Mphaniɔ 10:6 - Ɔngana á Kɛ̌kɛ

⁶ Áɔɔpha k'ína á Mokonga mmbé aoenda mɛyɔ, mmbé aconji koba na kema bui nde ana koba, mmbé aconji mokonda na kema bui nde a ka mokonda, mmbé aconji oɓenge na kema bui nde asuɓi í, na kema nde a suɓi í bui. Malaéka ndea Mokonga ndɔ áɔyɔnga gea: «Mbenɔ nna ye ɓei.

Mphaniɔ 10:6 Iomraidhean Croise

Mphaniɔ 1:18

Nende nkpa nde neoenda. Ɗéku, cɔ, kɛ̌kɛnde ne gǎkɛ oenda ka saga na saga. Nɛbɛɗi phembekete á kukuwa na nnde á nji á ɓasí.

Mphaniɔ 12:12

Kaɓondɔ, maseye áɓɛ na koba, ɓáni n'iyoma ɓunde ɓoiki na koba. Ande gǎkɛ ngomi ka mokonda n'oɓenge! Ka nyɔngɔ nde, Sɛtáni adidi ko. Yɛ, atúmi n'esúia nga, aúbi gea, mbenɔ nɛkɛ nna ye ásii.»

Mphaniɔ 16:17

Malaéka ndea Mokonga ɓa ko ngianjaga iɓɛ (7) aoɗukia nɛkɛ cǎ ésúia ndea Mokonga ka mpɛna. Mpɔ, ɛsɔ ángbó áɔɔ́kɛkana k'éndu á Mokonga n'atóki ka kankaanga á kɔkɔta áogea: «Mpɔ así ye tɔ.»

Mphaniɔ 21:6

 goto ɔyɔnga gea: «Así! Eme nende Alpha na Ɔmɛga, nkpangeɔ na sungiaga. Mmbé ana ɛnyɔta, nemophande kema á noa ecici ka ntogɔ á iɓo á enda.

Mphaniɔ 4:10

ɓagbɛga nkama iɓɛ na gena (24) ndɔ, ɓáogbúka muanku mosá á mmbé aiki ka kankaanga á koɓoamɛ, ɓáombeba mmbé aoenda mɛyɔ. Ɓáophúia kekombó nɛɓɔ mosá á kankaanga, ɓáɔyɔnga gea:

Mphaniɔ 4:11

«Mɔkɔta nɛsu Mokonga, okeni na opha akɔ ɓoombia, ɓokutú, na ɓukpɛkpɛ. Nga, oɓɛ aámbé ɗóconji kema bui, Ka nyɔngɔ á mɔphɛ nɛkɔ aunge, kema bui ɓácɔnji na a ɓei.»

Mphaniɔ 4:9

Ka mbenɔ bui ɓamakɛlúbi ndɔ ɓáombeba, ɓáonɗokomisa, na ɓáonsega mmbé aiki ka kankaanga á koɓoamɛ, n'aoenda mɛyɔ,

Mphaniɔ 6:11

Ɓâ gǎkɛ ǒɓopha nkpa na nkpa bɔngɔ éndǎ ábu, ɓáǒngoɗea te, ɓáɓondeɛ phɔ́ ka mbenɔ ábɔa na ka ɓî mɔɔmba á ɓadaɓɔ ɓabɛɗanigi na ɓana-amaɓɔ íɓunde ɓásiande ɓea ɓɔ, akpeengeanande.