Mphaniɔ 11:3 - Ɔngana á Kɛ̌kɛ

³ Nětekande ɓaɗigimisi nɛmɔ ɓaɓɛ na ɓáɔ́li ngɔ́mbɛ á kekusa. Ɓáɔtɔande nyɔngɔ á Mokonga ka ɓ'esa ɛlɛphu moci mia iɓɛ na nkama ngianjaga (1.260).»

Mphaniɔ 11:3 Iomraidhean Croise

Matáyɔ 11:21

«Ngomi ka ɓato á ka Koajíni! Ngomi ka ɓato á ka Bɛtɛsaída! Nga, ɗátúoɓá ketangaɔ ndɔ ɗágeani mɔtɛ-anu, ɗátú ogeana ka Tílɔ na Sidɔ́na, ámbé ɓakpa á ka nji ndɔ ɗáɓáɔ́li ngɔ́mbɛ á kekusa na bisa á ebǔ ka mɔ̌ aɓɔ ka phangia base gea ɓákěti tambea aɓɔ ájeɗe.

Matáyɔ 18:16

Cɔ, a gǎkɛ oɓá na kákɔɔ́ki, mbɛɗa nkpa moci, kaɓɛ ɓakpa ɓaɓɛ, ɓíndɔ Ɓuku á Mokonga ayɔngi gea: ‹Ambe nyɔngɔ bui ɓátenɛ ú k'ɛ́sɔ á ɓaɗigimisi ɓaɓɛ, kaɓɛ ɓasaɔ.›

Lóka 10:13

Yéso ɗági phɔtɔ: «Hoo! Ngomi anu ɓato á ka Koajíni. Hoo! Ngomi anu ɓato á ka Bɛtɛsaída nga, atú oɓá ɓato á ka Tílɔ na Sidɔ́na ɗáɓáɔni ketangaɔ nde ageani mɔtɛ-anu, ámbé ɗáɓáiki k'ebǔ na ɔ́la bɔngɔ á kekusa ka mbenɔ éndǎ.

Lóka 24:48

Ɓenu gǎkɛ ɓonde ɓaɗigimisi á nyɔngɔ ndee.

Yoáni 15:27

Ɓenu phɔtɔ, ɓomoɗigimisande nga, ɗóɓotú kimoci n'eme ka nkpangeɔ.

Yoáni 3:27

Mpɔ, Yoáni áǒsikisia gea te: «Nkpa nnaɔtɔka n'atɔi kema kaɓɛ Mokonga n'akamophi.

Ekuma á ɓateki 1:8

Ɓoɓande ndiu na ɓukpɛkpɛ mbenɔ nde Měma á kanga ɓojeɗe adidande gǔ anu. Ɓoɓande phɔtɔ ɓaɗigimisi á nyɔngɔ nɛmɔ ka Yɛusalɛ́ma, Yudɛ́a bui, Samalía na ka sungiaga á mokonda.»

Ekuma á ɓateki 13:31

Mbusa, Yéso áɔ̌sɛnɛkɛa k'ésa ásii, ɓunde ɗáɓátóki na yɛ na Galiláya ka gǎ na Yɛusalɛ́ma. Kɛ̌kɛnde, ɓɔ ɓáunge ɓánde ɓaɗigimisi akɛ mosá á ɓakpa.

Ekuma á ɓateki 2:32

Yéso ndɔ tɔ aámbé Mokonga ɗánjujúkisi ka kukuwa. Ɓesu ɓɔbu ɓende ɓaɗigimisi á nyɔngɔ ndɔɔ.

Ekuma á ɓateki 3:15

Ɗóɓonkusi Yéso, mɛna-ɓoamia, Mokonga â gǎkɛ onjujukisa sɔsɔɓɛ á ɓasí. Ɓende ɓaɗigimisi á nyɔngɔ ndɔ bui.

