Mphaniɔ 12:9 - Ɔngana á Kɛ̌kɛ

⁹ Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 12:9 Iomraidhean Croise

Matáyɔ 13:39

Mɓiɓia mmbé akoni ɔphɔ ájeɗe, ande nketi. Ɗúngú ande sungiaga á mokonda. Ɓato á ɗungu ɓánde ɓamalaéka.

Matáyɔ 24:24

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Matáyɔ 25:41

Mpɔ ěgeande ɓundɔ ɓá ka njaga akɛ á nkei: ‹Tókani bíbí ani! Ɓánɔsɛmɛigi. Gǎni k'ɛɛmbɛ á nsa mɛyɔ nnde ɗáɓáɓɔngisigi ka nketi na ɓamalaéka nɛkɛ.

Matáyɔ 4:1

Mbusa á ɓatisa á Yéso, Měma á kanga ɓojeɗe áonsɔndɔɛa ka nkanda, ka gea nketi ántombɛgɛ.

Matáyɔ 4:10

Mpɔ Yéso áongea: «Tóka wa, Sɛtáni! Ɓáɗundu suɓi á Ɓuku á Mokonga ɓe: ‹Onɗokomisande Mɔkɔta, Mokonga nɛkɔ na yɛ sasakɛ tɔndɔ aámbé ombebande.›»

Matáyɔ 4:5

Mbusa, nketi áonga ně na Yɛusalɛ́ma, nji á kanga ɓojeɗe. Áombisa Yéso ka ntɔndɔ á endu á Mokonga,

Matáyɔ 4:8

Mbusa, nketi â goto onga na Yéso ka ntɔnga á mamba éndǎ. Kó, áɔmɔnisa koɓoamɛ bui á ka mokonda na ɓoombia í.

Lóka 10:18

Mpɔ, Yéso áǒgea: «Ɗɛ́mɔni Sɛtáni n'agú ka toka na koba ɓea phenua á mbua.

Lóka 13:16

Cɔ, nke nde ande mosuko ndea Abalaámu, Sɛtáni ɗángbúki ka ɓasaga nkama na ngianjaga isaɔ (18), kátókeni amisa á nke ndɔ k'ésa á saɓáto?»

Lóka 22:3

Ɓî Sɛtáni angí ka měma á Yúda mmbɔ ɓáɔmɔphana Isikaliɔ́ta, mmbé ɗátú ka ɓagoigi nkama na ɓaɓɛ (12),

Lóka 22:31

Yéso áɔyɔnga gea: «Simɔ́ni, Simɔ́ni, Sɛtáni anɔmɛmi gea, ánɔpɛcɛ sumbia ɓî ɓámɔ̂ɔpɛca mbó ka ungɔ.

Lóka 8:12

Ɓakpa ɓuangbo ɓá ɓea mbó ndɔ ɗágu k'aphe. Ɓáɔɔ́ka Nyɔngɔ á Mokonga. Nketi â gǎkɛ otókisa ka měma aɓɔ, ka gea ɓákáɓeekeɛ na ama ka měma.

Yoáni 12:31

Kɛ̌kɛnde unge Mokonga atenande nyɔngɔ á ka mokonda. Kɛ̌kɛnde, amɓeagande phɔtɔ moamɛ á ka mokonda ndee.

Yoáni 14:30

Kéyɔngɛku ye ásii na ɓenu nga, moamɛ á ka mokonda abiki. Nna tanda na kɔkɔta gǔ ani,

Yoáni 16:11

Aěengekisiande ɓato á ka mokonda tena á nyɔngɔ, ka nyɔngɔ nde, ɓá ye teni nyɔngɔ ndea moamɛ á ka mokonda ndee.

Yoáni 8:44

Ɓonde ɓana-nketi, ɓo phɔtɔ okaɓa tɔtɔkisa á mɔphɛ á abanu. Ande nto á kaiso kpanga ka nkpangeɔ, nnaomama ka nyɔngɔ nde ande á ɗoni nga, ɗoni nna suɓi akɛ. Mbenɔ nde aɔyɔnga mbɛa, nndɔ a tɔ ebigɔ nɛkɛ ka nyɔngɔ nde yɛ, ande nto á mbɛa n'ande phɔtɔ Aba-mbɛa.

