Mphaniɔ 11:17 - Ɔngana á Kɛ̌kɛ

¹⁷ «Mɔkɔta Mokonga, Mɛna-ɓukpɛkpɛ, oɓɛ aámbé oɓei na ɗótú ɓei, ɓeosikisíí ɓosegi nga, omesi koɓoamɛ nɛkɔ, ɔbɛɗaneigi ɓukpɛkpɛ nɛkɔ bui!

Mphaniɔ 11:17 Iomraidhean Croise

Matáyɔ 11:25

Ka matú ndɔ, Yéso áɔyɔnga ɓe: «Abɛ, Mɔkɔta á na koba na mokonda, nekobebi phɛɛ nga, kema nde ɔsɔmi ka ɓato á kɔɓɔɔngɛ na ɓaúbaphi, obisi ú base ka ɓaniki ɓábɔbɔa.

Lóka 10:21

Ka mbenɔ ndɔ tɔ, Yéso áotúma na maseye ka ɓukpɛkpɛ á Měma á kanga ɓojeɗe. Áɔmɛma ɓe: «Hoo! Abɛ, Mɔkɔta á ka mokonda na koba, neosikisíí ɓosegi nga, ɔsɔ̌mi moangɔ nɛkɔ ka ɓaúbaphi na ɓato á kɔɓɔɔngɛ, ô ndiu obisa base ka ɓaniki ɓábɔbɔa. Eya, Abɛ! A ɓó nga, ɓondɔ unge ɗókondi.»

Yoáni 11:41

Mpɔ, ɓâ gǎkɛ otiɓa ɛtɛ. Yéso áɔɔnjia na koba, áɔmɛma gea: «Abɛ, neosegi nga, ɔɔmɔɔ́ka.

2 Ɓakɔlítɔ 2:14

Cɔ, ɓémbebɛni Mokonga nga, ka jukanisa asu na Kiísito aunge ɓena ɓukpɛkpɛ á kinda esa bui. Aosóbɛɗaneaga ka ɛmbisa á nyɔngɔ nɛkɛ ka nji bui ɓea su á nkoki nnde aɔɛmba ɔma bui.

2 Ɓakɔlítɔ 9:15

Cɔ, ɓosegi ka Mokonga ka nyɔngɔ á egabɔ nɛkɛ ángbó phɛɛ.

1 Timɔtɛ́ɔ 1:12

Nembebi gǎkɛ Yéso Kiísito Mɔkɔta nɛsu, mmbé ɗámopi ɓukpɛkpɛ á bɛɗanaga ekuma nɛkɛ. Aúbi gea, nekeni bɛɗaneaga akɛ, ka nyɔngɔ índɔ unge, amobisi k'ékuma nɛkɛ.

Mphaniɔ 1:4

Eme Yoáni nenóɗundui ɓenu ɓato á kanisa ngianjaga iɓɛ (7), nnde a ka nji á ka Asía. Ambe Mokonga mmbé aɓei, mmbé ɗátú na mmbé abikande ánóphɛ ɓonjánja-ékondi na ɓujɛjɛ. Ɓonjánja-ékondi na ɓujɛjɛ ndɔ átókɛ phɔtɔ ka měma ngianjaga iɓɛ (7), ɓunde ɓáoika mosá á kankaanga á koɓoamɛ nɛkɛ áɓɛ na ɓenu.

Mphaniɔ 1:8

Mɔkɔta Mokonga Mɛna-ɓukpɛkpɛ bui, mmbé aɓei, mmbé ɗátú ɓei na mmbé aobika agi te: «Nende Alpha na Ɔmɛga.»

Mphaniɔ 11:15

Mpɔ, malaéka ɓa ko ngianjaga iɓɛ (7), áosúa mbengu. Ɛsɔ ángbó áɔɔ́kɛkana n'aotóka na koba gea: «Koɓoamɛ á ka mokonda a ye tɔ ndea Mɔkɔta nɛsu Kiísito na koɓoamɛ nɛkɛ aɓande ka saga na saga!»

Mphaniɔ 15:3

Ɓáoemba embɔ ndea Mósa, mbɛɗanigi ndea Mokonga na á Muna-Mɔgɔgɔ: «Mɔkɔta Mokonga Mɛna-ɓukpɛkpɛ ooo, ekuma nɛkɔ aángbó á ketangaɔ! Moamɛ á nji bui ooo, moangɔ nɛkɔ á koɗoni aánjá.

Mphaniɔ 16:14

Ɓansombo ɓáunge ɓáɔtɔtɔkisa ketangaɔ. Ɓáoga mɔtɛ á ɓaamɛ á ka mokonda bui ka dondanisa aɓɔ ka nyɔngɔ á mana etu ángbó ndea Mokonga, Mɛna-ɓukpɛkpɛ.

Mphaniɔ 16:5

Nɛ́ɔmɔ́ka malaéka, mmbé ana kɔkɔta gǔ á iɓo n'aɔyɔnga gea: «Onde nto á koɗoni na nto á kanga ɓojeɗe ɓî oɓei na ɓî ɗótú, nga ɔ̌ɔnisi nteni-nyɔngɔ kángá oɓayɔ.

Mphaniɔ 16:7

Mpɔ, nɛ́ɔɔ́ka ɛsɔ n'atóki k'ɛ́tɛ-ɔ́phɛ́ɔ áɔyɔnga te: «Eya, Mɔkɔta Mokonga Mɛna-ɓukpɛkpɛ, ootena nyɔngɔ ánjá kángá oɓayɔ.»

Mphaniɔ 18:8

Kaɓondɔ unge atambagande k'ésa moci, áoɓá na kukuwa akpɛ, nja, n'oiɔ. Yɛ, asiɗande ka nyɔngɔ nde, Mɔkɔta Mokonga ana ɓukpɛkpɛ ka tena á nyɔgɔ nɛkɛ.»

Mphaniɔ 19:11

Mpɔ, nɛ́ɔɔna koba n'akoɗokani. Phalási abúbú áɔsɛnɛka. Mmbé akǎmbi gǔ akɛ ɓáɔmɔphana Mɓêki na Nto á ɗoni nga, aotena nyɔngɔ na mana ka koɗoni.

Mphaniɔ 19:6

Mbusa, nɛ́ɔɔ́ka eongo ɓea ɓakpa ɓásii, n'aɔɔya ɓea gɔa, ɓea ɓáoka á mbua. Áogea: «Obebɔ ka Mokonga nɛsu! Nga, Mɔkɔta nɛsu Mokonga, Mɛna-ɓukpɛkpɛ, amamei nji bui.