Mphaniɔ 13:15 - Ɔngana á Kɛ̌kɛ

¹⁵ Mpɔ nyama angbóngbó ndɔ ɓa ko ɓaɓɛ, ɓáomopha kɔkɔta á ophia mpophɛ akɛ suɓi á tɔnkɛngɛ á nyama ndɔ ɓa k'ama mosá-mosá ka gea te, áyɔngɛ na kusisa á ɓunde ɗáɓákáombeba.

Mphaniɔ 13:15 Iomraidhean Croise

Yakɔ́ɓɔ 2:26

Nga, ɓî nyama kángá ɛ́phɛu aku ye tɔ, ɓeekea kángá ékuma aku phɔtɔ.

Mphaniɔ 13:1

Mpɔ, Nɛɔmɔna Nyama n'ajúani k'óɓenge. Ɗátú na ndeka nkama (10) na mɔ̌ ngianjaga iɓɛ (7). Kekombó ɗáɛmbi tɔ ndeka akɛ bui. Gǔ á mɔ̌ ndɔ bui, ɓáoɗunduaga ina á bóma á Mokonga.

Mphaniɔ 13:12

Ɗábɛɗaneigi kɔkɔta bui á nyama ndɔ ɓa k'ama mosá-mosá akɛ. Áǒsosea ɓakpa ɓɔbu á ka mokonda na kema bui gea te, ɓámbebɛ nyama ndɔ ɓa k'ama mosá-mosá, mmbé ɗátú n'aphɛphɔa ka mɔ̌ akɛ nnde ɗátúogea ákuwɛ ně.

Mphaniɔ 13:14

Ka nyɔngɔ á ketangaɔ ángbó nnde ɗáɓámophi ka tɔtɔkisa í k'íso á nyama ndɔ ɓa k'ama mosá-mosá, áǒdema ɓato á ka mokonda gea, ɓáɓɔngisiɛgɛ tɔnkɛngɛ ka ɗokomisa á nyama ndɔ ɗáote na píndí na áoama.

Mphaniɔ 14:11

Maki á nsa á tambisaga aɓɔ, aojuana ka saga na saga. Ɓunde ɓáombeba nyama na tɔnkɛngɛ akɛ na nkpa buakɛ mmbé ana mphangiɔ á ina akɛ ɓákáɓɛku na múmbiɔ kaɓɛ sɔmani kaɓɛ kǐpha.

Mphaniɔ 14:9

Malaéka ndea Mokonga ɓa ko ɓasaɔ, áǒɓea ɓundɔ ɓaɓɛ á k'ama mosá-mosá, áɔyɔnga k'ɛ́sɔ akpɛ te: «Nkpa buakɛ mmbé aogbúka muanku mosá á nyama na tɔnkɛngɛ nɛkɛ n'ana mphangiɔ k'éndóndó na ka njaga akɛ,

Mphaniɔ 16:2

Malaéka ndea Mokonga ɓa k'ama mosá-mosá áoga oɗukia nɛkɛ cǎ ésúia ndea Mokonga ka mokonda. Mpɔ, embóɗo áǒguia ɓakpa ɓunde ɗáɓátú na mphangiɔ á nyama ndɔ na beba tɔnkɛngɛ akɛ.

Mphaniɔ 16:5

Nɛ́ɔmɔ́ka malaéka, mmbé ana kɔkɔta gǔ á iɓo n'aɔyɔnga gea: «Onde nto á koɗoni na nto á kanga ɓojeɗe ɓî oɓei na ɓî ɗótú, nga ɔ̌ɔnisi nteni-nyɔngɔ kángá oɓayɔ.

Mphaniɔ 17:14

Ɓɔ, ɓámanande na Muna-Mɔgɔgɔ. Muna-Mɔgɔgɔ aékíndande ka nyɔngɔ nde ande Mɔkɔta ndea ɓakɔta na Moamɛ ndea ɓaamɛ. Akíndande kimoci na ɓunde ɗáɛɓɔphani, ɗáesombi na ɓunde ɓámɓeeki.»

Mphaniɔ 17:17

Nga, Mokonga ɗáeɓophi měma á tɔtɔkisa á mɔphɛ nɛkɛ kimoci na bisa á kɔkɔta nɛɓɔ ka bɛɗaneaga á nyama na ka ɓî nyɔngɔ ndea Mokonga atɔtɔkɛanande.

Mphaniɔ 17:6

Nɛ́ɔɔna gea, magia á ɓato á kanga ɓojeɗe n'índɔ á ɓunde ɗáɓátú ɓaɗigimisi ndea Yéso ambɛɗi. Ɓî nɛmɔni nke ndɔ, néoyayama phɛɛ.

Mphaniɔ 18:20

Cɔ, koba, ɓá na maseye ka gua á ntanga-nji ndɔɔ. Ɓáni phɔtɔ na maseye, ɓato á kanga ɓojeɗe, ɓateki na ɓaɔtu-nyɔngɔ ndea Mokonga. Nga, Mokonga ɗáteni nyɔngɔ nɛkɛ ka ɓeana na ɓojeɗe nde ɗági ka phɔanu.

Mphaniɔ 18:24

Ɓáɔɔna mɔtɛ-akɔ, magia á ɓaɔtu-nyɔngɔ ndea Mokonga, ɓato á kanga ɓojeɗe na á ɓɔbu ɓunde ɗáɓáemowe ka mokonda.

Mphaniɔ 19:20

Ɓɔ, ɓâ gǎkɛ ondunga nyama ndɔ kimoci na mɔtu-nyɔngɔ á mbɛa mmbé ɗátɔtɔkisi ketangaɔ mosá akɛ, ka dema á ɓundɔ ɗáɓátú na mphangiɔ á nyama na ɗáɓáogbúka muanku aɓo mosá á tɔnkɛngɛ akɛ. Nyama, na mɔtu-nyɔngɔ á mbɛa, ɓáǒmaka suɓi á ɛɛmbɛ á nsa na ɓáoenda.

Mphaniɔ 20:4

Mpɔ nɛ́ɔɔna kankaanga á kɔkɔta. Ɓunde ɗáɓáoikiɗia ú, ɗáɓátɔi kɔkɔta á tena á nyɔngɔ. Nê phɔtɔ ɔɔna měma á ɓunde ɗáɓáeteni ka nyɔngɔ nde Yéso ɗáengekisi na Mbino-Ánjá ndea Mokonga. Ɓɔ, ɗáɓákágbúki muanku aɓɔ mosá á nyama kaɓɛ tɔnkɛngɛ akɛ. Ɗáɓákábisi phɔtɔ mphangiɔ á nyama ndɔ k'éndóndó kaɓɛ ka njaga aɓɔ. Ɓɔ, ɓáunge ɗáɓájujúki ka kukuwa, ɓáomamea nji kimoci na Kiísito suɓi á ɓasaga ɛlɛphu moci (1.000).