Ekuma á ɓateki 26:18

Neoteki ka gea ókoɗɛ iso aɓɔ, ka tokisa aɓɔ ka keiphe, ka gea ɓáephaiɛ nci á owanga, phɔtɔ ɓátokɛ kusi á kɔkɔta ndea Sɛtáni, ɓáɓɛ ndiu ɓato á Mokonga. Ka nyɔngɔ nde ɓámoɓeeki, mpɔ Mokonga aímande ɓojeɗe nɛɓɔ, ɓátɔande ɓotukɔ nde Mokonga abisi ka ɓakpa nɛkɛ.›»

Ekuma á ɓateki 5:3

Pɛ́tɛɛ â gǎkɛ ongoɗea te: «Ananía caa! Eke nde Sɛtáni, angí ně ka měma akɔ, na dema á Měma á kanga ɓojeɗe ɓende? Nga, ɔsɔ̌mi phaeka á imɔna nde ɔtɔí ka ciko ndɔɔ.

Ɓalɔ́ma 16:18

Nga, ɓakpa ɓea ɓundɔ, ɓánáombɛɗaneaga Mɔkɔta nɛsu Kiísito, ɓá ndiu tɔ ɔbɛɗaneaga sɔphɔ aɓɔ! Goto, ɓáǒdema ɓakpa jǎi-jǎi ka ɓɔnga aɓɔ na yɔnga ékondisaga nde ɓáɔɓɔngisiaga.

Ɓalɔ́ma 16:20

Mokonga mɛna-ɓujɛjɛ ankpɔtande Sɛtáni kɛ̌kɛnde kusi á ecinji anu. Ambe ɓonjánja-ékondi ndea Mɔkɔta Yéso Kiísito áɓɛ kimoci na ɓenu!

2 Ɓakɔlítɔ 11:14

Kema ndɔ nna á tangaaga í nga, Sɛtáni aǒgaia sasakɛ ka gea te, ande malaéka nde aojuanisa owanga.

2 Ɓakɔlítɔ 11:3

Ne gǎkɛ oɓánga gea, ɓákanódemɛgɛmbɛ, ka ɗeketisa anu kanisia anu na ɓeekea nɛnu á ɗoni, ɓíndɔ Nketi ɗángí suɓi á njɔka, áondemaga Áwa na maibe nɛkɛ.

2 Ɓakɔlítɔ 12:7

Mokonga ɗámɔɓɛti na kenkumbɔ ka gea te, kěbebɛ mɔnɔ sasani, ka nyɔngɔ á mphaniɔ ángbó ndɔɔ. Kenkumbɔ ndɔ ɗátú ɓea mphaniɔ ndea nteki nde ɓa Sɛtáni nnde ɗámɔɓɛti ka imisiani ɓá na ɓemboko phɛɛ.

2 Ɓakɔlítɔ 2:11

Negi ɓondɔ ka gea, Sɛtáni kasódemɛgɛmbɛ, nga ɓeoúba kanisia akɛ.

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

Ɓaɛphɛ́sɔ 4:14

Kaɓondɔ, ɓékéɓɛku ye ɓea ɓaniki ɓunde sumbu na kɛtɛmbɔ á ɓɔphɛi ɗanga-ɗanga á ɓato á mbɛa aǒɓotea na maibe ka ɓojeɗe.

2 Ɓatɛsalɔníka 2:3

Ka nkpa kanódemɛ mɔnɔ k'aphe bubui. Ka nyɔngɔ nde mosá á esa ndɔ, ɓakpa ɓásii ɓán'yande Mokonga, na Nto á otúkɔtúkɔ áɔsɛnɛka, mmbé sungiaga akɛ ande ɓúngaga.

1 Timɔtɛ́ɔ 2:14

Nna Adámu aámbé ɗáedemisi, nke ndiu aámbé ɗáedemisi, mbusa í, áotingiaga ɛɔphi ndea Mokonga.

2 Timɔtɛ́ɔ 3:13

Ɓato á ɓojeɗe na ɓademigi, ɓángiande ka ɓojeɗe phɛɛ, ɓáǒdema ɓakpa, ɓakpa ɓâ phɔtɔ ǒdema ɓó.

