Mphaniɔ 14:15 - Ɔngana á Kɛ̌kɛ

¹⁵ Malaéka ndea Mokonga ɓaangbo áotóka k'éndu á Mokonga, áonkogea mmbɔ ɗáiki gǔ á egugu gea: «Beɗa píndí nɛkɔ, óɗunguɛ! Ka nyɔngɔ nde, mbenɔ á ɗungu ajú ye tɔ, mbó á ka mokonda, amɔti.»

Mphaniɔ 14:15 Iomraidhean Croise

Matáyɔ 13:30

Ɗeketani bubui átɛɛ kimoci na ka ɓî ajúande mbenɔ á ɗungu. Wandɔ unge, neéngoɗeande ɓato á ɗungu te: ‹Phúiani phɔ́ ɔphɔ ájeɗe ndɔ, ɓóɓoɛgɛ ntɔkɛ-ntɔkɛ í, ka toɓoa í. Mpɔ ɓóbisɛ nganɔ k'égbóngbó nɛmɔ.›»

Matáyɔ 13:39

Mɓiɓia mmbé akoni ɔphɔ ájeɗe, ande nketi. Ɗúngú ande sungiaga á mokonda. Ɓato á ɗungu ɓánde ɓamalaéka.

Matáyɔ 23:32

Aánjá, suiani tɔ ka gea ɓɔ́gɔɓɛɛ kema ndɔ ɓatatanu ɗáɓákpangi!

Málikɔ 4:29

Mbuka â ye tɔ ɔmɔta, ɓáokpanga ɗungua í na nkumba á ɗungu nɛɓɔ nga, mbenɔ á ɗungu ajú.»

1 Ɓatɛsalɔníka 2:16

Ɓáokáɓa imisia asu geae, ɓékětɔ̌miɛgɛ mɔnɔ ɓakpa nde ɓáná Ɓayúda nyɔngɔ á ɓoamia á ka měma. Ande gea te, ɓojeɗe nɛɓɔ, nnde á kala, n'índe á kɛ̌kɛ, aɓiki phɛɛ. Cɔ, kɛ̌kɛnde gǎkɛ, esúia ndea Mokonga ědondi.

Mphaniɔ 11:19

Mbusa, endu ndea Mokonga áoúkukana na koba, sanduku á iyɔnga áɔsɛnɛka. Mpɔ, phɛnua á mbua, ndu, ɓáoka á mbua, ɓaningina na mbua ángbó á matanda áoɓá ɓei.»

Mphaniɔ 13:12

Ɗábɛɗaneigi kɔkɔta bui á nyama ndɔ ɓa k'ama mosá-mosá akɛ. Áǒsosea ɓakpa ɓɔbu á ka mokonda na kema bui gea te, ɓámbebɛ nyama ndɔ ɓa k'ama mosá-mosá, mmbé ɗátú n'aphɛphɔa ka mɔ̌ akɛ nnde ɗátúogea ákuwɛ ně.

Mphaniɔ 14:14

Nê goto ɔɛnjia, nɛ́ɔɔna egugu ábu. Nkpa moci áoika gǔ í n'akengeani na Muna-Nkpa. Ɗáɔ́li kekombó á láté, áodunga píndí á pheá.

Mphaniɔ 14:16

Mpɔ, Malaéka ndea Mokonga ímbe ɗáiki gǔ egugu, áɔɔpha píndí nɛkɛ gǔ á mokonda, ɗúngú áoɓá ka mokonda.

Mphaniɔ 14:17

Mpɔ, malaéka ndea Mokonga ɓaangbo áotóka k'éndu á Mokonga nnde á na koba n'adungi phɔtɔ píndí á pheá.

Mphaniɔ 14:18

Mpɔ, malaéka ɓaangbo mmbé ana kɔkɔta gǔ á nsa áotóka k'ɔ́ma ɔ́phɛ́ɔ áonkogea mmbɔ ɗádungi píndí á pheá gea: «Bɛɗa píndí ndeakɔ ótenɛ mbuka á mujabíbu nde agɔmbi ka mokonda nga, a ye mɔti.»

Mphaniɔ 15:6

Ɓamalaéka ndea Mokonga ngianjaga iɓɛ (7) ɓundɔ ɗáɓátú na tambaga ngianjaga iɓɛ (7), ɓáojuana suɓi éndu ndɔɔ. Ɗáɓáɔ́li bɔngɔ ésombi akpɛ ábu á phenuaga. Ɓâ phɔtɔ ɔɔ́la angeɗe á láté ka cina-kuju.

Mphaniɔ 16:17

Malaéka ndea Mokonga ɓa ko ngianjaga iɓɛ (7) aoɗukia nɛkɛ cǎ ésúia ndea Mokonga ka mpɛna. Mpɔ, ɛsɔ ángbó áɔɔ́kɛkana k'éndu á Mokonga n'atóki ka kankaanga á kɔkɔta áogea: «Mpɔ así ye tɔ.»

Mphaniɔ 6:10

Ɓɔ, ɗáɓáɔyɔnga n'ɛsɔ akpɛ te: «Mɔkɔta, nto á kanga á ɓojeɗe na nto á ɗoni, ka mbenɔ sina nde ooɓondea tena á nyɔngɔ á ɓato á ka mokonda, na gisia á magia asu?»