Mphaniɔ 13:16 - Ɔngana á Kɛ̌kɛ

¹⁶ Nyama ndɔ, áǒsosea ɓakpa ɓɔbu, ɓaniki na ɓagbɛga, ɓatɔi na ɓaúki, ɓakɔɓɛ na ɓunde ɓáná ɓakɔɓɛ gea, ɓábisɛ mphaniɔ kaɓɛ k'éndóndó kaɓɛ ka njaga á mǔku.

Mphaniɔ 13:16 Iomraidhean Croise

Ekuma á ɓateki 26:22

Na ka kesande, nemame wani nga, Mokonga ɗámoambi ka gea te, néɓɛ nɗigimisi á nyɔngɔ nɛkɛ mosá á ɓundɔ ɓána ɓoombia, na ɓundɔ ɓáná na ɓoombia. Kɛ́ɔyɔnga nyɔngɔ nde atingani n'índe á ɓaɔtu-nyɔngɔ ndea Mokonga na Mósa ɗáɓáɔtu gea,

1 Ɓakɔlítɔ 12:13

Ɓesu ɓɔbu, Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓásoɓatisi tɔ suɓi á Měma ndɔ tɔ moci ka gea, ɓéɓɛ ɓesu ɓɔbu ɓea nyama mo. Ɓesu ɓɔbu ɓenu tɔ iɓo á Měma ndɔ mo.

Ɓagalatía 3:28

Oɓayɔ nna ye sɔsɔɓɛ á Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓǒko na ɓake. Ɓenu ɓɔbu ɓonde moci suɓi á Yéso Kiísito.

Ɓagalatía 6:17

Kpanga á kɛ̌kɛnde, nkpa kamotambisɛgɛmbɛ ye goto. Nga, epe-epe nde neně ka nyama ani, ande ka nyɔngɔ á Yéso.

Ɓaɛphɛ́sɔ 6:8

Kanisiani gea, nkpa na nkpa mmbé aogea ɓonjánja, nanga áɓá nkɔɓɛ, káɓi nkɔɓɛ, Mɔkɔta amphendande ka ɓeana na ɓonjánja nde ɗági.

Ɓakɔlɔsái 3:11

Kaɓondɔ, ɓesu ɓɔbu ɓe ye tɔ kimoci kaɓɛ: Ɓayúda na ɓunde ɓáná Ɓayúda, ɓagu-ganja na ɓawó, ɓakɛni, ɓasɔngɔɗa, ɓakɔɓɛ na ɓunde ɓáká ɓakɔɓɛ. Kiísito aámbé ande bui ka ɓakpa ɓɔbu.

2 Timɔtɛ́ɔ 3:8

Ɓakpa ndɔ ɓá ɓea Yánɛ na Yambúlɛ, ɓunde ɗáɓápúi kala na Mósa. Nga, ɓakpa ndɔ ɓáyé phɔtɔ nyɔngɔ á koɗoni bui, úbapha nɛɓɔ aújúkani, ɓeekea nɛɓɔ nna na kantíti.

Mphaniɔ 11:18

Ɓato á k'ékuna bui ɗáɓáɓɛí, oɓɛ ǒphangisi gǎkɛ esúia nɛkɔ. A ye tɔ mbenɔ ka tena nyɔngɔ á ɓasí, ɓakpa nde ɓaku ɓâ gǎkɛ oɓá na ɓukpɛkpɛ. Óphenda ɓakpa nɛkɔ á kanga ɓojeɗe, kimɔci na ɓaɔtu-nyɔngɔ nɛkɔ ɓunde ɗáɓákɔbɛɗaneigi phɔtɔ, óphendɛ ɓakpa ɓɔbu, ɓunde ɗáɓáɔkɔɔ́ka, nanga ɓagbɛga na ɓaniki, ande mbenɔ á kɔndɔkisa ɓunde ɓátúkatúki mokonda.

