Mphaniɔ 12:7 - Ɔngana á Kɛ̌kɛ

⁷ Cɔ, mpɔ etu áogua na koba. Malaéka ndea Mokonga Mikaɛ́lɛ na ɓamalaéka nɛkɛ, ɓáommanisa njɔka angbóngbó ndɔɔ. Njɔka kayɛ kimoci na ɓamalaéka nɛkɛ, â phɔtɔ omana na ɓɔ.

Mphaniɔ 12:7 Iomraidhean Croise

Matáyɔ 13:41

Muna-Nkpa aetekande ɓamalaéka nɛkɛ, ɓáǒdondanisaga ɓakpa ɓɔbu ɓundɔ ɓáǒdemaga ɓadaɓɔ na ɓundɔ ɓáogea ájeɗe ɓáǒɓeaga ka koɓoamɛ nɛkɛ.

Matáyɔ 16:27

Cɔ, Muna-Nkpa, abikande ka ɓophombia ndea Abɛ, kimoci na ɓamalaéka nɛkɛ. Mpɔ, amphendande nkpa na nkpa ka ɓeana na tambea akɛ.

Matáyɔ 24:31

Ɛsɔ á mbengu ángbó aɔ́kɛkanande, n'aetekande ɓamalaéka nci gena á ka mokonda: Ɓáedondanisande ɓundɔ Mokonga ɗáɛsɔmbu ka mokonda bui.

Matáyɔ 25:41

Mpɔ ěgeande ɓundɔ ɓá ka njaga akɛ á nkei: ‹Tókani bíbí ani! Ɓánɔsɛmɛigi. Gǎni k'ɛɛmbɛ á nsa mɛyɔ nnde ɗáɓáɓɔngisigi ka nketi na ɓamalaéka nɛkɛ.

Matáyɔ 26:53

Kóoúba gea te, netókeni ɔphana á Abɛ, ámotekisiɛ mɔngɔ ímoci ekombo émani á ɓamalaéka kɔnyɛ́nya nkama moci na iɓɛ (12)?

2 Ɓakɔlítɔ 12:7

Mokonga ɗámɔɓɛti na kenkumbɔ ka gea te, kěbebɛ mɔnɔ sasani, ka nyɔngɔ á mphaniɔ ángbó ndɔɔ. Kenkumbɔ ndɔ ɗátú ɓea mphaniɔ ndea nteki nde ɓa Sɛtáni nnde ɗámɔɓɛti ka imisiani ɓá na ɓemboko phɛɛ.

Ɓaɛphɛ́sɔ 6:12

Nga, ɓesu ɓékéomana na ɓakpa, ɓe ndiu omana na měma nde ɓáɔɔphana ɓakɔta á n'ego na oɗo. Ɓɔ, ɓá gǎkɛ tɔ ɓakɔta á mokonda á kaiphiɔ. Ɓeomana na ɓansombo ɓunde ɓáotamba ɔma bui ɓea maphopho.

2 Ɓatɛsalɔníka 1:7

Cɔ, ɓenu íɓunde ɓootambaga, Mokonga anóphande muumbiɔ kimoci na ɓesu mbenɔ nde Mɔkɔta Yéso asɛnɛkande. Atókande na koba, kimoci na ɓamalaéka nɛkɛ ɓunde ɓána ɓukpɛkpɛ.

Ɓaɛbulanía 2:10

Mokonga ɗáconji kema bui ka phɔakɛ na k'aphe nɛkɛ. Ɗági ɓó ka ɓǒtea á ɓaniki ɓásii ka ɓoombia nɛkɛ. Ka tɔtɔkisa nndɔ, ɗákeni ámɓɔngisɛgɛ Yéso ánjá phɛɛ k'aphe á tambaga akɛ ka gea te, yɛ aámbé ábómɛ aphe á ɓoamia á ka měma.

2 Pɛ́tɛɛ 2:4

Cɔ, Mokonga ɗákáekui ɓamalaéka nde ɗáɓági ɓojeɗe ngomi. Ɗáeɓóege ndiu na ngoi á ngɔa na makea aɓɔ ka kaiphiɔ, ɔma nde ɓáoɓondeaga tena á nyɔngɔ nɛɓɔ.

Yúda 1:9

Nanga Mikaɛ́li áɓá mɔkɔta á ɓamalaéka, ɗákági gǎkɛ ɓó. Ɓî ɗáɓáopúa na nketi na sanea mǒnda á Mósa, Mikaɛ́li ɗákáteni gǎkɛ nyɔngɔ na bóma á nketi. Ɗángi ndiu nketi gea: «Ambe Mɔkɔta áophekeɛgɛ.»

Mphaniɔ 12:8

Njɔka angbóngbó ndɔ ɗákákíndi gǎkɛ. Yɛ, kimoci na ɓamalaéka nɛkɛ, ɓákátɔɛ ye k'ɔ́ma na koba.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 13:7

Ɗáɓánsosei nyama ndɔ gea te, áemanisɛ ɓato á Mokonga na kínda aɓɔ. Áɔtɔa ɓukpɛkpɛ gǔ ékuna bui, ɓakpa ɓɔbu, etéte á ɛyɔngi bui na nji bui á ka mokonda.

Mphaniɔ 20:2

Áondunga njɔka angbóngbó, njɔka á kala n'ande nketi ímbɔ Sɛtáni, áomɓóaga ka ɓasaga ɛlɛphu moci (1.000).