Ɓaɛbulanía 2:14

Cɔ, ɓî ɓaniki ndɔ ɓɔbu ɓásambí magia na kesuku, yɛ Yéso â phɔtɔ okengeana na ɓɔ, ka gea te, ka nyɔngɔ á kukuwa akɛ aunge agɔɓi ɓukpɛkpɛ á Nketi mmbé ɗá na kɔkɔta gǔ á kukuwa.

1 Pɛ́tɛɛ 5:8

Kóɗani iso, ɓókoyengiɛmbɛ! Mɓiɓia nɛnu nketi aotimba ɓea simba n'aɔgɔuma ka kaɓa ani mmbé aongoa.

1 Yoáni 5:19

Ɓeoúba gea, ɓende ɓana-Mokonga, mokonda bui a gǎkɛ kusi á kɔkɔta ndea Nto-ajeɗe.

Yúda 1:9

Nanga Mikaɛ́li áɓá mɔkɔta á ɓamalaéka, ɗákági gǎkɛ ɓó. Ɓî ɗáɓáopúa na nketi na sanea mǒnda á Mósa, Mikaɛ́li ɗákáteni gǎkɛ nyɔngɔ na bóma á nketi. Ɗángi ndiu nketi gea: «Ambe Mɔkɔta áophekeɛgɛ.»

Mphaniɔ 12:12

Kaɓondɔ, maseye áɓɛ na koba, ɓáni n'iyoma ɓunde ɓoiki na koba. Ande gǎkɛ ngomi ka mokonda n'oɓenge! Ka nyɔngɔ nde, Sɛtáni adidi ko. Yɛ, atúmi n'esúia nga, aúbi gea, mbenɔ nɛkɛ nna ye ásii.»

Mphaniɔ 12:3

Mpɔ, mphangiɔ nɛngbo áɔsɛnɛka na koba: Njɔka angbóngbó ánjɛ n'ana mɔ̌ ngianjaga iɓɛ (7) na ndeka nkama (10). Mɔ̌ ngianjaga iɓɛ (7) ndɔ bui ɗátú na kekombó moci-moci.

Mphaniɔ 12:7

Cɔ, mpɔ etu áogua na koba. Malaéka ndea Mokonga Mikaɛ́lɛ na ɓamalaéka nɛkɛ, ɓáommanisa njɔka angbóngbó ndɔɔ. Njɔka kayɛ kimoci na ɓamalaéka nɛkɛ, â phɔtɔ omana na ɓɔ.

Mphaniɔ 12:8

Njɔka angbóngbó ndɔ ɗákákíndi gǎkɛ. Yɛ, kimoci na ɓamalaéka nɛkɛ, ɓákátɔɛ ye k'ɔ́ma na koba.

Mphaniɔ 13:14

Ka nyɔngɔ á ketangaɔ ángbó nnde ɗáɓámophi ka tɔtɔkisa í k'íso á nyama ndɔ ɓa k'ama mosá-mosá, áǒdema ɓato á ka mokonda gea, ɓáɓɔngisiɛgɛ tɔnkɛngɛ ka ɗokomisa á nyama ndɔ ɗáote na píndí na áoama.

Mphaniɔ 16:14

Ɓansombo ɓáunge ɓáɔtɔtɔkisa ketangaɔ. Ɓáoga mɔtɛ á ɓaamɛ á ka mokonda bui ka dondanisa aɓɔ ka nyɔngɔ á mana etu ángbó ndea Mokonga, Mɛna-ɓukpɛkpɛ.

Mphaniɔ 18:2

Áoúmba nkogɔ: «Abambongo-mbongo á Babɛli agú áosikia gúá. A ye tɔ ɔma á ɓoiki ndea ɓaketi ɓɔbu na ɓansombo. Ande phɔtɔ ɔma á ɓambǔ ɓɔbu á jɔɔkana na inyɛ́.

Mphaniɔ 18:23

Owanga á ɔbɛa kabɛnyɛeka ye mɔtɛ-akɔ. Ɓákáɔ́kɛeka ye mɔtɛ-akɔ, ɛsɔ á mǒko éyamani na mpakai nɛkɛ nga, ɓasombisigi nɛkɔ ɗáɓáombi ka mokonda phɛɛ. Ka nyɔngɔ á ɓiji-ɓiji nɛkɔ, ɗǒdemi ɓato á ka mokonda bui.»

