Mphaniɔ 14:11 - Ɔngana á Kɛ̌kɛ

¹¹ Maki á nsa á tambisaga aɓɔ, aojuana ka saga na saga. Ɓunde ɓáombeba nyama na tɔnkɛngɛ akɛ na nkpa buakɛ mmbé ana mphangiɔ á ina akɛ ɓákáɓɛku na múmbiɔ kaɓɛ sɔmani kaɓɛ kǐpha.

Mphaniɔ 14:11 Iomraidhean Croise

Matáyɔ 11:28

«Bikani mɔtɛ-amɔ ɓenu ɓɔbu íɓunde ɓootambaga na nkumba áɗokǒ, eme nenophande múmbiɔ.

Matáyɔ 25:41

Mpɔ ěgeande ɓundɔ ɓá ka njaga akɛ á nkei: ‹Tókani bíbí ani! Ɓánɔsɛmɛigi. Gǎni k'ɛɛmbɛ á nsa mɛyɔ nnde ɗáɓáɓɔngisigi ka nketi na ɓamalaéka nɛkɛ.

Matáyɔ 25:46

Cɔ, ɓɔ, ɓágande otambanga mɛyɔ. Ɓato á koɗoni gǎkɛ ɓáɓande na enda á mɛyɔ.»

Ɓaɛbulanía 1:8

Ka phɔa Miki ndeakɛ, Mokonga áɔyɔnga ndiu gea: «Oo! Mokonga! Kankaanga á koɓoamɛ ndeakɔ aɓande ka saga na saga. Ɔbɛɗanagande na motumbɔ á koɓoamɛ ndeakɔ ka koɗoni.

Mphaniɔ 11:15

Mpɔ, malaéka ɓa ko ngianjaga iɓɛ (7), áosúa mbengu. Ɛsɔ ángbó áɔɔ́kɛkana n'aotóka na koba gea: «Koɓoamɛ á ka mokonda a ye tɔ ndea Mɔkɔta nɛsu Kiísito na koɓoamɛ nɛkɛ aɓande ka saga na saga!»

Mphaniɔ 13:12

Ɗábɛɗaneigi kɔkɔta bui á nyama ndɔ ɓa k'ama mosá-mosá akɛ. Áǒsosea ɓakpa ɓɔbu á ka mokonda na kema bui gea te, ɓámbebɛ nyama ndɔ ɓa k'ama mosá-mosá, mmbé ɗátú n'aphɛphɔa ka mɔ̌ akɛ nnde ɗátúogea ákuwɛ ně.

Mphaniɔ 13:15

Mpɔ nyama angbóngbó ndɔ ɓa ko ɓaɓɛ, ɓáomopha kɔkɔta á ophia mpophɛ akɛ suɓi á tɔnkɛngɛ á nyama ndɔ ɓa k'ama mosá-mosá ka gea te, áyɔngɛ na kusisa á ɓunde ɗáɓákáombeba.

Mphaniɔ 13:17

Ka ɓakpa ɗákáɔtɔka somba kaɓɛ sombisa á kema, na nna na mphangiɔ nde ɗátú n'ina á nyama kaɓɛ mɔɔmba nde aingimiani n'ina akɛ.

Mphaniɔ 14:9

Malaéka ndea Mokonga ɓa ko ɓasaɔ, áǒɓea ɓundɔ ɓaɓɛ á k'ama mosá-mosá, áɔyɔnga k'ɛ́sɔ akpɛ te: «Nkpa buakɛ mmbé aogbúka muanku mosá á nyama na tɔnkɛngɛ nɛkɛ n'ana mphangiɔ k'éndóndó na ka njaga akɛ,

Mphaniɔ 18:18

Ɓáoúmba nkogɔ ɓî ɓáɔni maki á gogokana á ntanga-nji ndɔɔ. Ɓáɔyɔnga te: «Nna na ntanga-nji nde angboti ɓínde.»

Mphaniɔ 18:9

Ɓaamɛ á ka mokonda, ɓunde ɗáɓátungani na ntanga-nji ndɔ, na boma á kpɔngbɔ n'eɗáka na yɛ, ɓátoande ntaɓo na toɓokea á ngamɔ ka phɔakɛ, ɓî ɓáɔnande maki á siɗa á ntanga-nji.

Mphaniɔ 19:3

Ɓâ goto ɔyɔnga: «Obebɔ ka Mokonga nɛsu! Maki á abambongo-mbongo á ntanga-nji nde asiɗima aophúphuta ka saga na saga!»

Mphaniɔ 20:10

Mpɔ, nketi mmbé ɗáedemigi, ɓáommaka k'ɛɛmbɛ á nsa kuɓî ɗáɓáemaki nyama na mɔtu-nyɔngɔ á mbɛa. Ɓátambagande kó keiphe n'esa nkongopha na nkongopha.

Mphaniɔ 22:5

Keiphe káɓɛeka ye na ɓákáɓɛku ye na siki á owanga á maní n'índe á ɔbɛa nga, Mɔkɔta Mokonga aɛmbisande owanga nɛkɛ gǔ aɓɔ. Ɓámameande nji ka saga na saga.

Mphaniɔ 7:12

ɓáogea: «Áɓɛ ɓó! Obebɔ, ɓoombia, kɔɓɔɔngɛ, ɓosegi, ɓokutú, ɓukpɛkpɛ phɛɛ, áɓɛ ka Mokonga nɛsu ka saga na saga. Áɓɛ ɓó!»