Mphaniɔ 11:8 - Ɔngana á Kɛ̌kɛ

⁸ Mǒnda aɓɔ ajigagande ka ntanga á ntanga-nji ángbó nnde ɓáɔɔphana Sɔdɔ́ma na Mísii, nji nde ɗáɓánkɔkɛigi Mɔkɔta nɛɓɔ ka moyangɔ.

Mphaniɔ 11:8 Iomraidhean Croise

Matáyɔ 10:15

Nenóngoɗi ɗoni te, tena á nyɔngɔ á nji ndɔ, anyɛ́nyande nnde á Sɔdɔ́ma na Gɔmɔ́la.»

Ekuma á ɓateki 9:4

Saúlɔ áogua ka oɗo gbu! Áɔɔ́ka ɛsɔ n'aongea: «Saúlɔ, Saúlɔ, ka nyɔngɔ éke nde oomotambisaga kau?»

Ɓaɛbulanía 13:12

Ka nyɔngɔ índɔ unge Yéso ɗáku phɔtɔ ka ngba á ntanga-nji, ka gea te, ásokoseɛ měma á ɓakpa na magia akɛ sasakɛ.

Ɓaɛbulanía 6:6

ɓakpa ndɔ ɓákátɔkɛku ye goto ɓákětiɛ tambea aɓɔ mɔngɔ á ko iɓɛ nga, ɓánkɔkɛigi goto Muna-Mokonga gǔ á moyangɔ na ophá á ɓakpa ɓunɛngbo aphe á bóma akɛ.

2 Pɛ́tɛɛ 2:6

Mokonga ɗáteni phɔtɔ akpɛ nyɔngɔ á ntanga-nji á ka Sɔdɔ́ma na Gɔmɔ́la, áoɛkɛkisaga ú na nsa, áoɓá ebǔ. Nndɔ áoɓá mphangiɔ ka ɓunde ɓánáomɓánga Mokonga.

Yúda 1:7

Kanisiani phɔtɔ nyɔngɔ á Sodóma, Gɔmɔ́la na ntanga-nji á bîbíbí. Nyɔngɔ á iɛɓɛ á ɓato á ka ntanga-nji ndɔ ɗátú phɔtɔ ájeɗe ɓea ɓamalaéka ndɔɔ. Ɗáɓáogea iɛɓɛ nnde atingani n'índe á kokpa. Ɓɔ, ɓáotambaga ka nsa á mɛyɔ. Ɓánde mphangiɔ ka ɓakpa ɓɔbu.

Mphaniɔ 11:13

Ka mbenɔ ndɔ tɔ, ɓaningina akpɛ, áoɗengisa nji ndɔɔ. Phaeka á ko iɓɛ á ntanga-nji áɔngbɔɔkanaga, ɓakpa ɛlɛphu ngianjaga iɓɛ (7.000) ɓáosia ka nyɔngɔ á ɓaningina ndɔɔ. Ɓakpa nde ɓájigi, ɓáoɓá na kɔɓɔɓɔkɔ phɛɛ, ɓáonɗokomisa Mokonga, mmbé ana koba.

Mphaniɔ 11:9

Cɔ, ɓakpa ɓɔbu, ɓato á k'ekuna bui, ɛyɔngi bui, na ɓato á ka nji bui, ɓáɔnjiande mǒnda aɓɔ ka esa isaɔ na gbútuka. Ɓákakondɛ úmba á mǒnda aɓɔ.

Mphaniɔ 14:20

Ɓáokáma mbuka ka kasangɔ ndɔ, mbamba na ntanga-nji, magia áojuana kau, áoyoka ɓ'iɓo, ɓondanda í áoɓá ɓea kilɔmɛtɛɛ mia isaɔ (300), Dǔmana í áoɓá ɓea mɛ́tɛɛ moci na gbútuka.

Mphaniɔ 14:8

Mpɔ malaéka ɓa ko ɓaɓɛ áomɓea mbusa, áogea: «Nji ángbó nde ɓáɔɔphana Babilɔ́ni agú, áosikia gúá! Ɗáenusi ɓato á ka mokonda bui makana á káe, á mambɔ nɛkɛ.»

Mphaniɔ 16:19

Ntanga-nji ángbó áogabekana ka phaeka isaɔ na ntanga-nji bui á ka nji áɔngbɔɔkana. Mokonga ɗákanisi Babɛ́li ángbó. Áonsosea noa makana ésúia ángbó á ka cǎ nɛkɛ.

Mphaniɔ 17:1

Mpɔ ka ɓamalaéka ndea Mokonga ngianjaga iɓɛ (7) ɓundɔ ɗáɓábɛɗi cǎ ngianjaga iɓɛ (7), moci áobika omongoɗea te: «Bika, nekophangiande ɓî ɓátenande nyɔngɔ á nke nde mambɔ ampháki mmbé aiki sɔsɔɓɛ á ɓaniki á iɓo.

Mphaniɔ 17:18

Na nke ndɔ ɔmɔnima, ande ntanga-nji ángbó nde ana ɓukpɛkpɛ gǔ á ɓaamɛ á ka mokonda.»

Mphaniɔ 17:5

Ka keongi akɛ, ɗáɓáɗundu nyɔngɔ á ɓɔsɔmɛa ɓe: «Mokongo á Babɛ́li, ama-ɓato á mambɔ na ɓosoɛ á ka mokonda.»

Mphaniɔ 18:10

Ɓámamande ɗanga ka ɓánga tambaga akɛ. Ɓáɔyɔnga: «Ngomi ee! Ngomi á mokongo á ntanga-nji Babilɔ́ni, ntanga-nji akpɛ. Ka mbenɔ moci tɔ unge ɓáteni nyɔngɔ nɛkɔ kau.»

Mphaniɔ 18:18

Ɓáoúmba nkogɔ ɓî ɓáɔni maki á gogokana á ntanga-nji ndɔɔ. Ɓáɔyɔnga te: «Nna na ntanga-nji nde angboti ɓínde.»

Mphaniɔ 18:2

Áoúmba nkogɔ: «Abambongo-mbongo á Babɛli agú áosikia gúá. A ye tɔ ɔma á ɓoiki ndea ɓaketi ɓɔbu na ɓansombo. Ande phɔtɔ ɔma á ɓambǔ ɓɔbu á jɔɔkana na inyɛ́.

Mphaniɔ 18:21

Mpɔ, malaéka akpɛkpɛ ndea Mokonga áɔbɛɗa moimba n'aɓea nnde ɓáogogea, áomaka ú k'óɓenge ɗǔ! Áɔyɔnga te: «Ɓondɔ unge ɓámakande mokongo á Babilɔ́ni k'akpɛ na káɔnɛkanɛeka ye.

Mphaniɔ 18:24

Ɓáɔɔna mɔtɛ-akɔ, magia á ɓaɔtu-nyɔngɔ ndea Mokonga, ɓato á kanga ɓojeɗe na á ɓɔbu ɓunde ɗáɓáemowe ka mokonda.