Mphaniɔ 13:2 - Ɔngana á Kɛ̌kɛ

² Nyama kayɛ ɗátú tɔ ɓea mabianga. Ecinji akɛ â gǎkɛ oɓá ɓ'índe á dubu. Aphenɔkɔ akɛ áoɓá ɓ'índe á simba. Njɔka angbóngbó áomopha nyama ndɔ ɓukpɛkpɛ, kɔkɔta ángbó na kankaanga nɛkɛ á koɓoamɛ.

Mphaniɔ 13:2 Iomraidhean Croise

2 Timɔtɛ́ɔ 4:17

Mɔkɔta ndiu aámbé ɗámoengi na áomopa ɓukpɛkpɛ ka gea te, nɛ́tɔmiɛ Mbino-Ánjá nɛkɛ phɛɛ ka gea, ɓakpa nde ɓáná Ɓayúda ɓáɔ́kɛ. Yɛ ɗámoamisi k'aphenɔkɔ á simba.

1 Pɛ́tɛɛ 5:8

Kóɗani iso, ɓókoyengiɛmbɛ! Mɓiɓia nɛnu nketi aotimba ɓea simba n'aɔgɔuma ka kaɓa ani mmbé aongoa.

Mphaniɔ 12:13

Ɓî njɔka angbóngbó ɗáúbi gea, ɓámmaki ka mokonda, áokpanga ɓeá á nke mmbé ɗámɓɔkɔti miki-mǒko.

Mphaniɔ 12:15

Njɔka ndɔ â gǎkɛ osúa iɓo ásii k'aphenɔkɔ akɛ, mbusa á nke ndɔɔ, áoɓá ɓea oɓenge ka gea, án'yokisɛ.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 13:12

Ɗábɛɗaneigi kɔkɔta bui á nyama ndɔ ɓa k'ama mosá-mosá akɛ. Áǒsosea ɓakpa ɓɔbu á ka mokonda na kema bui gea te, ɓámbebɛ nyama ndɔ ɓa k'ama mosá-mosá, mmbé ɗátú n'aphɛphɔa ka mɔ̌ akɛ nnde ɗátúogea ákuwɛ ně.

Mphaniɔ 13:4

Kaɓondɔ, ɓakpa ɓɔbu ɓáombeba njɔka angbóngbó ka nyɔngɔ á opha á nyama kɔkɔta nɛkɛ. Ɓâ phɔtɔ ombeba nyama na gea: «Ani mmbé akengeani phɔ́ na nyama ndee? Ani mmbé aɔtɔka n'ammanisi ee?»

Mphaniɔ 16:10

Malaéka ndea Mokonga ɓa ko ɓɔku, áoɗukia nɛkɛ cǎ ésúia ndea Mokonga gǔ á kankaanga á kɔkɔta ndea nyama na koɓoamɛ nɛkɛ áongia suɓi á kaiphiɔ. Ɓakpa ɓáokoka eɗáka ka nyɔngɔ á kokae.

Mphaniɔ 17:12

Cɔ, ndeka nkama (10) ndɔ ɔɔnima, ande ɓaamɛ nkama (10) ɓunde ɓákáemamisimbɛ. Ɓámameande nji kimoci na nyama, ka mbenɔ ábɔa.

Mphaniɔ 19:20

Ɓɔ, ɓâ gǎkɛ ondunga nyama ndɔ kimoci na mɔtu-nyɔngɔ á mbɛa mmbé ɗátɔtɔkisi ketangaɔ mosá akɛ, ka dema á ɓundɔ ɗáɓátú na mphangiɔ á nyama na ɗáɓáogbúka muanku aɓo mosá á tɔnkɛngɛ akɛ. Nyama, na mɔtu-nyɔngɔ á mbɛa, ɓáǒmaka suɓi á ɛɛmbɛ á nsa na ɓáoenda.

Mphaniɔ 2:13

Neoúba ɔma nde oiki. Wa unge ande kankaanga á koɓoamɛ ndea Sɛtáni. Nanga a ɓó, otétemisi tɔ ɓeekea ani kángá á ngana á ɓeekea ndɔ. Oɓɛ, kóɗeketi ɓeekea ani mbenɔ nde ɗáɓámowe Antípa, nɗigimisi nɛmɔ á ɗoni mɔtɛ-anu, ɔma nde Sɛtáni aiki.

Mphaniɔ 20:2

Áondunga njɔka angbóngbó, njɔka á kala n'ande nketi ímbɔ Sɛtáni, áomɓóaga ka ɓasaga ɛlɛphu moci (1.000).