Mphaniɔ 12:12 - Ɔngana á Kɛ̌kɛ

¹² Kaɓondɔ, maseye áɓɛ na koba, ɓáni n'iyoma ɓunde ɓoiki na koba. Ande gǎkɛ ngomi ka mokonda n'oɓenge! Ka nyɔngɔ nde, Sɛtáni adidi ko. Yɛ, atúmi n'esúia nga, aúbi gea, mbenɔ nɛkɛ nna ye ásii.»

Mphaniɔ 12:12 Iomraidhean Croise

Lóka 15:10

Nenógie, ɓondɔ unge ɓamalaéka ndea Mokonga ɓáguande jaí ka nyɔngɔ á nto á ɓojeɗe moci n'akěti tambea akɛ.»

Lóka 2:14

Ɓoombia ka Mokonga, mmbé á na koba ee! Ɓujɛjɛ ka ɓakpa nɛkɛ, ɓundɔ ěkondi ee!

Ɓaɛbulanía 10:37

Ɓáɗundu suɓi á Ɓuku á Mokonga ɓe: «Ajigi mbenɔ ábɔa phɛɛ ka gea mmbé aobika, abika tɔ, káiphiɛku.

2 Pɛ́tɛɛ 3:8

Ɓenu gǎkɛ ɓadani ékondi, ana kema moci nnde kákeni ɓóɓoseɛ nyɔngɔ ndee: K'íso á Mɔkɔta, esa moci a ɓea saga ɛlɛphu moci (1.000). Saga ɛlɛphu moci (1.000), a ɓea esa moci.

Mphaniɔ 10:6

Áɔɔpha k'ína á Mokonga mmbé aoenda mɛyɔ, mmbé aconji koba na kema bui nde ana koba, mmbé aconji mokonda na kema bui nde a ka mokonda, mmbé aconji oɓenge na kema bui nde asuɓi í, na kema nde a suɓi í bui. Malaéka ndea Mokonga ndɔ áɔyɔnga gea: «Mbenɔ nna ye ɓei.

Mphaniɔ 11:10

Ɓato á ka mokonda ɓáɓande ndiu na maseye na gúa á jaí ka nyɔngɔ á kukuwa aɓɔ. Ɓato á ka mokonda ɓátekisianagande ɛkɔmi, ka nyɔngɔ nde, ɓaɔtu-nyɔngɔ ndea Mokonga ɓaɓɛ ndɔ, ɗáɓětambisigi ɓato á ka mokonda.

Mphaniɔ 11:14

Cɔ, tambaga á ko iɓɛ anyɛ́nyi. Nnde á ko isaɔ a ye tɔ bíbí á bika.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 13:6

Nyama ndɔ, áoikia yɔnga á nyɔngɔ ájeɗe-jeɗe ka phɔa Mokonga, áobóma ina akɛ n'ɔma á ɓoiki nɛkɛ na bóma á ɓɔbu ɓunde ɓáiki na koba.

Mphaniɔ 18:20

Cɔ, koba, ɓá na maseye ka gua á ntanga-nji ndɔɔ. Ɓáni phɔtɔ na maseye, ɓato á kanga ɓojeɗe, ɓateki na ɓaɔtu-nyɔngɔ ndea Mokonga. Nga, Mokonga ɗáteni nyɔngɔ nɛkɛ ka ɓeana na ɓojeɗe nde ɗági ka phɔanu.

Mphaniɔ 8:13

Nê goto ɔɔna na ɔ́ka ndu á yaa á ndia ka mpɛna phɛɛ, n'aɔyɔnga akpɛ te: «Ngomi ee! Ngomi ee! Ka ɓato á ka mokonda! Ngomi ka ɓɔ mbenɔ nde ɓamalaéka ndea Mokonga ɓunɛngbo ɓasaɔ ɓágeande ɓásuɛ mbengu nɛɓɔ.»

Mphaniɔ 9:12

Cɔ, nyɔngɔ á ngomi á k'ama mosá-mosá, anyɛ́nyi, mbusa í, iɓɛ abikande goto.