Mphaniɔ 11:15 - Ɔngana á Kɛ̌kɛ

¹⁵ Mpɔ, malaéka ɓa ko ngianjaga iɓɛ (7), áosúa mbengu. Ɛsɔ ángbó áɔɔ́kɛkana n'aotóka na koba gea: «Koɓoamɛ á ka mokonda a ye tɔ ndea Mɔkɔta nɛsu Kiísito na koɓoamɛ nɛkɛ aɓande ka saga na saga!»

Mphaniɔ 11:15 Iomraidhean Croise

Matáyɔ 24:31

Ɛsɔ á mbengu ángbó aɔ́kɛkanande, n'aetekande ɓamalaéka nci gena á ka mokonda: Ɓáedondanisande ɓundɔ Mokonga ɗáɛsɔmbu ka mokonda bui.

Matáyɔ 6:13

Kosóɗeketɛmbɛ ngia ka tombaga, ósoamisa ndiu na Nketi. [Nga koɓoamɛ, ɓukpɛkpɛ na ɓoombia ande akɔ ka saga na saga. Áɓɛ ɓó.]

Lóka 1:33

Aɓande moamɛ ndea Ɓaisilaɛ́li esa bubui, koɓoamɛ nɛkɛ káɓɛku na sungiaga.»

Lóka 15:10

Nenógie, ɓondɔ unge ɓamalaéka ndea Mokonga ɓáguande jaí ka nyɔngɔ á nto á ɓojeɗe moci n'akěti tambea akɛ.»

Lóka 15:6

áonsikianaga ně mɔtɛ-akɛ. Mpɔ, áɔ̌ɓɔphana ɓadakɛ na ɓamasambé akɛ, áǒgea ɓe: ‹Ɓéguɛni jaí nga, nɛmɔni mɔgɔgɔ nɛmɔ, mmbɔ atóɓungigi.›

Ekuma á ɓateki 4:26

Nga, ɓaamɛ á ka mokonda ɓáɛɓɔngisigi k'émani, ɓakɔta ɓádondanigi ka manisa á Mɔkɔta na Kiísito, mmbé ɗɔ́nsɔmbu.›

Ɓaɛbulanía 1:8

Ka phɔa Miki ndeakɛ, Mokonga áɔyɔnga ndiu gea: «Oo! Mokonga! Kankaanga á koɓoamɛ ndeakɔ aɓande ka saga na saga. Ɔbɛɗanagande na motumbɔ á koɓoamɛ ndeakɔ ka koɗoni.

Mphaniɔ 10:7

Cɔ, esa nde malaéka ɓa ko ngianjaga iɓɛ (7) asúande gǎkɛ mbengu, Mokonga atɔtɔkisande moangɔ nɛkɛ á ɓɔsɔmɛa, ɓíndɔ ɗɛ́tɔ̌mi ɓabɛɗanigi nɛkɛ, ɓaɔtu-nyɔngɔ.»

Mphaniɔ 12:10

Mpɔ, nɛ́ɔɔ́ka ɛsɔ akpɛ n'aotóka na koba, áogea ɓe: «Mpɔ ye tɔ mbenɔ á ɓoamia á ka měma, ɓukpɛkpɛ, koɓoamɛ ndea Mokonga ajú na kɔkɔta á Kiísito nɛkɛ. Nga, ɓámmaki ka mokonda ntɔngi á ɓana-amasu mmbé ɗáɔ̌tɔngaga ɓɔ keiphe n'esa mɔtɛ á Mokonga.

Mphaniɔ 15:4

Mɔkɔta, ani mmbé nnaɔtɔka n'akoɓángi? Ani mmbé nnaɔtɔka n'akobebi? Nga, oɓɛ aámbé o tɔ nto á kanga ɓojeɗe, ɓato á ka mokonda bui ɓábikande ogbúka muanku aɓɔ mosá akɔ nga, ekuma nɛkɔ á koɗoni, aɔnɛkani base.»

Mphaniɔ 16:17

Malaéka ndea Mokonga ɓa ko ngianjaga iɓɛ (7) aoɗukia nɛkɛ cǎ ésúia ndea Mokonga ka mpɛna. Mpɔ, ɛsɔ ángbó áɔɔ́kɛkana k'éndu á Mokonga n'atóki ka kankaanga á kɔkɔta áogea: «Mpɔ así ye tɔ.»

Mphaniɔ 17:14

Ɓɔ, ɓámanande na Muna-Mɔgɔgɔ. Muna-Mɔgɔgɔ aékíndande ka nyɔngɔ nde ande Mɔkɔta ndea ɓakɔta na Moamɛ ndea ɓaamɛ. Akíndande kimoci na ɓunde ɗáɛɓɔphani, ɗáesombi na ɓunde ɓámɓeeki.»

Mphaniɔ 19:1

Mbusa índɔ, nɛ́ɔɔ́ka ógoma ɓea ógoma á ɓakpa ɓásii na koba áogea: «Obebɔ ka Mokonga nɛsu! Yɛ ande mɛna-ɓoamia, ɓophombia na ɓukpɛkpɛ.

Mphaniɔ 19:6

Mbusa, nɛ́ɔɔ́ka eongo ɓea ɓakpa ɓásii, n'aɔɔya ɓea gɔa, ɓea ɓáoka á mbua. Áogea: «Obebɔ ka Mokonga nɛsu! Nga, Mɔkɔta nɛsu Mokonga, Mɛna-ɓukpɛkpɛ, amamei nji bui.

Mphaniɔ 20:4

Mpɔ nɛ́ɔɔna kankaanga á kɔkɔta. Ɓunde ɗáɓáoikiɗia ú, ɗáɓátɔi kɔkɔta á tena á nyɔngɔ. Nê phɔtɔ ɔɔna měma á ɓunde ɗáɓáeteni ka nyɔngɔ nde Yéso ɗáengekisi na Mbino-Ánjá ndea Mokonga. Ɓɔ, ɗáɓákágbúki muanku aɓɔ mosá á nyama kaɓɛ tɔnkɛngɛ akɛ. Ɗáɓákábisi phɔtɔ mphangiɔ á nyama ndɔ k'éndóndó kaɓɛ ka njaga aɓɔ. Ɓɔ, ɓáunge ɗáɓájujúki ka kukuwa, ɓáomamea nji kimoci na Kiísito suɓi á ɓasaga ɛlɛphu moci (1.000).

Mphaniɔ 8:12

Malaéka ndea Mokonga ɓa ko gena áosúa mbengu. Phaeka moci ka isaɔ á maní, songe na ɓasɛɛngɔa, áǒjujia. Phaeka moci ka isaɔ á maní, na sɛɛngɔa áǒjujia. Phaeka moci ka isaɔ ka owanga ésa na keiphe â phɔtɔ ǒjujia.

Mphaniɔ 9:1

Mbusa, malaéka ɓa ko ɓɔku, áosúa mbengu. Nɛ́ɔɔna sɛɛngɔa moci n'atóki na koba, áogua ka mokonda. Ɗáɓámophi yɛ phembekete á etia á mininga.

Mphaniɔ 9:13

Cɔ, malaéka ɓa ko ngianjaga (6), áosúa mbengu. Nɛ́ɔɔ́ka ɛsɔ n'aotóka ka nkɛkɛɔ gena ɛ́tɛ-ɔ́phɛ́ɔ, nde ɓáɓɔngisigi na láté, nnde ɗátú mosá á Mokonga.