Mphaniɔ 12:4 - Ɔngana á Kɛ̌kɛ

⁴ Moci ka isaɔ á ɓasɛɛngɔa, nkondo á njɔka angbóngbó ndɔ, áoɓota, áomaka ú ka mokonda. Yɛ, áomama mosá á nke á ɓoaé ka ɓondea miá á mɔɛmba mbenɔ nde aɓɔkɔtɛanande.

Mphaniɔ 12:4 Iomraidhean Croise

Yoáni 8:44

Ɓonde ɓana-nketi, ɓo phɔtɔ okaɓa tɔtɔkisa á mɔphɛ á abanu. Ande nto á kaiso kpanga ka nkpangeɔ, nnaomama ka nyɔngɔ nde ande á ɗoni nga, ɗoni nna suɓi akɛ. Mbenɔ nde aɔyɔnga mbɛa, nndɔ a tɔ ebigɔ nɛkɛ ka nyɔngɔ nde yɛ, ande nto á mbɛa n'ande phɔtɔ Aba-mbɛa.

1 Pɛ́tɛɛ 5:8

Kóɗani iso, ɓókoyengiɛmbɛ! Mɓiɓia nɛnu nketi aotimba ɓea simba n'aɔgɔuma ka kaɓa ani mmbé aongoa.

Mphaniɔ 12:7

Cɔ, mpɔ etu áogua na koba. Malaéka ndea Mokonga Mikaɛ́lɛ na ɓamalaéka nɛkɛ, ɓáommanisa njɔka angbóngbó ndɔɔ. Njɔka kayɛ kimoci na ɓamalaéka nɛkɛ, â phɔtɔ omana na ɓɔ.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 13:2

Nyama kayɛ ɗátú tɔ ɓea mabianga. Ecinji akɛ â gǎkɛ oɓá ɓ'índe á dubu. Aphenɔkɔ akɛ áoɓá ɓ'índe á simba. Njɔka angbóngbó áomopha nyama ndɔ ɓukpɛkpɛ, kɔkɔta ángbó na kankaanga nɛkɛ á koɓoamɛ.

Mphaniɔ 13:4

Kaɓondɔ, ɓakpa ɓɔbu ɓáombeba njɔka angbóngbó ka nyɔngɔ á opha á nyama kɔkɔta nɛkɛ. Ɓâ phɔtɔ ombeba nyama na gea: «Ani mmbé akengeani phɔ́ na nyama ndee? Ani mmbé aɔtɔka n'ammanisi ee?»

Mphaniɔ 16:13

Mpɔ, nɛ́ɔ̌ɓɔna ɓansombo ɓasaɔ ɓájeɗe ɓea ɓamɔsɔ na ɓáotóka k'aphenɔkɔ á njɔka angbóngbó, á nyama na á mɔtu-nyɔngɔ á mbɛa.

Mphaniɔ 17:18

Na nke ndɔ ɔmɔnima, ande ntanga-nji ángbó nde ana ɓukpɛkpɛ gǔ á ɓaamɛ á ka mokonda.»

Mphaniɔ 20:2

Áondunga njɔka angbóngbó, njɔka á kala n'ande nketi ímbɔ Sɛtáni, áomɓóaga ka ɓasaga ɛlɛphu moci (1.000).

Mphaniɔ 8:10

Malaéka ndea Mokonga ɓa ko ɓasaɔ áosúa mbengu. Sɛɛngɔa angbóngbó n'aǒtoɓoaga ɓea ɛɛmbɛ á nsa, áogua n'atóki na koba. Áogua ka phaeka isaɔ á ɔɓa na ntogɔ.

Mphaniɔ 8:11

(Ina á sɛɛngɔa ndɔ, ande Jiála). Phaeka isaɔ á iɓo áoɓá ájia, ɓakpa ɓásii ɓunde ɗáɓánú iɓo ndɔ, ɓáokuwa ka nyɔngɔ á jiála í.

Mphaniɔ 8:12

Malaéka ndea Mokonga ɓa ko gena áosúa mbengu. Phaeka moci ka isaɔ á maní, songe na ɓasɛɛngɔa, áǒjujia. Phaeka moci ka isaɔ á maní, na sɛɛngɔa áǒjujia. Phaeka moci ka isaɔ ka owanga ésa na keiphe â phɔtɔ ǒjujia.

Mphaniɔ 8:7

Malaéka ndea Mokonga ɓa k'ama mosá-mosá áosúa mbengu. Mpɔ, mbua á matanda á nsa, nnde adaɗokeani na magia, ɓáomaka ka mokonda. Phaeka moci á isaɔ á mokonda áɔɛkɛkanaga, phaeka moci á isaɔ á ɓame áɔɛkɛkanaga, na kasa bui á dɛka â phɔtɔ ɔɛkɛkanaga.

Mphaniɔ 8:8

Malaéka ndea Mokonga ɓa ko ɓaɓɛ áosúa mbengu. Kema ɓea mamba ángbó á nsa n'aǒtoɓoaga, ɓáomaka k'óɓenge. Phaeka moci á isaɔ á iɓo áogaikana magia.

Mphaniɔ 8:9

Phaeka moci á econji nnde aoenda suɓi á iɓo áokuwa, na phaeka isaɔ á koko áoújukana.

Mphaniɔ 9:10

Ɓáoɓá na nkondo ɓea ɓankoto, ka toa á ɓakpa ka ɓasonge ɓɔku.

Mphaniɔ 9:19

Nga, ɓukpɛkpɛ á ɓamponda ɗáotóka k'aphenɔkɔ aɓɔ na ka nkondo aɓɔ. Nkondo aɓɔ akengeani na mɔ̌ á ɓanjɔka, ɓunde ɓáǒtambisaga ɓakpa.