Mphaniɔ 14:6 - Ɔngana á Kɛ̌kɛ

⁶ Mbusa, nɛ́ɔmɔna malaéka ndea Mokonga ɓaangbo n'aoyaa ka mpɛna phɛɛ. Ɗábiki ɔtɔmia Mbino-Ánjá á Mɛyɔ ka ɓakpa ɓɔbu á ka mokonda, ka nji bui, ekuna bui, etéte á ɛyɔngi bui, na ketoto bui.

Mphaniɔ 14:6 Iomraidhean Croise

Matáyɔ 10:27

Ambe ɓóyɔngɛ sɔmani, nyɔngɔ nde neonongoɗea ka kaiphiɔ. Nnde neonongoɗea ka kɔsɔ-kɔsɔ, yɔngani ú ka ntanga.

Málikɔ 16:15

Mpɔ, Yéso áǒngoɗea: «Gǎni ka mokonda bui, ɓɔ́tɔ̌miɛ ɓakpa ɓɔbu Mbino-Ánjá ndea Mokonga.

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

Ɓakɔlɔsái 1:23

Cɔ, Akeni tɔ ɓósuiɛ ɓeekea, ɓóodokoɗeɛ ka měma kángá á ɗeketa á nseɓeɔ nde ɗɔ́ɓɔtɔí mbenɔ nde ɗɔ́ɓɔɔ́ki Mbino-Ánjá. Eme Pɔ́lɔ, nende mbɛɗanigi ka tɔ̌miaga í ka mokonda bui.

2 Ɓatɛsalɔníka 2:16

Ambe Mɔkɔta nɛsu Yéso Kiísito sasakɛ, n'Abasu Mokonga, mmbé ɗásókondi, áosógbagisaga ka měma ka ɓonjánja-ékondi nɛkɛ ka saga na saga na opha asu nseɓeɔ ánjá,

Ɓaɛbulanía 13:20

Cɔ, Mokonga mɛna ɓujɛjɛ, ɗánjujúkisi Mɔkɔta nɛsu Yéso Kiísito sɔsɔɓɛ á ɓasí. Yéso aámbé ande nambi angbónbgó á ɓamɔgɔgɔ. Magia akɛ asɔ́tɔisi ɔngana á mɛyɔ.

1 Pɛ́tɛɛ 1:25

Nyɔngɔ á Mɔkɔta a gǎkɛ oenda mɛyɔ.» Cɔ, nyɔngɔ nde, ande á Mbino-Ánjá nde ɗáɓánɔphɛí.

Mphaniɔ 10:11

Mpɔ, ɓáomongoɗea: «Akeni ɔ́ɔtɔɛ nyɔngɔ mosá á ɓakpa ɓásii, nji ásii, mosá á ɓato á k'ekuna, ɛyɔngi bui na ɓaamɛ ɓɔbu.»

Mphaniɔ 10:7

Cɔ, esa nde malaéka ɓa ko ngianjaga iɓɛ (7) asúande gǎkɛ mbengu, Mokonga atɔtɔkisande moangɔ nɛkɛ á ɓɔsɔmɛa, ɓíndɔ ɗɛ́tɔ̌mi ɓabɛɗanigi nɛkɛ, ɓaɔtu-nyɔngɔ.»

Mphaniɔ 13:7

Ɗáɓánsosei nyama ndɔ gea te, áemanisɛ ɓato á Mokonga na kínda aɓɔ. Áɔtɔa ɓukpɛkpɛ gǔ ékuna bui, ɓakpa ɓɔbu, etéte á ɛyɔngi bui na nji bui á ka mokonda.

Mphaniɔ 3:10

Cɔ, ka nyɔngɔ nde ɗoambi ɓɔphɛi nɛmɔ á ɓá na phiphia á tambaga, eme phɔtɔ, nekoambande ka mbenɔ á tambaga nde abikaeka ka mokonda bui, ka tombaga á ɓakpa á ka mokonda.

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.

Mphaniɔ 8:13

Nê goto ɔɔna na ɔ́ka ndu á yaa á ndia ka mpɛna phɛɛ, n'aɔyɔnga akpɛ te: «Ngomi ee! Ngomi ee! Ka ɓato á ka mokonda! Ngomi ka ɓɔ mbenɔ nde ɓamalaéka ndea Mokonga ɓunɛngbo ɓasaɔ ɓágeande ɓásuɛ mbengu nɛɓɔ.»