Mphaniɔ 13:6 - Ɔngana á Kɛ̌kɛ

⁶ Nyama ndɔ, áoikia yɔnga á nyɔngɔ ájeɗe-jeɗe ka phɔa Mokonga, áobóma ina akɛ n'ɔma á ɓoiki nɛkɛ na bóma á ɓɔbu ɓunde ɓáiki na koba.

Mphaniɔ 13:6 Iomraidhean Croise

Matáyɔ 12:34

Cɔ, benu ɛɓɔkɔti á kaɓokosa nde ca! Ɓɔ́kɔ́ɔtɔka na ɓɔyɔngi nyɔngɔ nde aánjá nga, ɓo ɓakpa ɓájeɗe. Nga, nyɔngɔ nde atúmi ka měma á nkpa, aunge aɔyɔnga ú.

Matáyɔ 15:19

Nga, suɓi á měma á nkpa, aunge aotóka: kanisia ájeɗe, mowanaga á ɓakpa, gúa n'etoa, mambɔ, kuɓa, gamá á nkpa ka nyɔngɔ á mbɛa, mbóma.

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Ɓalɔ́ma 3:13

Kema nde aotóka k'aphenɔkɔ aɓɔ aokusisa, eɗáka aɓɔ aǒenga ka dema á ɓakpa, ɛsɔ aɓɔ ana cengu ɓínde á njɔka.

Ɓakɔlɔsái 1:19

Nga, Mokonga yɛ sasakɛ ɗákondi kokpa akɛ buakɛ áɔnɛkanɛ ka Anakɛ.

Ɓakɔlɔsái 2:9

Nga, kema bubui nde a suɓi á Mokonga, aɔnɛkani ka nyama á Kiísito na aiki tɔ bui suɓi akɛ.

Ɓaɛbulanía 9:2

Kaɓondɔ unge ɗáɓácumi endu nde ɗáɓáphɛ̌ki na Ɛma. Ɔma á k'ama mosá-mosá éndu ndɔ ɗáɓáɔɔphana ɔma á kanga ɓojeɗe. Suɓi á ɔma ndɔ unge ɗáɓábisi ɔbɛa, mɛja na mokati ɔ́phɛ́ɔ ka Mokonga.

Ɓaɛbulanía 9:24

Cɔ, Kiísito ɗákángí ɔma á kanga ɓojeɗe nde ɓakpa ɓáphɛ̌ki na njaga aɓɔ. Nndɔ a tɔ iii á ɔma á kanga ɓojeɗe ndea ɗoni. Angí ndiu ɗoni na koba, ɔma nde yɛ, kɛ̌kɛnde a ye mame mosá á Mokonga ka phɔasu.

Mphaniɔ 11:12

Mpɔ, ɓaɔtu-nyɔngɔ ndea Mokonga ɓaɓɛ ndɔ ɓáɔɔ́ka ɛsɔ akpɛ n'aotóka na koba, áǒngoɗea gea: «Ɗáphani koni!» Ɓáoɗápha na koba suɓi égugu, ɓaɓiɓia nɛɓɔ na ɓáɔ̌ɓɔna.

Mphaniɔ 12:12

Kaɓondɔ, maseye áɓɛ na koba, ɓáni n'iyoma ɓunde ɓoiki na koba. Ande gǎkɛ ngomi ka mokonda n'oɓenge! Ka nyɔngɔ nde, Sɛtáni adidi ko. Yɛ, atúmi n'esúia nga, aúbi gea, mbenɔ nɛkɛ nna ye ásii.»

Mphaniɔ 15:5

Mbusa índɔ, nɛ́ɔɔna na koba, endu á Mokonga n'aúkukani na ɛma á madondanɔ ndea Mokonga.

Mphaniɔ 18:20

Cɔ, koba, ɓá na maseye ka gua á ntanga-nji ndɔɔ. Ɓáni phɔtɔ na maseye, ɓato á kanga ɓojeɗe, ɓateki na ɓaɔtu-nyɔngɔ ndea Mokonga. Nga, Mokonga ɗáteni nyɔngɔ nɛkɛ ka ɓeana na ɓojeɗe nde ɗági ka phɔanu.

Mphaniɔ 21:3

Nɛ́ɔɔ́ka ɛsɔ akpɛ n'aotóka ka kankaanga á kɔkɔta na koba áɔyɔnga ɓe: «Ɔma á ɓoiki ndea Mokonga a ye tɔ sɔsɔɓɛ á ɓakpa. Yɛ, aikande kimoci na ɓɔ, ɓáoɓá ɓakpa nɛkɛ. Mokonga sasakɛ, aɓande Mokonga nɛɓɔ, áoɓá kimoci na ɓɔ.

Mphaniɔ 4:1

Mbusa índɔ, ɗɛ́ɔni mphaniɔ nɛngbo, kǐo á na koba n'aúkukani. Ɛsɔ nde ɗɛ́ɔ́ki n'aɔyɔnga n'eme mosá, n'akengeani na ɛsɔ á mbengu, áomongoɗea: «Cɔ, ɗapha koni, neophangiande nnde akeni ákiɗianɛ mbusa.»

Mphaniɔ 4:4

Kankaanga nɛngbo á koɓoamɛ nkama iɓɛ na gena (24) ɗátimbi kankaanga á koɓoamɛ ndɔɔ. Ɓagbɛga nkama iɓɛ na gena (24) ɓáoika gǔ í, na ɓáɔ́li bɔngɔ ábu na kekombó á láté.

Mphaniɔ 5:13

Nê phɔtɔ kɔ ɔ́ka ecɔnji bui nde ana koba, ka mokonda, suɓi á oɗo na suɓi á oɓenge, econji bui na ɓáoemba gea: «Ka mmbé aiki ka kankaanga á koɓoamɛ, na ka Muna-mɔgɔgɔ, ambe áɓɛ n'obebɔ, ɓokutú, ɓoombia, na ukuu ka saga na saga!»

Mphaniɔ 7:15

Kaɓondɔ unge, Ɓámamege mosá á kankaanga á koɓoamɛ ndea Mokonga. Báɔmbɛɗaneaga keiphe n'esa k'éndu nɛkɛ. Mmbé aiki gǔ á kankaanga á koɓoamɛ ěambande.

Mphaniɔ 7:9

Mbusa á nyɔngɔ ndɔ, nɛ́ɔɔna usɛsɛ ángbó á ɓakpa, nnde nkpa nnaɔtɔka nětangi. Ɓakpa ndɔ ɗáɓátóki ka nji bui, k'ekuna bui, k'ététe á ɓakpa ɓɔbu, na k'ététe á ɛyɔngi bui. Ɗáɓámamege mosá á kankaanga á koɓoamɛ na mosá á Muna-Mɔgɔgɔ. Ɗáɓáɔ́li bɔngɔ éndǎ ábu na ɓábɛɗigi kasa á mbia.