Mphaniɔ 14:14 - Ɔngana á Kɛ̌kɛ

¹⁴ Nê goto ɔɛnjia, nɛ́ɔɔna egugu ábu. Nkpa moci áoika gǔ í n'akengeani na Muna-Nkpa. Ɗáɔ́li kekombó á láté, áodunga píndí á pheá.

Mphaniɔ 14:14 Iomraidhean Croise

Matáyɔ 13:30

Ɗeketani bubui átɛɛ kimoci na ka ɓî ajúande mbenɔ á ɗungu. Wandɔ unge, neéngoɗeande ɓato á ɗungu te: ‹Phúiani phɔ́ ɔphɔ ájeɗe ndɔ, ɓóɓoɛgɛ ntɔkɛ-ntɔkɛ í, ka toɓoa í. Mpɔ ɓóbisɛ nganɔ k'égbóngbó nɛmɔ.›»

Matáyɔ 17:5

N'a phɔ́tɔ ɔyɔnga, iimbiɔ á egugu nde ana owanga áǒgbukumia. Ɛsɔ áɔɔ́kɛkana k'egugu ndɔ ɓe: «Mmbé ande Miki nɛmɔ á ekondi, nena maseye ka yɛ phɛɛ. Mɔ́kani yɛ.»

Málikɔ 4:29

Mbuka â ye tɔ ɔmɔta, ɓáokpanga ɗungua í na nkumba á ɗungu nɛɓɔ nga, mbenɔ á ɗungu ajú.»

Lóka 21:27

Mpɔ, ɓámɔnande Muna-Nkpa n'abiki k'égugu na ɓukpɛkpɛ na ɓoombia ángbó.

Ɓaɛbulanía 2:9

Cɔ, ɓɛɔni ndiu gea, mmbé ɗáɓándidisi ka mbenɔ ábɔa kusi á ɓamalaéka ande Yéso. Ka nyɔngɔ á tambaga na kukuwa akɛ, Mokonga amophi kɛ̌kɛnde ɓoombia na ɓokutú. Kaɓondɔ unge ka nyɔngɔ á ɓonjánja-ékondi ndea Mokonga, Yéso ɗáku ka phɔa ɓakpa ɓɔbu.

Mphaniɔ 1:13

Sɔsɔɓɛ í, nɛɔmɔna nkpa, n'akengeani na Muna-Nkpa. Yɛ, ɗáɔ́li ngɔ́mbɛ éndǎ, nnde akǐ k'écinji. Áɔ̌ɓɔɛa angeɗe k'égogo nnde ɗáɓáɓɔngisigi na láté.

Mphaniɔ 1:7

Éngani, Yéso Kiísito aobika k'égugu. Ɓakpa ɓɔbu ɓámɔnande. Ɓunde ɗáɓántúmi n'ekonga, ɓámɔnande phɔtɔ. Ɓato á k'ekuna bui á ka mokonda ɓátaɓokanagande ka nyɔngɔ akɛ. Eya! Áɓɛ ɓó.

Mphaniɔ 10:1

Mbusa á wa, Nɛɔmɔna malaéka ɓaangbo akpɛkpɛ, n'aodida ka toka na koba. Egugu n'angbukumi ɓea bɔngɔ, akema n'atimbi mɔ̌ akɛ. Keongi akɛ áophenuaga ɓea maní, ecinji akɛ ɗátú ɓea ngeɔ á nsa.

Mphaniɔ 11:17

«Mɔkɔta Mokonga, Mɛna-ɓukpɛkpɛ, oɓɛ aámbé oɓei na ɗótú ɓei, ɓeosikisíí ɓosegi nga, omesi koɓoamɛ nɛkɔ, ɔbɛɗaneigi ɓukpɛkpɛ nɛkɔ bui!

Mphaniɔ 19:12

Iso akɛ ɗáɔbɛnya ɓea ɛɛmbɛ á nsa. Ɗáɔ́li kekombó á koɓoamɛ ásii ka mɔ̌ akɛ. Ɗáɓáɗundu ina gǔ akɛ. Yɛ sasakɛ tɔndɔ aámbé ɗáúbi ú.

Mphaniɔ 20:11

Mpɔ, nɛ́ɔɔna kankaanga ángbó á kɔkɔta ábu na mmbé ɗáikiɗíí. Koba na mokonda, áondia mosá akɛ kaɔnɛkanɛ ye,

Mphaniɔ 6:2

Mpɔ, Nɛɔmɔna mponda á emani mmbé aábu. Mmbé ɗákǎmbi gǔ akɛ, ɗábɛɗi mange, na ɓámophi kekombó á kɔkɔta. Ɗátú ntɔki-emani na áoga goto k'aphe á tɔka á emani.