɓáɔyɔnga keiphe n'esa kángá á ɗeketa gea: «Nto á kanga ɓojeɗe, Nto á kanga ɓojeɗe, Nto á kanga ɓojeɗe, Mɔkɔta Mokonga, Mɛna-ɓukpɛkpɛ, mmbé ɗátú, mmbé a ɓei na mmbé aobika.»

Mphaniɔ 6:10

Ɓɔ, ɗáɓáɔyɔnga n'ɛsɔ akpɛ te: «Mɔkɔta, nto á kanga á ɓojeɗe na nto á ɗoni, ka mbenɔ sina nde ooɓondea tena á nyɔngɔ á ɓato á ka mokonda, na gisia á magia asu?»