Mphaniɔ 15:2

Nê phɔtɔ ɔɔna kema ɓea oɓenge n'aɔbɛnya ɓea kiyɔa n'adaɗokeani na nsa. Nɛ́ɔ̌ɓɔna ɓundɔ ɗáɓánkíndí nyama, iii akɛ na mɔɔmba á ina akɛ n'amame gǔ á oɓenge á kiyɔa na ɓábɛɗi ɓaphíí ndea Mokonga.

Mphaniɔ 19:18

Ɓóegɛ kesuku á ɓaamɛ, ɓakɔta á ɓato émani na ɓato émani, nnde á ɓa phalási na ɓunde ɗáɓáokambeaga gǔ aɓɔ, nnde á nkpa buakɛ nkɔɓɛ, mmbé nna nkɔɓɛ, miki na ngbɛga.»

Mphaniɔ 19:20

Ɓɔ, ɓâ gǎkɛ ondunga nyama ndɔ kimoci na mɔtu-nyɔngɔ á mbɛa mmbé ɗátɔtɔkisi ketangaɔ mosá akɛ, ka dema á ɓundɔ ɗáɓátú na mphangiɔ á nyama na ɗáɓáogbúka muanku aɓo mosá á tɔnkɛngɛ akɛ. Nyama, na mɔtu-nyɔngɔ á mbɛa, ɓáǒmaka suɓi á ɛɛmbɛ á nsa na ɓáoenda.

Mphaniɔ 19:5

Ɛsɔ áotóka ka kankaanga á koɓoamɛ, áogea: «Mbebani Mokonga nɛsu, ɓenu ɓabɛɗanigi nɛkɛ ɓɔbu, ɓenu íɓunde ɓoomɓánga, ɓato á koomba na ɓato á jǎi-jǎi.»

Mphaniɔ 20:12

nɛ́ɔ̌ɓɔna ɓasí, ɓagbɛga na ɓaniki na ɓámamege mosá á kankaanga á kɔkɔta. Ɓuku á enda áoúkukana base. Ɓáotena nyɔngɔ á ɓasí ka ɓeana na nnde ɗáɓági ɓíndɔ ɗáɓáɗundu suɓi á ɓuku á enda.

Mphaniɔ 20:4

Mpɔ nɛ́ɔɔna kankaanga á kɔkɔta. Ɓunde ɗáɓáoikiɗia ú, ɗáɓátɔi kɔkɔta á tena á nyɔngɔ. Nê phɔtɔ ɔɔna měma á ɓunde ɗáɓáeteni ka nyɔngɔ nde Yéso ɗáengekisi na Mbino-Ánjá ndea Mokonga. Ɓɔ, ɗáɓákágbúki muanku aɓɔ mosá á nyama kaɓɛ tɔnkɛngɛ akɛ. Ɗáɓákábisi phɔtɔ mphangiɔ á nyama ndɔ k'éndóndó kaɓɛ ka njaga aɓɔ. Ɓɔ, ɓáunge ɗáɓájujúki ka kukuwa, ɓáomamea nji kimoci na Kiísito suɓi á ɓasaga ɛlɛphu moci (1.000).

Mphaniɔ 6:15

Ɓaamɛ á ka mokonda, ɓakɔta, ɓakɔta á ɓato émani, ɓatɔi, ɓato á ɓukpɛkpɛ, na ɓakpa ɓɔbu, ɓakɔɓɛ, na ɓunde ɓáná ɓakɔɓɛ, ɓáɔ̌sɔmɛana suɓi á kubu á okanga na sɔsɔɓɛ á okanga á mamba-mamba.

Mphaniɔ 7:3

Áǒngoɗea te: «Ɓókotúkatúkɛmbɛ mokonda, n'oɓenge, na ɓame, na ka ɓî ɓɛɓɛtande mutúti k'éndóndó á ɓabɛɗanigi ndea Mokonga nɛsu.»