Mphaniɔ 12:11 - Ɔngana á Kɛ̌kɛ

¹¹ Kaɓɛ ɓana-amasu ɓátónkíndí ande ka ɓukpɛkpɛ á magia á Muna-mɔgɔgɔ na ka nyɔngɔ índe ɗáɓáɗigimisi. Ɗáɓákáuníí enda aɓɔ, ɗáɓátú bíbí á kukuwa.

Mphaniɔ 12:11 Iomraidhean Croise

Lóka 14:26

«Nkpa nde aobika mɔtɛ-amɔ akeni ámokondɛ phɛɛ kɔnyɛ́nya abakɛ, amakɛ, nkakɛ, ɓ'anakɛ, ɓana-amakɛ na ɓáwákɛ. Ámokondɛ phɔtɔ phɛɛ kɔnyɛ́nya enda akɛ sasakɛ. Aoɓá na kágǐ ɓó, nkpa ndɔ kátɔkɛku ɓá ngoigi nɛmɔ.

Yoáni 16:33

Netónongoɗi nndɔ bui ka gea, ɓóɓɛ na ɓujɛjɛ ka jukana anu n'eme. Ɓotambagande ka mokonda. Cɔ, ɓáni gǎkɛ na nténdé, ne ye kíndí mokonda.»

Ekuma á ɓateki 20:24

Enda ani nna gǎkɛ na kantíti. Kema nde ana kantíti k'éme ande gea, négɔɓɛɛ ánjá tamba na tɔtɔkisa ekuma nde Mɔkɔta Yéso ɗámopi gea, nɛ́phɛɛ base Mbino-Ánjá á ɓonjánja-ékondi ndea Mokonga.

Ekuma á ɓateki 21:13

Pɔ́lɔ â gǎkɛ ososikisia te: «Eke nde ɓoogámea na dɔɓɔkisa á měma ani ně ɓende? Kéɓeeki tɔ ɓóaga ani, neɓeeki phɔtɔ gǎ kuwa na Yɛusalɛ́ma ka nyɔngɔ á Mɔkɔta Yéso.»

Ɓalɔ́ma 16:20

Mokonga mɛna-ɓujɛjɛ ankpɔtande Sɛtáni kɛ̌kɛnde kusi á ecinji anu. Ambe ɓonjánja-ékondi ndea Mɔkɔta Yéso Kiísito áɓɛ kimoci na ɓenu!

1 Ɓakɔlítɔ 15:57

Cɔ, ɓosegi ka Mokonga nga, asóphi ɓukpɛkpɛ á tɔka á kukuwa k'ína á Mɔkɔta nɛsu Yéso Kiísito.

1 Yoáni 4:4

Ɓaniki amɔ, ɓana-Mokonga, ɓǒkíndí ye tɔ ɓaɔtu-nyɔngɔ á mbɛa ndɔ, ka nyɔngɔ nde Měma nde a suɓi anu, anyɛ́nyi nnde á ka mokonda.

1 Yoáni 5:5

Ani mmbé ande nkíndi mokonda? A tɔndɔ nkpa nde aɓeeki gea Yéso ande Muna-Mokonga.

Mphaniɔ 1:2

Yoáni ɗáɗigimisi nyɔngɔ ndɔ ɓe: «Kema bui nde ɗɛ́ɔni ande Nyɔngɔ á Mokonga n'ande ɗoni gea, Yéso Kiísito aámbé aɗigimisi ú.»

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.

Mphaniɔ 11:7

Cɔ, ɓá ye gǎkɛ ɔgɔɓa ɗigimisa á nyɔngɔ nɛɓɔ, nyama atáiande ka mininga, amanande na ɓɔ, aekíndande na aemowande.

Mphaniɔ 12:17

Njɔka ndɔ, áɔmɓɛɛa nke ndɔ phɛɛ. Áoga ǒmanisa ɓana-nke ndɔ ɓuangbo. Ɓaniki ndɔ ɓáunge ɓáoamba ɛɔphi ndea Mokonga na ɓeá á ɓɔphɛi ndea Yéso.

Mphaniɔ 19:10

Mpɔ, néogua k'écinji akɛ ka beba akɛ. Â gǎkɛ omongoɗea te: «Kógeɛmbɛ ɓondɔ nga, ne tɔ ka ɓenu ɓabɛɗanigi ande gea te, oɓɛ na ɓana-amakɔ ɓunde ɓáɗigimisi nyɔngɔ á ɗoni ndea Yéso. Mokonga aámbé oɓande ombeba nga, nyɔngɔ nde Yéso aoɗigimisa, ande cina á měma á ɔtɔa á nyɔngɔ.»

