Mphaniɔ 14:4 - Ɔngana á Kɛ̌kɛ

⁴ Ɓɔ, ɓákákondɛ jɔɔkisa á nyama aɓɔ ka dondana na ɓake, ɗáɓáambi nyama aɓɔ kángá jɔɔkisa í. Ɓáomɓea Muna-Mɔgɔgɔ ɔma bui nde aoga. Ɗáɓěsombi sɔsɔɓɛ á ɓakpa ɓunɛngbo ka ɓa ɔphɛ́ɔ á k'ama mosá-mosá ka Mokonga na ka Muna-Mɔgɔgɔ.

Mphaniɔ 14:4 Iomraidhean Croise

Matáyɔ 19:12

Ana nyɔngɔ ɗanga-ɗanga nde aǒimisia ɓǒko uká á ɓake. Nga, ɓuangbo ɓáɓɔkɔtɛani kángá á ɓukpɛkpɛ á uká á nke, ɓǒko ɓuangbo ɓáunge ɓétǒngu, ɓuangbo ɓákáǒɓuka ɓake ka nyɔngɔ á bɛɗaneaga á Mokonga ka koɓoamɛ á na koba. Nkpa nde aɔtɔka ɓeekea á ɓukpɛkpɛ á ɓɔphɛi nde, áɓeekeɛ ú.»

Matáyɔ 25:1

Koɓoamɛ á na koba aɓande ɓea eganí á ɓaseka nkama (10) ɓundɔ ɗáɓábɛɗi ɔbɛa nɛɓɔ ka gǎ dondanisa á mǒko éyamani.

Matáyɔ 8:19

Nɗundu-ɛɔphi moci áɔsɛkɛɗa ka mpɛphɛ akɛ, áongea: «Ngoisigi, nekoɓeande ɔma bubui nde ogande.»

Yoáni 10:27

Ɓamɔgɔgɔ nɛmɔ ɓáɔɔ́ka ɛsɔ ani. Eme, néǒɓúba, ɓáomoɓea.

Yoáni 12:26

Kaɓɛ nkpa n'akondi bɛɗaneagani ambe ámoɓeɛ. Ɔma nde ne ɓei, aunge mbɛɗanigi nɛmɔ aɓande phɔtɔ. Abɛ anɗokomisande mmbé aɔmɔbɛɗaneaga.

Yoáni 13:37

Pɛ́tɛɛ áongoɗea te: «Mɔkɔta, ka nyɔngɔ éke kɛ́ɔtɔka ɓeá akɔ kɛ̌kɛnde? Nga, neɓeeki kukuwa ka nyɔngɔ akɔ.»

Yoáni 8:12

Yéso â goto ǒngoɗea ɓakpa te: «Nende owanga ka mokonda. Mmbé aomoɓea, kátámbɛku tanda ka keiphe, aɓande ndiu na owanga á enda.»

Ekuma á ɓateki 20:28

Cɔ, engani tambea anu sasanu n'índe á ɓaɓêki ɓɔbu ɓundɔ Měma á kanga ɓojeɗe anophi ka amba aɓɔ. Ambani kanisa ndea Mokonga nnde ɗásombi na magia akɛ sasakɛ.

1 Ɓakɔlítɔ 16:15

Ɓooúba gea Sɛtɛphána n'ekombo nɛkɛ ɓánde ɓakpa nde ɗáɓámɓeeki Kiísito k'ama mosá-mosá ka ntanga-nji ndea ka Akáya. Ɓɔ ɓáunge ɓáɔ̌bɛɗaneaga ɓaɓêki. Ɓaya, nenóɗengemisigi gea,

1 Ɓakɔlítɔ 6:20

Mokonga aámbé ɗánósómbi k'ésombi akpɛ. Kaɓondɔ, nɗokomisani pɛ Mokonga ka nyama anu.

1 Ɓakɔlítɔ 7:28

A gǎkɛ oɓá n'omukí nke, kógi ɓojeɗe. A gǎkɛ oɓá nseka n'aɔmani, kági phɔtɔ ɓojeɗe. Ɓundɔ ɓáɔmani ye, ɓátambagande ka enda aɓɔ esa bui. Kaɓondɔ unge, nekondi nénóɓángisɛ na tambaga ndɔɔ.

