Mphaniɔ 13:14 - Ɔngana á Kɛ̌kɛ

¹⁴ Ka nyɔngɔ á ketangaɔ ángbó nnde ɗáɓámophi ka tɔtɔkisa í k'íso á nyama ndɔ ɓa k'ama mosá-mosá, áǒdema ɓato á ka mokonda gea, ɓáɓɔngisiɛgɛ tɔnkɛngɛ ka ɗokomisa á nyama ndɔ ɗáote na píndí na áoama.

Mphaniɔ 13:14 Iomraidhean Croise

2 Ɓatɛsalɔníka 2:4

Yɛ sasakɛ aoyá kema bui nde ɓakpa ɓáobeba na ɗokomisa í ɓea ɓamokonga á mbɛa. Áɔtɔngana suɓi éndu ndea Mokonga, áǒgea sasakɛ ande Mokonga.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 13:1

Mpɔ, Nɛɔmɔna Nyama n'ajúani k'óɓenge. Ɗátú na ndeka nkama (10) na mɔ̌ ngianjaga iɓɛ (7). Kekombó ɗáɛmbi tɔ ndeka akɛ bui. Gǔ á mɔ̌ ndɔ bui, ɓáoɗunduaga ina á bóma á Mokonga.

Mphaniɔ 13:15

Mpɔ nyama angbóngbó ndɔ ɓa ko ɓaɓɛ, ɓáomopha kɔkɔta á ophia mpophɛ akɛ suɓi á tɔnkɛngɛ á nyama ndɔ ɓa k'ama mosá-mosá ka gea te, áyɔngɛ na kusisa á ɓunde ɗáɓákáombeba.

Mphaniɔ 13:8

Cɔ, ɓato á ka mokonda ɓɔbu ɓámbebande nyama ndɔ, ɓɔbu ɓunde ɗáɓákáɗundu ina aɓɔ kpanga nkpangeɔ á Mokonda suɓi á ɓuku á enda á Muna-mɔgɔgɔ mmbé ɗáɓánteni.

Mphaniɔ 14:11

Maki á nsa á tambisaga aɓɔ, aojuana ka saga na saga. Ɓunde ɓáombeba nyama na tɔnkɛngɛ akɛ na nkpa buakɛ mmbé ana mphangiɔ á ina akɛ ɓákáɓɛku na múmbiɔ kaɓɛ sɔmani kaɓɛ kǐpha.

Mphaniɔ 14:9

Malaéka ndea Mokonga ɓa ko ɓasaɔ, áǒɓea ɓundɔ ɓaɓɛ á k'ama mosá-mosá, áɔyɔnga k'ɛ́sɔ akpɛ te: «Nkpa buakɛ mmbé aogbúka muanku mosá á nyama na tɔnkɛngɛ nɛkɛ n'ana mphangiɔ k'éndóndó na ka njaga akɛ,

Mphaniɔ 15:2

Nê phɔtɔ ɔɔna kema ɓea oɓenge n'aɔbɛnya ɓea kiyɔa n'adaɗokeani na nsa. Nɛ́ɔ̌ɓɔna ɓundɔ ɗáɓánkíndí nyama, iii akɛ na mɔɔmba á ina akɛ n'amame gǔ á oɓenge á kiyɔa na ɓábɛɗi ɓaphíí ndea Mokonga.

Mphaniɔ 16:13

Mpɔ, nɛ́ɔ̌ɓɔna ɓansombo ɓasaɔ ɓájeɗe ɓea ɓamɔsɔ na ɓáotóka k'aphenɔkɔ á njɔka angbóngbó, á nyama na á mɔtu-nyɔngɔ á mbɛa.

Mphaniɔ 16:2

Malaéka ndea Mokonga ɓa k'ama mosá-mosá áoga oɗukia nɛkɛ cǎ ésúia ndea Mokonga ka mokonda. Mpɔ, embóɗo áǒguia ɓakpa ɓunde ɗáɓátú na mphangiɔ á nyama ndɔ na beba tɔnkɛngɛ akɛ.

Mphaniɔ 18:23

Owanga á ɔbɛa kabɛnyɛeka ye mɔtɛ-akɔ. Ɓákáɔ́kɛeka ye mɔtɛ-akɔ, ɛsɔ á mǒko éyamani na mpakai nɛkɛ nga, ɓasombisigi nɛkɔ ɗáɓáombi ka mokonda phɛɛ. Ka nyɔngɔ á ɓiji-ɓiji nɛkɔ, ɗǒdemi ɓato á ka mokonda bui.»

Mphaniɔ 19:20

Ɓɔ, ɓâ gǎkɛ ondunga nyama ndɔ kimoci na mɔtu-nyɔngɔ á mbɛa mmbé ɗátɔtɔkisi ketangaɔ mosá akɛ, ka dema á ɓundɔ ɗáɓátú na mphangiɔ á nyama na ɗáɓáogbúka muanku aɓo mosá á tɔnkɛngɛ akɛ. Nyama, na mɔtu-nyɔngɔ á mbɛa, ɓáǒmaka suɓi á ɛɛmbɛ á nsa na ɓáoenda.

Mphaniɔ 2:10

Cɔ, koɓangɛmbɛ gǎkɛ tambaga nde akodondande. Ka nyɔngɔ nde, Nketi aemakeande ɓakpa ɓuangbo sɔsɔɓɛ anu ka mekakɔ ka tombaga anu. Akondi engekisa á ɓukpɛkpɛ á ɓeekea nɛnu. Otambagande gǎkɛ ɓ'esa nkama (10). Cɔ, ɓá tɔ mɓêki á ɗoni na ɓî ogande okuwa, na eme, nɛkɔkɔmande na kekombó á enda á mɛyɔ.

Mphaniɔ 20:10

Mpɔ, nketi mmbé ɗáedemigi, ɓáommaka k'ɛɛmbɛ á nsa kuɓî ɗáɓáemaki nyama na mɔtu-nyɔngɔ á mbɛa. Ɓátambagande kó keiphe n'esa nkongopha na nkongopha.

Mphaniɔ 3:10

Cɔ, ka nyɔngɔ nde ɗoambi ɓɔphɛi nɛmɔ á ɓá na phiphia á tambaga, eme phɔtɔ, nekoambande ka mbenɔ á tambaga nde abikaeka ka mokonda bui, ka tombaga á ɓakpa á ka mokonda.