Mphaniɔ 1:2 - Ɔngana á Kɛ̌kɛ

² Yoáni ɗáɗigimisi nyɔngɔ ndɔ ɓe: «Kema bui nde ɗɛ́ɔni ande Nyɔngɔ á Mokonga n'ande ɗoni gea, Yéso Kiísito aámbé aɗigimisi ú.»

Mphaniɔ 1:2 Iomraidhean Croise

Yoáni 1:32

Mpɔ, Yoáni áɔtɔmia nnde ɗáɔni gea: «Ɗɛ́ɔni Měma á Mokonga n'atóki na koba, n'aodida ɓea mboe, áoika na yɛ.

Yoáni 12:17

Cɔ, usɛsɛ á ɓakpa nde ɗáɓátú na Yéso mbenɔ nde ɗámɔphani Lajálɔ suɓi á bóta ka jujúkisa akɛ sɔsɔɓɛ á ɓasí, ɓɔ ɓáunge ɗáɓáɔtɔmiaga nnde ɗáɓáɔni.

Yoáni 19:35

Nkpa nde ɗáɔni nyɔngɔ n'íso akɛ aámbé aɗigimisi nyɔngɔ ndɔ. Nyɔngɔ nde aɔtɔmia ande ɗoni. Yɛ, aoúba gea a tɔ ɔyɔnga ɗoni. A gǎkɛ ɔyɔnga ɓó ka gea ɓenu phɔtɔ ɓóɓeekeɛ.

Yoáni 21:24

Cɔ, a tɔ ngoigi ndɔ aámbé aɗigimisi nyɔngɔ ndɔɔ. Yɛ, áoɗundua ú. Ɓesu, ɓeoúba phɔtɔ gea ɗigimisa á nyɔngɔ ndɔ ande ɗoni.

Yoáni 3:11

«Nekongoɗi ɗoni gea, ɓe tɔ ɔtɔmiaga nnde ɓeoúba, ɓéoɗigimisa nnde ɗɛ́ɓɛɔni. Ɓókó gǎkɛ oɓeekea ú.

Ekuma á ɓateki 22:15

Nga, oɓande nɗigimisi nɛkɛ mosá á ɓakpa ɓɔbu, ka tɔ̌mia á kema nde ɔɔni, n'índe ɔɔ́ki.

Ekuma á ɓateki 26:16

Cɔ, ómesia gǎkɛ, ómamɛgɛ dɛ! Neokiɗianei ka gea, óɓɛ mbɛɗanigi nɛmɔ, óɓɛ phɔtɔ nɗigimisi nɛmɔ ka tɔ̌mia á ɓakpa nengbo kema nde otóki ka ɔna í kesande, na kema nde nekophangiande mbusa.

Ekuma á ɓateki 4:20

Nga, ɓesu ɓékéɔtɔka ɗeketa á yɔnga á kema nde ɗɛ́ɓɛɔni, na nnde ɗɛ́ɓɛɔ́ki.»

1 Ɓakɔlítɔ 1:6

Nyɔngɔ á Kiísito nnde ɗɛ́ɓɛnɔtɔ̌mi ana ɓukpɛkpɛ suɓi anu.

1 Ɓakɔlítɔ 2:1

Cɔ, ɓaya, mbenɔ nde eme, ɗéjú mɔtɛ-anu ka tɔ̌mia anu nyɔngɔ nde Mokonga ɗásɔmi, ɗékéyɔngi nyɔngɔ akpɛ ka engekisa í na ɗékéyɔngi na kɔɓɔɔngɛ phɛɛ.

1 Yoáni 1:1

Ɓɛɔnɔtɔmia Moyo nde aoendisa nnde ɗátú kpanga nkpangeɔ. Ɗɛ́ɓɛɔ́ki ú, ɓɛ́ɔɔna ú n'íso asu sisasu, ɓeotúmia ú n'íso, ɓéoɓaɓa ú.

1 Yoáni 4:14

Ɓesu, ɗɛ́ɓɛɔni na ɗigimisa gea, Abɛ ɗánteki Miki-mǒko nɛkɛ áɓɛ Namisi á mokonda.

3 Yoáni 1:12

Ɓakpa ɓɔbu ɓáoɗigimisa gea, Dɛmɛtiíɔ ande nkpa anjánjá, nndɔ ande ɗoni. Ɓesu phɔtɔ ɓeoɗigimisa nyɔngɔ ka phɔa akɛ, na oɓɛ ooúba gea ɗigimisa á nyɔngɔ nɛsu ande ɗoni.

Mphaniɔ 1:11

Ɛsɔ ndɔ ɗáɔyɔnga ɓe: «Kema nde ɔɔna, ɗundua ú suɓi á ɓuku, ótekɛ ɓuku ndɔ ka kanisa ngianjaga iɓɛ (7) ndee: Ɛphɛ́sɔ, Smúna, Pɛɛgámɔ, Tuatɛ́a, Sáadi, Philadɛlphía, na Laɔdikía.»

Mphaniɔ 1:19

Cɔ, ɗundua kema nde ɗɔ́ɔni, na nnde á kɛ̌kɛnde, na nnde abikaeka.

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.

Mphaniɔ 12:11

Kaɓɛ ɓana-amasu ɓátónkíndí ande ka ɓukpɛkpɛ á magia á Muna-mɔgɔgɔ na ka nyɔngɔ índe ɗáɓáɗigimisi. Ɗáɓákáuníí enda aɓɔ, ɗáɓátú bíbí á kukuwa.

Mphaniɔ 12:17

Njɔka ndɔ, áɔmɓɛɛa nke ndɔ phɛɛ. Áoga ǒmanisa ɓana-nke ndɔ ɓuangbo. Ɓaniki ndɔ ɓáunge ɓáoamba ɛɔphi ndea Mokonga na ɓeá á ɓɔphɛi ndea Yéso.

Mphaniɔ 20:4

Mpɔ nɛ́ɔɔna kankaanga á kɔkɔta. Ɓunde ɗáɓáoikiɗia ú, ɗáɓátɔi kɔkɔta á tena á nyɔngɔ. Nê phɔtɔ ɔɔna měma á ɓunde ɗáɓáeteni ka nyɔngɔ nde Yéso ɗáengekisi na Mbino-Ánjá ndea Mokonga. Ɓɔ, ɗáɓákágbúki muanku aɓɔ mosá á nyama kaɓɛ tɔnkɛngɛ akɛ. Ɗáɓákábisi phɔtɔ mphangiɔ á nyama ndɔ k'éndóndó kaɓɛ ka njaga aɓɔ. Ɓɔ, ɓáunge ɗáɓájujúki ka kukuwa, ɓáomamea nji kimoci na Kiísito suɓi á ɓasaga ɛlɛphu moci (1.000).

Mphaniɔ 22:21

Cɔ, ɓonjánja-ékondi ndea Mɔkɔta Yéso áɓɛ kimoci na ɓenu ɓɔbu!

Mphaniɔ 6:9

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko ɓɔku, nɛ́ɔɔna kusi ɛ́tɛ-ɔ́phɛ́ɔ, měma á ɓakpa nde ɗáɓětenigi ka nyɔngɔ á tɔ̌miaga á Nyɔngɔ á Mokonga, na ka nyɔngɔ á ɗigimisa nde ɓakpa ɗáɓáoɗigimisa ka phɔakɛ.