Mphaniɔ 11:7 - Ɔngana á Kɛ̌kɛ

⁷ Cɔ, ɓá ye gǎkɛ ɔgɔɓa ɗigimisa á nyɔngɔ nɛɓɔ, nyama atáiande ka mininga, amanande na ɓɔ, aekíndande na aemowande.

Mphaniɔ 11:7 Iomraidhean Croise

Lóka 13:32

Yéso áǒsikisia te: «Gǎni ɓóngoɗeɛ kɛnsɛngɛ ndɔ ɓe: Néǒɓeaga ɓansombo na amisa á ɓato á esambɔ kesande na mama. Esa á ko isaɔ aunge nɛɔgɔɓa ekuma.

Lóka 8:31

Ɓansombo ɓáonɗengemisaga Yéso te: Aoɓá n'osóɓǐgi, kǒsososeɛmbɛ ɓégɛ ka Mininga.

Yoáni 17:4

Ɗéoɗokomisi ka mokonda ka nyɔngɔ nde, ɗɛ́gɔɓi ekuma nde ɗómopi.

Yoáni 19:30

Ɓî Yéso amúmi ye ú, áogea: «Cɔ, así.» Áɔtúmanisaga mɔ̌ akɛ, áɔɗɔɛa.

Ekuma á ɓateki 20:24

Enda ani nna gǎkɛ na kantíti. Kema nde ana kantíti k'éme ande gea, négɔɓɛɛ ánjá tamba na tɔtɔkisa ekuma nde Mɔkɔta Yéso ɗámopi gea, nɛ́phɛɛ base Mbino-Ánjá á ɓonjánja-ékondi ndea Mokonga.

2 Timɔtɛ́ɔ 4:7

Ɗémani emani ánjá, ɗéjú ka sungiaga á njoko á gǎ mbangɔ, ɗéambi ɓeekea nɛmɔ.

Mphaniɔ 11:3

Nětekande ɓaɗigimisi nɛmɔ ɓaɓɛ na ɓáɔ́li ngɔ́mbɛ á kekusa. Ɓáɔtɔande nyɔngɔ á Mokonga ka ɓ'esa ɛlɛphu moci mia iɓɛ na nkama ngianjaga (1.260).»

Mphaniɔ 12:17

Njɔka ndɔ, áɔmɓɛɛa nke ndɔ phɛɛ. Áoga ǒmanisa ɓana-nke ndɔ ɓuangbo. Ɓaniki ndɔ ɓáunge ɓáoamba ɛɔphi ndea Mokonga na ɓeá á ɓɔphɛi ndea Yéso.

Mphaniɔ 13:11

Mpɔ, Nɛ́ɔmɔna nyama ɓaangbo n'aojuana ka oɗo. Yɛ n'ana ndeka iɓɛ, ndeka kau n'akengeani n'índe á muna-mɔgɔgɔ. Ɗátúɔyɔnga ɓea njɔka angbóngbó.

Mphaniɔ 13:7

Ɗáɓánsosei nyama ndɔ gea te, áemanisɛ ɓato á Mokonga na kínda aɓɔ. Áɔtɔa ɓukpɛkpɛ gǔ ékuna bui, ɓakpa ɓɔbu, etéte á ɛyɔngi bui na nji bui á ka mokonda.