Mphaniɔ 14:10 - Ɔngana á Kɛ̌kɛ

¹⁰ anoande makana akáe á esúia ndea Mokonga, nnde ɓáɗuki ka cǎ nde atúmi n'esúia nɛkɛ. Ɓakpa ɓea ɓundɔ ɓátambagande ka ɛɛmbɛ á nsa, mosá á ɓamalaéka ndea Mokonga á kanga ɓojeɗe na mosá á Muna-Mɔgɔgɔ.

Mphaniɔ 14:10 Iomraidhean Croise

Matáyɔ 20:22

Yéso áǒngoɗea gea: «Ɓókóoúba kema nde ɓɔmɛmi. Ɓɔtɔkande noa ka kiɓe á tambaga nde nenoande?» Ɓáonsikisia: «Eya, ɓɛɔtɔka.»

Matáyɔ 25:41

Mpɔ ěgeande ɓundɔ ɓá ka njaga akɛ á nkei: ‹Tókani bíbí ani! Ɓánɔsɛmɛigi. Gǎni k'ɛɛmbɛ á nsa mɛyɔ nnde ɗáɓáɓɔngisigi ka nketi na ɓamalaéka nɛkɛ.

Matáyɔ 26:39

Áɔsɛkɛɗa mosá ábɔa, áɔgɔtɔma, endóndó akɛ áogbondoa oɗo, áɔmɛma ɓe: «Abɛ, aoɓá n'atɔtɔkɛani, gesa kani ɗanga kiɓe ndee. Kaɓɛmbɛ ka mɔphɛ ani, áɓɛ ndiu ɓíndɔ okondi.»

Málikɔ 8:38

Aoɓá nkpa n'aku na soni ka phɔani na ka phɔa ɓɔphɛi nɛmɔ mosá á ɓakpa á k'ɛ́ɓɔkɔti nde, nga ɓánde ɓato á ɓojeɗe na ɓakpa nde ɓán'ye Mokonga, eme Muna-Nkpa nenkuiande phɔtɔ soni esa nde nebikaeka ka ɓoombia ndea Abɛ Mokonga kimoci na ɓamalaéka á kanga ɓojeɗe.»

Málikɔ 9:44

Kó, ana ɓanguja nde ɓákáokuwa, a phɔtɔ na nsa nde nna tanda koímika.]

Ekuma á ɓateki 10:22

Ɓáonsikisia te: «Moamɛ á ɓato émani Kɔɔnɛlíɔ aámbé asóteki. Ande nto á koɗoni na mmbé áomɓanga Mokonga. Ɓayúda ɓɔbu, ɓá phɔtɔ ombeba phɛɛ. Malaéka ndea Mokonga angoɗi gea, ákɔɔphanɛ mɔtɛ-akɛ, ka ɔ́ka nyɔngɔ nde ongoɗeande.»

2 Ɓatɛsalɔníka 1:7

Cɔ, ɓenu íɓunde ɓootambaga, Mokonga anóphande muumbiɔ kimoci na ɓesu mbenɔ nde Mɔkɔta Yéso asɛnɛkande. Atókande na koba, kimoci na ɓamalaéka nɛkɛ ɓunde ɓána ɓukpɛkpɛ.

Yúda 1:7

Kanisiani phɔtɔ nyɔngɔ á Sodóma, Gɔmɔ́la na ntanga-nji á bîbíbí. Nyɔngɔ á iɛɓɛ á ɓato á ka ntanga-nji ndɔ ɗátú phɔtɔ ájeɗe ɓea ɓamalaéka ndɔɔ. Ɗáɓáogea iɛɓɛ nnde atingani n'índe á kokpa. Ɓɔ, ɓáotambaga ka nsa á mɛyɔ. Ɓánde mphangiɔ ka ɓakpa ɓɔbu.

Mphaniɔ 15:7

Ka ɓanyama gena ndɔ, moci áǒɓopha ɓamalaéka ndea Mokonga ngianjaga iɓɛ (7) cǎ ngianjaga iɓɛ (7) á láté n'atúmi n'esúia ndea Mokonga Mɛyɔ.

Mphaniɔ 16:19

Ntanga-nji ángbó áogabekana ka phaeka isaɔ na ntanga-nji bui á ka nji áɔngbɔɔkana. Mokonga ɗákanisi Babɛ́li ángbó. Áonsosea noa makana ésúia ángbó á ka cǎ nɛkɛ.

Mphaniɔ 18:3

Nga, ɓato á ka mokonda bui ɗáɓánu makana akae á mambɔ nɛkɛ. Ɓaamɛ ɓɔbu á ka mokonda ɗáɓánɗege ně na ɓasombisigi nkumba á ka mokonda ɗáɓáegani ka nyɔngɔ á ɛtɔi nɛkɛ ásii.»

Mphaniɔ 18:6

Ngeani tɔ sumɓî ɗáegi ɓakpa ɓunɛngbo. Mphendani mɔngɔ iɓɛ k'índe ɗági. Káisani makana á ka cǎ nɛkɛ mɔngɔ iɓɛ kɔnyɛ́nya nndɔ ɗáǒnusa ɓakpa.

Mphaniɔ 19:15

Píndí á ophea áojuana k'aphenɔkɔ akɛ, nnde amanisande nji ně. Yɛ, amameande nji ka ɓukpɛkpɛ á ngɔa na akámande mbuka ka kasangɔ n'esúia ndea Mokonga Mɛna-ɓukpɛkpɛ bui.

Mphaniɔ 19:20

Ɓɔ, ɓâ gǎkɛ ondunga nyama ndɔ kimoci na mɔtu-nyɔngɔ á mbɛa mmbé ɗátɔtɔkisi ketangaɔ mosá akɛ, ka dema á ɓundɔ ɗáɓátú na mphangiɔ á nyama na ɗáɓáogbúka muanku aɓo mosá á tɔnkɛngɛ akɛ. Nyama, na mɔtu-nyɔngɔ á mbɛa, ɓáǒmaka suɓi á ɛɛmbɛ á nsa na ɓáoenda.

Mphaniɔ 20:10

Mpɔ, nketi mmbé ɗáedemigi, ɓáommaka k'ɛɛmbɛ á nsa kuɓî ɗáɓáemaki nyama na mɔtu-nyɔngɔ á mbɛa. Ɓátambagande kó keiphe n'esa nkongopha na nkongopha.

Mphaniɔ 20:14

Ɓáǒmaka kukuwa na nji á ɓasí k'ɛɛmbɛ á nsa, nnde ande kuwa mɔngɔ á ko iɓɛ.

Mphaniɔ 21:8

Ka ɓato á kɔɓɔɓɔkɔ, ɓato á kanga ɓeekea, ɓato á jɔɔkana, ɓato á kaiso, ɓato á iɛɓɛ, ɓato á ɓiji-ɓiji, ɓato á gbukaga muanku aɓɔ mosá á tɔnkɛngɛ na ɓato á mbɛa gǎkɛ ɔma nɛɓɔ ande k'ɛɛmbɛ á nsa n'ande kukuwa á mongɔ á ko iɓɛ.»