Mphaniɔ 2:13

Neoúba ɔma nde oiki. Wa unge ande kankaanga á koɓoamɛ ndea Sɛtáni. Nanga a ɓó, otétemisi tɔ ɓeekea ani kángá á ngana á ɓeekea ndɔ. Oɓɛ, kóɗeketi ɓeekea ani mbenɔ nde ɗáɓámowe Antípa, nɗigimisi nɛmɔ á ɗoni mɔtɛ-anu, ɔma nde Sɛtáni aiki.

Mphaniɔ 2:17

Cɔ, mmbé ana kecue, áɔ́kɛ nyɔngɔ nde Měma á Mokonga angoɗi kanisa bui! Mmbé akíndande, nemophande mana nde ɗɛ́sɔmi. Nemophande phɔtɔ ɛtɛ ábu, na neɗundu ina á kɛ̌kɛ gǔ í, nnde nkpa ɓaangbo nnaoúba na nna tɔndɔ mmbé ɓámophi ú.

Mphaniɔ 2:26

Nkpa nde atɔkande tambaga ndɔ, na tambea ɓíndɔ nekondi, ka sungiaga nemophande kɔkɔta gǔ á ekuna bui.

Mphaniɔ 2:7

Cɔ, mmbé ana kecue, áɔ́kɛ nyɔngɔ nde Měma á Mokonga angoɗi kanisa bui. Mmbé akíndande, nensoseande gea, áeɛ mbuka á me á enda, nnde a ka Paadísɔ ndea Mokonga.

Mphaniɔ 20:4

Mpɔ nɛ́ɔɔna kankaanga á kɔkɔta. Ɓunde ɗáɓáoikiɗia ú, ɗáɓátɔi kɔkɔta á tena á nyɔngɔ. Nê phɔtɔ ɔɔna měma á ɓunde ɗáɓáeteni ka nyɔngɔ nde Yéso ɗáengekisi na Mbino-Ánjá ndea Mokonga. Ɓɔ, ɗáɓákágbúki muanku aɓɔ mosá á nyama kaɓɛ tɔnkɛngɛ akɛ. Ɗáɓákábisi phɔtɔ mphangiɔ á nyama ndɔ k'éndóndó kaɓɛ ka njaga aɓɔ. Ɓɔ, ɓáunge ɗáɓájujúki ka kukuwa, ɓáomamea nji kimoci na Kiísito suɓi á ɓasaga ɛlɛphu moci (1.000).

Mphaniɔ 3:12

Mmbé akíndande, nembisande ka ngeɔ suɓi éndu ndea Mokonga nɛmɔ na kájuanɛeka ye tanda. Neɗunduande ina á Mokonga nɛmɔ na ina á ntanga-nji ndea Mokonga nɛmɔ gǔ akɛ. Ina á ntanga-nji ndɔ ande Yɛusalɛ́ma á kɛ̌kɛ, nnde adidi ka toka na koba mɔtɛ á Mokonga nɛmɔ. Neɗunduande phɔtɔ ina ani á kɛ̌kɛ gǔ akɛ.

Mphaniɔ 3:21

Mmbé akíndande, neɓeekeande áikɛ kimoci n'eme ka kankaanga á koɓoamɛ nɛmɔ, ɓíndɔ eme ɗékíndi, néoika kimoci n'Abɛ ka kankaanga á koɓoamɛ nɛkɛ.

Mphaniɔ 3:5

Mmbé akíndande, ɓámɔ́lisande bɔngɔ-ábu. Kéímɛku tanda ina akɛ ka ɓuku á enda. Neɓeekeande mosá á Abɛ na ɓamalaéka ndea Mokonga nɛkɛ gea, ande nkpa nɛmɔ.

Mphaniɔ 6:9

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko ɓɔku, nɛ́ɔɔna kusi ɛ́tɛ-ɔ́phɛ́ɔ, měma á ɓakpa nde ɗáɓětenigi ka nyɔngɔ á tɔ̌miaga á Nyɔngɔ á Mokonga, na ka nyɔngɔ á ɗigimisa nde ɓakpa ɗáɓáoɗigimisa ka phɔakɛ.