Mphaniɔ 11:19 - Ɔngana á Kɛ̌kɛ

¹⁹ Mbusa, endu ndea Mokonga áoúkukana na koba, sanduku á iyɔnga áɔsɛnɛka. Mpɔ, phɛnua á mbua, ndu, ɓáoka á mbua, ɓaningina na mbua ángbó á matanda áoɓá ɓei.»

Mphaniɔ 11:19 Iomraidhean Croise

Mphaniɔ 11:13

Ka mbenɔ ndɔ tɔ, ɓaningina akpɛ, áoɗengisa nji ndɔɔ. Phaeka á ko iɓɛ á ntanga-nji áɔngbɔɔkanaga, ɓakpa ɛlɛphu ngianjaga iɓɛ (7.000) ɓáosia ka nyɔngɔ á ɓaningina ndɔɔ. Ɓakpa nde ɓájigi, ɓáoɓá na kɔɓɔɓɔkɔ phɛɛ, ɓáonɗokomisa Mokonga, mmbé ana koba.

Mphaniɔ 11:15

Mpɔ, malaéka ɓa ko ngianjaga iɓɛ (7), áosúa mbengu. Ɛsɔ ángbó áɔɔ́kɛkana n'aotóka na koba gea: «Koɓoamɛ á ka mokonda a ye tɔ ndea Mɔkɔta nɛsu Kiísito na koɓoamɛ nɛkɛ aɓande ka saga na saga!»

Mphaniɔ 12:1

Mphangiɔ ángbó áɔsɛnɛka na koba: Maní n'ankombei nke, songe n'akusi á ecinji akɛ na kekombó á ɓasɛɛngɔa nkama na iɓɛ (12) n'aka mɔ̌ akɛ.

Mphaniɔ 16:1

Mpɔ nɛ́ɔɔ́ka ɛsɔ akpɛ n'atóki k'éndu á Mokonga áǒgea ɓamalaéka ndea Mokonga ngianjaga iɓɛ (7) te: «Gǎni, ɓóɗukiɛ ka mokonda cǎ ngianjaga iɓɛ (7) ésúia ndea Mokonga.»

Mphaniɔ 16:18

Phénua, gbungbua áoɓá, ɓáoka á mbua na ɓaningina akpɛ nde kágeanimbɛ mɔnɔ kpanga ɓî nkpa áɓɛ ka mokonda.

Mphaniɔ 16:21

Matanda á ɗoko-ɗoko ka toka na koba, áǒguia ɓakpa. Ɓɔ, ɓáɔmphɔ́ta Mokonga, ka nyɔngɔ á tambaga na matanda ndɔ. Nga, tambaga ndɔ ɗátú akpɛ phɛɛ.

Mphaniɔ 19:11

Mpɔ, nɛ́ɔɔna koba n'akoɗokani. Phalási abúbú áɔsɛnɛka. Mmbé akǎmbi gǔ akɛ ɓáɔmɔphana Mɓêki na Nto á ɗoni nga, aotena nyɔngɔ na mana ka koɗoni.

Mphaniɔ 4:1

Mbusa índɔ, ɗɛ́ɔni mphaniɔ nɛngbo, kǐo á na koba n'aúkukani. Ɛsɔ nde ɗɛ́ɔ́ki n'aɔyɔnga n'eme mosá, n'akengeani na ɛsɔ á mbengu, áomongoɗea: «Cɔ, ɗapha koni, neophangiande nnde akeni ákiɗianɛ mbusa.»

Mphaniɔ 4:5

Ka kankaanga á koɓoamɛ ndɔ, ɗáojuana phenua, gbungbua, na ɓaoka á mbua. Mosá á kankaanga á koɓoamɛ ndɔ, ɔbɛa ngianjaga iɓɛ (7) á koola ɗáɔbɛnya, n'ande Měma ngianjaga iɓɛ (7) ndea Mokonga.

Mphaniɔ 7:15

Kaɓondɔ unge, Ɓámamege mosá á kankaanga á koɓoamɛ ndea Mokonga. Báɔmbɛɗaneaga keiphe n'esa k'éndu nɛkɛ. Mmbé aiki gǔ á kankaanga á koɓoamɛ ěambande.

Mphaniɔ 8:5

Mpɔ, malaéka áɔbɛɗa mbeka á láté ndɔ, áotúmisa n'eká nde ɗátú k'ɛ́tɛ-ɔ́phɛ́ɔ, áomaka ka mokonda gbu! Mpɔ, ɓáoka á mbua áoɓá, eongo, phenua á mbua, na ɓaningina.

Mphaniɔ 8:7

Malaéka ndea Mokonga ɓa k'ama mosá-mosá áosúa mbengu. Mpɔ, mbua á matanda á nsa, nnde adaɗokeani na magia, ɓáomaka ka mokonda. Phaeka moci á isaɔ á mokonda áɔɛkɛkanaga, phaeka moci á isaɔ á ɓame áɔɛkɛkanaga, na kasa bui á dɛka â phɔtɔ ɔɛkɛkanaga.