Mphaniɔ 14:1 - Ɔngana á Kɛ̌kɛ

¹ Ɓî ɗɛ́nɛɛnji goto, Nɛ́ɔmɔna Muna-Mɔgɔgɔ n'amame gǔ á mamba á Sayúni, kimoci na ɓakpa ɛlɛphu mia moci nkama gena na gena (144.000). Ɗáɓáɗundu ina akɛ n'índe á Abakɛ k'éndóndó aɓɔ.

Mphaniɔ 14:1 Iomraidhean Croise

Lóka 12:8

«Nenogie, mmbé amoɗigimisíí nyɔngɔ base mosá á ɓakpa, eme Muna-Nkpa nenɗigimisiaeka phɔtɔ base mosá á ɓamalaéka ndea Mokonga.

Ɓalɔ́ma 9:33

Ɓindɔ Ɓuku á Mokonga ayɔngi: «Ɔ́nani ɓî nebisi ɛtɛ á ɓɛtɛkisa ka Sayúni na ekǒngo á gusisa. Cɔ, mmbé aomɓeekea, kákuwɛku na soni.»

Mphaniɔ 14:14

Nê goto ɔɛnjia, nɛ́ɔɔna egugu ábu. Nkpa moci áoika gǔ í n'akengeani na Muna-Nkpa. Ɗáɔ́li kekombó á láté, áodunga píndí á pheá.

Mphaniɔ 14:3

Ɓakpa ɛlɛphu mia moci nkama gena na gena (144.000) ndɔ ɗáɓáoemba embɔ á kɛ̌kɛ mosá á kankaanga á Mokonga na mosá á econji gena nde aoenda na mosá á ɓagbɛga. Nna na nkpa nde ɗátɔki goaga embɔ ndɔ, na nna tɔndɔ ɓakpa ɛlɛphu mia moci nkama gena na gena (144.000) ɓunde ɗáɓěsombi ka mokonda.

Mphaniɔ 15:5

Mbusa índɔ, nɛ́ɔɔna na koba, endu á Mokonga n'aúkukani na ɛma á madondanɔ ndea Mokonga.

Mphaniɔ 22:4

Ɓáɔnande keongi akɛ. Ɓáɗunduande ina akɛ k'éndóndó aɓɔ.

Mphaniɔ 3:12

Mmbé akíndande, nembisande ka ngeɔ suɓi éndu ndea Mokonga nɛmɔ na kájuanɛeka ye tanda. Neɗunduande ina á Mokonga nɛmɔ na ina á ntanga-nji ndea Mokonga nɛmɔ gǔ akɛ. Ina á ntanga-nji ndɔ ande Yɛusalɛ́ma á kɛ̌kɛ, nnde adidi ka toka na koba mɔtɛ á Mokonga nɛmɔ. Neɗunduande phɔtɔ ina ani á kɛ̌kɛ gǔ akɛ.

Mphaniɔ 4:1

Mbusa índɔ, ɗɛ́ɔni mphaniɔ nɛngbo, kǐo á na koba n'aúkukani. Ɛsɔ nde ɗɛ́ɔ́ki n'aɔyɔnga n'eme mosá, n'akengeani na ɛsɔ á mbengu, áomongoɗea: «Cɔ, ɗapha koni, neophangiande nnde akeni ákiɗianɛ mbusa.»

Mphaniɔ 6:8

Nɛɔmɔna mponda á emani moci, nkeke akɛ n'akengeani na ebǔ. Ina á mmbé ɗákǎmbi gǔ akɛ ande Kukuwa. Nji á ɓasí ɗáobika mbusa akɛ. Ɓáǒɓopha kɔkɔta gǔ á phaeka gena á mokonda, ka mowa á ɓakpa na píndí, monganya, esambɔ, na ɓanyama akaekae á ka mokonda.