Mphaniɔ 19:20

Ɓɔ, ɓâ gǎkɛ ondunga nyama ndɔ kimoci na mɔtu-nyɔngɔ á mbɛa mmbé ɗátɔtɔkisi ketangaɔ mosá akɛ, ka dema á ɓundɔ ɗáɓátú na mphangiɔ á nyama na ɗáɓáogbúka muanku aɓo mosá á tɔnkɛngɛ akɛ. Nyama, na mɔtu-nyɔngɔ á mbɛa, ɓáǒmaka suɓi á ɛɛmbɛ á nsa na ɓáoenda.

Mphaniɔ 2:13

Neoúba ɔma nde oiki. Wa unge ande kankaanga á koɓoamɛ ndea Sɛtáni. Nanga a ɓó, otétemisi tɔ ɓeekea ani kángá á ngana á ɓeekea ndɔ. Oɓɛ, kóɗeketi ɓeekea ani mbenɔ nde ɗáɓámowe Antípa, nɗigimisi nɛmɔ á ɗoni mɔtɛ-anu, ɔma nde Sɛtáni aiki.

Mphaniɔ 2:24

Cɔ, ka ɓenu ɓato á ka kanisa á ka Tuatɛ́a, ɓunde ɓókótóɓeeki ɓɔphɛi ndea nke ndɔ Yɛjɛbɛ́li, na ɓókóoúba kema nde ɓakpa ndɔ ɓáɔɔphana ‹kema á ɓɔsɔmɛa ndea Sɛtáni›, nenóngoɗi gea, kénokumbisɛku nkumba nɛngbo.

Mphaniɔ 2:9

Neoúba tambaga na ɓuyɛnɛ nɛkɔ, o gǎkɛ ntɔi! Ne phɔtɔ oúba kitɔngi á mbɛa nde ɓunde ɓáǒgea sasaɓɔ ɓánde Ɓayúda na ɓáná Ɓayúda ɓáɔkɔtɔnga. Ɓatɔngi ndɔ, ɓá ndiu madondanɔ á ɓakpa nde ɓamɓeeki Sɛtáni.

Mphaniɔ 20:10

Mpɔ, nketi mmbé ɗáedemigi, ɓáommaka k'ɛɛmbɛ á nsa kuɓî ɗáɓáemaki nyama na mɔtu-nyɔngɔ á mbɛa. Ɓátambagande kó keiphe n'esa nkongopha na nkongopha.

Mphaniɔ 20:8

Yɛ, agande k'aphe á tombaga ɓakpa ɓunde ɓá nkɛkɛɔ gena á mokonda ande gea te: Gogi na Magogi. Aedondanisagande ɓakpa ndɔ ka nyɔngɔ émani na ɓáɓikande ɓea mbúme á k'óɓenge.

Mphaniɔ 3:9

Cɔ, nekophande ɓato á k'endu á madondanɔ ndea Sɛtáni. Ɓɔ, ɓáɔyɔnga sasaɓɔ mbɛa te, ɓánde Ɓayúda na ɓáná gǎkɛ Ɓayúda. Něsoseande ɓábikɛ gbukɛ muanku aɓɔ mosá akɔ ka ɗokomisa akɔ na ɓáúbande gea, eme nekokondi.

Mphaniɔ 9:1

Mbusa, malaéka ɓa ko ɓɔku, áosúa mbengu. Nɛ́ɔɔna sɛɛngɔa moci n'atóki na koba, áogua ka mokonda. Ɗáɓámophi yɛ phembekete á etia á mininga.

Mphaniɔ 9:20

Cɔ, ɓakpa nde ɗáɓákáku ka nyɔngɔ á tambaga ndɔ, ɗáɓákáɗeketi gǎkɛ ɗokomisa á ɓansombo, na ɗokomisa á ɓamokonga á mbɛa nnde ɓáɓɔngisigi ɓɔ sasaɓɔ na láté, ngɔa, nsoɓe, ɛtɛ, na me, nnde nnaɔɔnapha, nnaɔɔ́kapha, nnaotamba.