Mphaniɔ 13:1 - Ɔngana á Kɛ̌kɛ

¹ Mpɔ, Nɛɔmɔna Nyama n'ajúani k'óɓenge. Ɗátú na ndeka nkama (10) na mɔ̌ ngianjaga iɓɛ (7). Kekombó ɗáɛmbi tɔ ndeka akɛ bui. Gǔ á mɔ̌ ndɔ bui, ɓáoɗunduaga ina á bóma á Mokonga.

Mphaniɔ 13:1 Iomraidhean Croise

Mphaniɔ 11:7

Cɔ, ɓá ye gǎkɛ ɔgɔɓa ɗigimisa á nyɔngɔ nɛɓɔ, nyama atáiande ka mininga, amanande na ɓɔ, aekíndande na aemowande.

Mphaniɔ 12:3

Mpɔ, mphangiɔ nɛngbo áɔsɛnɛka na koba: Njɔka angbóngbó ánjɛ n'ana mɔ̌ ngianjaga iɓɛ (7) na ndeka nkama (10). Mɔ̌ ngianjaga iɓɛ (7) ndɔ bui ɗátú na kekombó moci-moci.

Mphaniɔ 13:11

Mpɔ, Nɛ́ɔmɔna nyama ɓaangbo n'aojuana ka oɗo. Yɛ n'ana ndeka iɓɛ, ndeka kau n'akengeani n'índe á muna-mɔgɔgɔ. Ɗátúɔyɔnga ɓea njɔka angbóngbó.

Mphaniɔ 13:14

Ka nyɔngɔ á ketangaɔ ángbó nnde ɗáɓámophi ka tɔtɔkisa í k'íso á nyama ndɔ ɓa k'ama mosá-mosá, áǒdema ɓato á ka mokonda gea, ɓáɓɔngisiɛgɛ tɔnkɛngɛ ka ɗokomisa á nyama ndɔ ɗáote na píndí na áoama.

Mphaniɔ 13:15

Mpɔ nyama angbóngbó ndɔ ɓa ko ɓaɓɛ, ɓáomopha kɔkɔta á ophia mpophɛ akɛ suɓi á tɔnkɛngɛ á nyama ndɔ ɓa k'ama mosá-mosá ka gea te, áyɔngɛ na kusisa á ɓunde ɗáɓákáombeba.

Mphaniɔ 15:2

Nê phɔtɔ ɔɔna kema ɓea oɓenge n'aɔbɛnya ɓea kiyɔa n'adaɗokeani na nsa. Nɛ́ɔ̌ɓɔna ɓundɔ ɗáɓánkíndí nyama, iii akɛ na mɔɔmba á ina akɛ n'amame gǔ á oɓenge á kiyɔa na ɓábɛɗi ɓaphíí ndea Mokonga.

Mphaniɔ 16:13

Mpɔ, nɛ́ɔ̌ɓɔna ɓansombo ɓasaɔ ɓájeɗe ɓea ɓamɔsɔ na ɓáotóka k'aphenɔkɔ á njɔka angbóngbó, á nyama na á mɔtu-nyɔngɔ á mbɛa.

Mphaniɔ 17:16

Ndeka nkama (10) ndɔ ɔɔnima na nyama, ɓánkangeande nke ndɔ mambɔ ámpháki, ɓáomuta nkumba nɛkɛ bui, ɓáonɗeketa ndumbu. Ɓâ phɔtɔ oea kesuku akɛ, na makea due í ka nsa.

Mphaniɔ 17:3

Malaéka ndea Mokonga ndɔ, ɗámokumbi ka Měma á Mokonga, áomoga ně ka nkanda. Nɛ́ɔmɔna nke n'aiki gǔ á nyama ánjɛ na ɓáɗundu gǔ akɛ nyɔngɔ á bóma á Mokonga. Nyama ndɔ ɗátú na mɔ̌ ngianjaga iɓɛ (7) na ndeka nkama (10).

Mphaniɔ 17:5

Ka keongi akɛ, ɗáɓáɗundu nyɔngɔ á ɓɔsɔmɛa ɓe: «Mokongo á Babɛ́li, ama-ɓato á mambɔ na ɓosoɛ á ka mokonda.»

Mphaniɔ 19:19

Mpɔ, Nɛɔmɔna nyama, ɓaamɛ á ka mokonda n'ekombo á ɓato émani nɛɓɔ na ɓádondanigi ka manisa á mmbɔ ɗákǎmbi gǔ á phalási na ekombo á ɓato émani nɛkɛ.