Mphaniɔ 14:7 - Ɔngana á Kɛ̌kɛ

⁷ Malaéka ndea Mokonga áɔyɔnga n'ɛsɔ akpɛ te: «Mɓángani Mokonga, ɓónɗokomisɛ, ka nyɔngɔ nde mbenɔ nɛkɛ ka tena á nyɔngɔ ajú. Mbebani nconji á koba, mokonda, oɓenge na ntoɔ á iɓo.»

Mphaniɔ 14:7 Iomraidhean Croise

Matáyɔ 25:13

Yéso áɔsɛkisia yɔnga te: «Ɛ́ngɛphani nga, ɓókóoúba kaɓɛ esa, kaɓɛ mbenɔ.»

Lóka 17:18

Nna na ka ɓɔ mmbé akanisi já ká sega á Mokonga, tɔndɔ mɔkɛni nde?»

Ekuma á ɓateki 14:15

«Ɓadani, ɓogi ɓondɔ ka ɓo? Ɓe phɔtɔ ɓakpa ɓea ɓenu, ɓekengeani tɔ na ɓenu ka kema bui. Ɓeonóphɛa Mbino-Ánjá ka gea, ɓóɗeketɛ ɗokomisa á kema á jǎi-jǎi, ɓókětiɛ ka Mokonga mmbɔ mɛyɔ, mmbɔ aconji koba, mokonda, oɓenge na kema bubui nde a kau.

1 Pɛ́tɛɛ 4:7

Cɔ, sungiaga á kema bui a ye tɔ bíbí. Kaɓondɔ, koɗani iso na ɓáni na kɔɓɔɔngɛ ka gea, ɓóɓɛ na ɓukpɛkpɛ á mɛma á Mokonga.

Mphaniɔ 11:13

Ka mbenɔ ndɔ tɔ, ɓaningina akpɛ, áoɗengisa nji ndɔɔ. Phaeka á ko iɓɛ á ntanga-nji áɔngbɔɔkanaga, ɓakpa ɛlɛphu ngianjaga iɓɛ (7.000) ɓáosia ka nyɔngɔ á ɓaningina ndɔɔ. Ɓakpa nde ɓájigi, ɓáoɓá na kɔɓɔɓɔkɔ phɛɛ, ɓáonɗokomisa Mokonga, mmbé ana koba.

Mphaniɔ 11:18

Ɓato á k'ékuna bui ɗáɓáɓɛí, oɓɛ ǒphangisi gǎkɛ esúia nɛkɔ. A ye tɔ mbenɔ ka tena nyɔngɔ á ɓasí, ɓakpa nde ɓaku ɓâ gǎkɛ oɓá na ɓukpɛkpɛ. Óphenda ɓakpa nɛkɔ á kanga ɓojeɗe, kimɔci na ɓaɔtu-nyɔngɔ nɛkɔ ɓunde ɗáɓákɔbɛɗaneigi phɔtɔ, óphendɛ ɓakpa ɓɔbu, ɓunde ɗáɓáɔkɔɔ́ka, nanga ɓagbɛga na ɓaniki, ande mbenɔ á kɔndɔkisa ɓunde ɓátúkatúki mokonda.

Mphaniɔ 15:4

Mɔkɔta, ani mmbé nnaɔtɔka n'akoɓángi? Ani mmbé nnaɔtɔka n'akobebi? Nga, oɓɛ aámbé o tɔ nto á kanga ɓojeɗe, ɓato á ka mokonda bui ɓábikande ogbúka muanku aɓɔ mosá akɔ nga, ekuma nɛkɔ á koɗoni, aɔnɛkani base.»

Mphaniɔ 16:9

Ɓɛta á maní akpɛ áǒsiɗisa ɓakpa, ɓáombóma Mokonga mmbé ana ɓukpɛkpɛ gǔ á tambaga. Ɓákákondɛ gǎkɛ kětia á tambea aɓɔ na ɗokomisa á Mokonga.

Mphaniɔ 18:10

Ɓámamande ɗanga ka ɓánga tambaga akɛ. Ɓáɔyɔnga: «Ngomi ee! Ngomi á mokongo á ntanga-nji Babilɔ́ni, ntanga-nji akpɛ. Ka mbenɔ moci tɔ unge ɓáteni nyɔngɔ nɛkɔ kau.»

Mphaniɔ 18:17

Ka mbenɔ moci tɔndɔ unge ɛtɔi bui akɔndɔkani!» Ɓatámbisigi-koko ángbóngbó k'óɓenge ɓɔbu na ɓakpa nɛɓɔ ɓunde ɗáɓáekumbi, ɓato á ka iɓo na ɓɔbu ɓunde ɗáɓáoenda ka sombisaga na somɓeanaga k'óɓenge, ɓâ phɔtɔ omama ɗanga.

Mphaniɔ 18:19

Ɓáokpúkpua mpusu á oɗo ka mɔ̌ aɓɔ, ɓáotoɓokea ngamɔ na ianaga ɓáogea: «Ngomi ee! Ngomi á ntanga-nji ángbó ndee. Ɛtɔi bui nde ɓakpa ɓáně kaɓɛ koko ángbó k'óɓenge, atóki tɔ kau. Na ka mbenɔ moci tɔ kema bui áɔkɔndɔkana.»

Mphaniɔ 19:5

Ɛsɔ áotóka ka kankaanga á koɓoamɛ, áogea: «Mbebani Mokonga nɛsu, ɓenu ɓabɛɗanigi nɛkɛ ɓɔbu, ɓenu íɓunde ɓoomɓánga, ɓato á koomba na ɓato á jǎi-jǎi.»

Mphaniɔ 4:11

«Mɔkɔta nɛsu Mokonga, okeni na opha akɔ ɓoombia, ɓokutú, na ɓukpɛkpɛ. Nga, oɓɛ aámbé ɗóconji kema bui, Ka nyɔngɔ á mɔphɛ nɛkɔ aunge, kema bui ɓácɔnji na a ɓei.»

Mphaniɔ 4:9

Ka mbenɔ bui ɓamakɛlúbi ndɔ ɓáombeba, ɓáonɗokomisa, na ɓáonsega mmbé aiki ka kankaanga á koɓoamɛ, n'aoenda mɛyɔ,

Mphaniɔ 8:10

Malaéka ndea Mokonga ɓa ko ɓasaɔ áosúa mbengu. Sɛɛngɔa angbóngbó n'aǒtoɓoaga ɓea ɛɛmbɛ á nsa, áogua n'atóki na koba. Áogua ka phaeka isaɔ á ɔɓa na ntogɔ.