2 Ɓakɔlítɔ 11:2

Nena nsengo ka ɓenu ɓíndɔ Mokonga aně ka nyɔngɔ anu ka nyɔngɔ nde ɓenu ɓonde ɓea nseka nde nekondi ɔmanisa akɛ na mǒko moci. Mǒko kayɛ ande Kiísito.

Ɓaɛphɛ́sɔ 1:14

Měma ndɔ, a ɓea moéma, asóengekisíí ɓotukɔ nde Mokonga aebisíí ɓakpa nɛkɛ. Yɛ, asóengekisíí gea, ɓɛtɔaeka ú mbenɔ nde ɓetókande ka kɔkɔɓɛ ɗoni. Ɓébebɛni ɓoombia nɛkɛ!

Ɓaɛphɛ́sɔ 5:27

Ɗákondi gea, kanisa áɔnɛkanɛ mosá akɛ n'ana ɓoombia phɛɛ, kángá: nkiki, kisɛki, na kema ájeɗe-jeɗe nɛngbo. Ɗákondi gea, kanisa áɓɛ á kanga ɓojeɗe na kángá ɔyɛyɔ.

1 Timɔtɛ́ɔ 4:3

Ɓakpa ndɔ ɓáoimisia eyamani, ɓá phɔtɔ oimisia eaga eea nɛngbo nnde Mokonga ɗáconji gǎkɛ ú ka gea, ɓaɓêki ɓunde ɓáoúba ɗoni ɓáeɛ ú na beba á Mokonga k'ɛ́mɛmi.

Ɓaɛbulanía 12:23

Ɓobîmisi phɔtɔ ɔma nde ɓ'ánge ndea Mokonga ɓádondanigi ka maseye, ɓunde ina aɓɔ ɓáɗundu na koba. Ɓombîmisi Mokonga mmbé aotenaga nyɔngɔ á ɓakpa ɓɔbu. Ɓobîmisi phɔtɔ měma á ɓato á ɗoni ɓunde ɗáɓásí, ɓáojujuka, ɓáojúa ka sungiaga á aphe nɛɓɔ mosá á Mokonga.

Yakɔ́ɓɔ 1:18

K'ékondi nɛkɛ sasakɛ, ɗásóphi enda suɓi á yɔnga nɛkɛ nnde ande ɗoni. Ka gea, ɓéɓɛ ɓoata á kema bubui nde ɗáconji.

1 Pɛ́tɛɛ 2:9

Cɔ, ɓenu gǎkɛ, ɓonde ɓato á k'ékombo nde Mokonga ɛ̌sɔmbu, n'ekombo á ɓatoɓeigi-phɛ́a ndea Moamɛ, ekuna á ɓato á kanga ɓojeɗe, ɓakpa ndea Mokonga. Yɛ, aámbé ɗánɔɔphani ka toka anu ka kaiphiɔ na ngia anu ka owanga nɛkɛ á ɓoombia ka gea, ɓɔtɔ̌miɛ ekuma nɛkɛ á ketangaɔ.

Mphaniɔ 17:14

Ɓɔ, ɓámanande na Muna-Mɔgɔgɔ. Muna-Mɔgɔgɔ aékíndande ka nyɔngɔ nde ande Mɔkɔta ndea ɓakɔta na Moamɛ ndea ɓaamɛ. Akíndande kimoci na ɓunde ɗáɛɓɔphani, ɗáesombi na ɓunde ɓámɓeeki.»

Mphaniɔ 21:22

Ɗɛ́kɛ́ɔni gǎkɛ endu ɛ́mɛmi ka ntanga-nji ndɔ nga, Mɔkɔta Mokonga, Mɛna-ɓukpɛkpɛ na Muna-mɔgɔgɔ ɓáunge ɓánde ú.

Mphaniɔ 21:23

Ntanga-nji ndɔ, ɗákátú na ɓuyɛnɛ á maní na songe nga, ɓophombia ndea Mokonga aunge ɗáojegia na Muna-Mɔgɔgɔ áɔbɛnya ɓea ɔbɛa.

Mphaniɔ 3:4

Cɔ, o gǎkɛ na ɓakpa ɓuangbo ka Sáadi, ɓunde ɓákájɔɔkisi bɔngɔ ɓó. Ɓɔ ɓáunge ɓátambande kimoci n'eme na ɓáɔ́li bɔngɔ-ábu nga, ɓákeni ně.

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.