1 Ɓakɔlítɔ 12:28

Kaɓondɔ unge, Mokonga aebisi k'ama mosá-mosá ɓateki suɓi á kanisa, mbusa áǒbisa ɓaɔtu-nyɔngɔ ndea Mokonga, mpɔ, ɓagoisigi, mbusa aɓɔ, ɓatɔtɔkisigi-ketangaɔ, ɓaamisigi ɓato á esambɔ, mpɔ, ɓato á enga á ɓakpa ɓunɛngbo, ɓaɗigimisi ekuma, mbusa, ɓato á yɔnga ɛyɔngi nde ɓakpa ɓunɛngbo ɓánáoúba.

2 Ɓakɔlítɔ 13:1

Nnde ande tamba nɛmɔ á ko isaɔ á gǎ mɔtɛ-anu. Ɓáɗundu suɓi á Ɓuku á Mokonga gea: Ka tena nyɔngɔ bui, ambe ɓaɗigimisi ɓáɓɛ ɓei ɓaɓɛ kaɓɛ ɓasaɔ.

Ɓaɛphɛ́sɔ 4:11

Cɔ, yɛ aámbé amophi nkpa na nkpa egabɔ ínɛkɛ. Aebisi ɓuangbo ɓáɓɛ ɓateki, ɓuangbo ɓaɔtu-nyɔngɔ ndea Mokonga, ɓuangbo ɓatɔmigi-Mbino-Ánjá ndea Mokonga, ɓuangbo ɓaámbi-kanisa na ɓagoisigi.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.

Mphaniɔ 11:2

«Cɔ, kɔbɛɗɛmbɛ gǎkɛ ɓondanda á ntanga éndu ndea Mokonga, ka nyɔngɔ nde, kó, ande ɔma á ɓunde ɓáná Ɓayúda. Ɓɔ, ɓáɗɛtɛagande nji á kanga ɓojeɗe ka ɓasonge nkama gena na iɓɛ (42).

Mphaniɔ 11:6

Ɓaɗigimisi ndɔ ɓána kɔkɔta á ɗaka á koba ka gea, mbua kaɔkɛmbɛ ka matú nde ɓáɔɔtɔa nyɔngɔ á Mokonga. Ɓáoɓá phɔtɔ na kɔkɔta á gaía á iɓo ka magia, na kɔkɔta á ɓɛta á mokonda n'etéte á tambaga ásii ka mbenɔ bui nde ɓákondi.

Mphaniɔ 12:6

Nke ndɔ áotea ka nkanda, ɔma nde Mokonga ɗámɓɔngisíígi ka isa akɛ k'ésa Ɛlɛphu moci mia iɓɛ na nkama ngianjaga (1.260).

Mphaniɔ 13:5

Ɓáonsosea nyama ndɔ yɔnga á nyɔngɔ á eɗokoa na bóma á Mokonga. Ɓáomopha kɔkɔta á bɛɗanaga ka ɓasaga ɓasaɔ na gbútuka.

Mphaniɔ 19:10

Mpɔ, néogua k'écinji akɛ ka beba akɛ. Â gǎkɛ omongoɗea te: «Kógeɛmbɛ ɓondɔ nga, ne tɔ ka ɓenu ɓabɛɗanigi ande gea te, oɓɛ na ɓana-amakɔ ɓunde ɓáɗigimisi nyɔngɔ á ɗoni ndea Yéso. Mokonga aámbé oɓande ombeba nga, nyɔngɔ nde Yéso aoɗigimisa, ande cina á měma á ɔtɔa á nyɔngɔ.»

Mphaniɔ 20:4

Mpɔ nɛ́ɔɔna kankaanga á kɔkɔta. Ɓunde ɗáɓáoikiɗia ú, ɗáɓátɔi kɔkɔta á tena á nyɔngɔ. Nê phɔtɔ ɔɔna měma á ɓunde ɗáɓáeteni ka nyɔngɔ nde Yéso ɗáengekisi na Mbino-Ánjá ndea Mokonga. Ɓɔ, ɗáɓákágbúki muanku aɓɔ mosá á nyama kaɓɛ tɔnkɛngɛ akɛ. Ɗáɓákábisi phɔtɔ mphangiɔ á nyama ndɔ k'éndóndó kaɓɛ ka njaga aɓɔ. Ɓɔ, ɓáunge ɗáɓájujúki ka kukuwa, ɓáomamea nji kimoci na Kiísito suɓi á ɓasaga ɛlɛphu moci (1.000).