Mphaniɔ 1:3 - Ɔngana á Kɛ̌kɛ

³ Cɔ, maseye ka nkpa nde aotanga ɓuku ndee, maseye ka ɓunde ɓáɔɔ́ka na tɔtɔkisa á nyɔngɔ nde Mokonga ɗáyɔngi, nnde ɓáɗundu wani. Nga, mbenɔ á tɔtɔkɛana á nyɔngɔ ndɔ bui a ye tɔ bíbí.

Mphaniɔ 1:3 Iomraidhean Croise

Matáyɔ 24:15

Ɓɔmɔnande mmbé ɓáɔmɔphana: ‹Kema á soni nnde aɔjɔɔkisa endu á Mokonga›, mmbɔ Daniɛ́lɛ mɔtu-nyɔngɔ ndea Mokonga ɗáyɔngi nyɔngɔ akɛ, ɓámbisande k'ɔ́ma á kanga ɓojeɗe. (Cɔ, oɓɛ ímbe ootanga óengekisa ye ánjá!)

Lóka 11:28

Yéso â gǎkɛ ǒsikisia gea: «Maseye a ndiu ka ɓundɔ ɓáɔɔ́ka nyɔngɔ á Mokonga na tɔtɔkisa í.»

Ɓalɔ́ma 13:11

Mbenɔ nde ɓokau ɓooúba gea, a ye tɔ mbenɔ á jujúka ka tɔ̌ nde ɓo suɓi í. Cɔ, mbenɔ nde ɗéɓemɓeeki Yéso, ɓoamia á ka měma n'a phɔ́ ɗanga aunge asódondi ye tɔ.

Ɓalɔ́ma 13:12

Esa angɛndi dakɛ. Akeni ɓéɗeketɛni tambea ájeɗe á kaiphiɔ. Ɓɛ́bɛɗɛni ndiu nkumba á emani nde ɓáɔbɛɗaneaga n'esa.

1 Pɛ́tɛɛ 4:7

Cɔ, sungiaga á kema bui a ye tɔ bíbí. Kaɓondɔ, koɗani iso na ɓáni na kɔɓɔɔngɛ ka gea, ɓóɓɛ na ɓukpɛkpɛ á mɛma á Mokonga.

2 Pɛ́tɛɛ 3:8

Ɓenu gǎkɛ ɓadani ékondi, ana kema moci nnde kákeni ɓóɓoseɛ nyɔngɔ ndee: K'íso á Mɔkɔta, esa moci a ɓea saga ɛlɛphu moci (1.000). Saga ɛlɛphu moci (1.000), a ɓea esa moci.

Mphaniɔ 22:10

Mpɔ, áomongoɗea te: «Kɔsɔmɛɛ mɔnɔ nyɔngɔ nde ɓáɔtú suɓi á ɓuku ndee. Nga, mbenɔ átɔtɔkɛana á nyɔngɔ ndɔ, abîmani.

Mphaniɔ 22:12

Yéso áɔyɔnga te: «Cɔ, neobika kɛ̌kɛnde! Nebikande n'ophendɔ ka phenda nkpa na nkpa ka ɓeana na nnde ɗági.

Mphaniɔ 22:20

Mmbé amamei nyɔngɔ á suɓi á ɓuku ndee, ayɔngi ɓe: «Eya, neobika kɛ̌kɛnde.» Áɓɛ ɓó, Mɔkɔta Yéso, bika!

Mphaniɔ 3:11

Cɔ, neokamisaga bika. Ámbá akpɛ kema nde oně, ka gea, nkpa ɓaangbo kabɛɗɛmbɛ ɛkɔmi nɛkɔ.