Mphaniɔ 1:7 - Ɔngana á Kɛ̌kɛ

⁷ Éngani, Yéso Kiísito aobika k'égugu. Ɓakpa ɓɔbu ɓámɔnande. Ɓunde ɗáɓántúmi n'ekonga, ɓámɔnande phɔtɔ. Ɓato á k'ekuna bui á ka mokonda ɓátaɓokanagande ka nyɔngɔ akɛ. Eya! Áɓɛ ɓó.

Mphaniɔ 1:7 Iomraidhean Croise

Matáyɔ 16:27

Cɔ, Muna-Nkpa, abikande ka ɓophombia ndea Abɛ, kimoci na ɓamalaéka nɛkɛ. Mpɔ, amphendande nkpa na nkpa ka ɓeana na tambea akɛ.

Matáyɔ 16:28

Nenóngoɗi ɗoni gea, ka ɓunde ɓá wani, ɓákákuwɛku mosá á ɔna á Muna-Nkpa, n'aobika ɓea Moamɛ.»

Matáyɔ 24:30

Mphangiɔ á Muna-Nkpa asɛnɛkande na koba na ɓukpɛkpɛ ángbó. Cɔ, ɓato á ka mokonda ɓɔbu ɓátaɓokanagande. Ɓámɔnande Muna-Nkpa n'akiɗiani k'egugu á na koba na ɓukpɛkpɛ na ɓophómbia.

Matáyɔ 25:31

Mbenɔ nde Muna-Nkpa abikande k'óbebɔ nɛkɛ kimoci na ɓamalaéka ɓɔbu, aikande ka kankaanga á koɓoamɛ.

Matáyɔ 26:64

Mpɔ Yéso áongoɗea te: «O ye yɔngi ú. Nekongoɗi gea, kpanga á kɛ̌kɛnde ɓɔmɔnande Muna-Nkpa n'aiki ka njaga á mǔku á Mɛna-ɓukpɛkpɛ, n'asɛnɛki k'égugu á na koba.»

Málikɔ 13:26

Wa, ɓámɔnande Muna-Nkpa n'abiki k'égugu. Abikande na ɓukpɛkpɛ phɛɛ.

Málikɔ 14:62

Yéso áosikisia: «Eya! Eme yɛ. Ɓenu phɔtɔ, ɓɔmɔɔnande, eme Muna-Nkpa, na neiki ka njaga á mǔku á Mokonga Mɛna-ɓukpɛkpɛ, na neobika k'égugu á na koba.»

Lóka 21:27

Mpɔ, ɓámɔnande Muna-Nkpa n'abiki k'égugu na ɓukpɛkpɛ na ɓoombia ángbó.

Yoáni 19:34

Ka ɓato émani â gǎkɛ ontúma Yéso n'ekonga ka mpambá, mɔngɔ ímoci iɓo na magia áojuana.

Yoáni 19:37

Ɓáɗundu goto suɓi á ɓuku gea: «Ɓámɔnande mmbé ɗáɓántúmi.»

1 Ɓatɛsalɔníka 1:10

Cɔ, ɓo phɔtɔ omɓondea Anakɛ, mmbé Mokonga ɗánjujúkisi ka ɓasí, n'atókaeka na koba. Ina akɛ ande Yéso, mmbé asóamisi k'esúia ndea Mokonga nnde aobika.

1 Ɓatɛsalɔníka 4:17

Kɛ̌kɛndɔ, ɓesu íɓundɔ ɓe phɔ́tɔ ka mokonda, ɓetáiande kimoci na ɓɔ k'egugu phǒi! Ɓéodondana na Mɔkɔta k'ego. Mpɔ, ɓéoika na Mɔkɔta mɛyɔ.

Ɓaɛbulanía 10:29

Cɔ, ɓookanisia ɓo? Nkpa nde aɔmɓɛnjiaga Muna-Mokonga, kákeni ɓántambisɛgɛ akpɛ phɛɛ? Nga, yɛ nnaɔɔna kantíti á magia á ɔngana nde aími ɓojeɗe nɛkɛ, abómi phɔtɔ Měma mmbé asóúbisi ɓonjánja-ékondi ndea Mokonga.

Ɓaɛbulanía 6:6

ɓakpa ndɔ ɓákátɔkɛku ye goto ɓákětiɛ tambea aɓɔ mɔngɔ á ko iɓɛ nga, ɓánkɔkɛigi goto Muna-Mokonga gǔ á moyangɔ na ophá á ɓakpa ɓunɛngbo aphe á bóma akɛ.

1 Yoáni 3:2

Ɓadani ékondi, kɛ̌kɛnde ɓe ye tɔ ɓana-Mokonga. Yɛ kásophangimbɛ gǎkɛ base, ámbé ɓeɓáeka ɓo. Nnde ɓeúbi, ande gea te, mbenɔ nde Kiísito asɛnɛkande, ɓéɓande ɓea yɛ nga, ɓɛmɔnande ɓíndɔ aɔ.

Yúda 1:14

Cɔ, nyɔngɔ aɓɔ unge Ɛnɔ́ka nkpa á ko ngianjaga iɓɛ kpangá ka Adámu ɗáɔtu kala gea te: «Ɔ́nani, Mɔkɔta aobika na ɓamalaéka ndeakɛ ɓásii phɛɛ

Mphaniɔ 22:20

Mmbé amamei nyɔngɔ á suɓi á ɓuku ndee, ayɔngi ɓe: «Eya, neobika kɛ̌kɛnde.» Áɓɛ ɓó, Mɔkɔta Yéso, bika!

Mphaniɔ 22:4

Ɓáɔnande keongi akɛ. Ɓáɗunduande ina akɛ k'éndóndó aɓɔ.